الغالية أفراح أمة ....

ما هو اقل أو اكبر سعر لشراء الأسهم ؟

يعني لو انا بغيت اشتري اسهم من اعمار .. كم سهم ممكن اشتري ... ؟
خاصة اذا مبتدئة في عالم الأسم .... :(

يعني ممكن اشتري اسهم في حدود 5000 درهم فقط ؟ قولي تقريبا 1500 سهم ؟

وكيف افتح رصيد تداول ؟؟؟ وكم يكلف هالشي ؟

:22: :confused: :confused:

ماشاء الله روعه

فعلا الاسهم مشروع ممتاز

شرط يكون شركات حلال

شركه اعمار روعه ومشاريعها شغاله :27:

والاتصالات معروفه:17:

السلام عليكم ورحمة الله وبركاته ،

سهم أعمار قيمته بتاريخ اليوم 27/7/2004 5.87 درهم، تقريبا بيطلعلتج 550 سهم ، هذا أذا أستثنينا عمولة الشراء اللي لازم تدفعينها للوسيط وتساوي005 , من قيمة الاسهم. وكيف الواحد يشتري أتصلي على سوق دبي المالي وقوليلهم يحولونج على الوسيط ( تقدرين تختارين الوسيط فيه قائوه بالوسطاء في موقع سوق دبي الماليwww.dfm.co.ae ) وحاطين بعد تليفونات السوق اللي تقدرين تستفسرين منها... كنت بحط الرقم بس ممنوع في المنتدى... عاد لازم تفتحين حساب في البنك اللي يقولتج عليه الوسيط وتحطين الفلوس اللي تبين تشترين فيها الاسهم.
وبعدين يطلعلتج رقم مستثمر بعد ما يخلص كل الاوراق المطلوبه ( صوره من الجواز وخلاصة القيد ورقم حساب البنك اللي فيه الفلوس) ويشتريلج الاسهم وبعد يومين يصيرون بأسمتج وتقدرين تروحين البورصه وطلعين كشف حساب تثبت ملكيتج للأسهم ، (ياخذون 10 دراهم رسوم على كشف الحساب). وبعدين أنتي أتابعين قيمة السهم في الجرايد أو على النت وتشوفين أذا أرتفع ولا لأ .. وتقررين أذا تبين تبيعينه أو تترين شوي ، هذا راجعلتج ، يوم تقررين تتصلين على الوسيط وتقوليله بيع ، ومره ثانيه راح ياخذ 005 , من قيمة الاسهم المباعه.
وممكن تحطين Order للوسيط تحددين فيه سعر البيع تقولين فيه أذا وصل سعر الهم 7 درهم بيع ، بدال ما تتصلين. وأول م يبيع بعد يومين تقريبا تتحول الفلوس لحسابتج في البنك، .......وبس ، هذي كل السالفه ، ما بغيت أخلص . !!!!!! وسلامتكم

اختي الغالية .. للصبر آخر

شكرا على التوضيح الجميل ... و أي مستجدات راح أكون مطمئنة لوجود عضوات مثلكم ..

جزاك الله خيرااااااااا:26:

العفو أختي هذا أقل من الواجب ... وحاضرين للطيبين..