سيراميك بيتي الجديد

الخاله ..

حبيبتي انا بيتي توه جديد ..

حاطه في الغرف نوم العاديه سراميك الي شكله يشبه الخشب

طلع شكله روعه .. لانه يمشي مع اي لون غرفه ناويه تحطينها ..

وفي غرفة النوم الرئيسيه والصاله العلويه والممر الموزع بين الغرف

ركبت بروسلان لونه برونز طلع شكله فخم وحلو مره خصوصا اذا اخترتي له ترويبه من نفس الون ..

اما الدور الاول ركبت رخام في جميع الاماكن لانه مفتح على بعض وصعبه ارقع في الارضيات ..

صدقيني التغير حلو ..

مثل ما قلت لك السراميك على شكل الخشب في غرف النوم والصاله والمجالس ركبي شكل ثاني ..

الله يساعدك ..

..

تسلمين يا اختي المفعوصة انا مثلك احب اخلي سيراميك شكل خشب في الغرف بس زوجي مو راضي يقول انها موضة وبتنتهي ولذلك هو يحب ان احنا نخلي كل البيت من نفس اللون

أختي الخالة أنا احنا الحين تونا خلصنا من تركيب سيراميك البيت حتى إلى الحين ما تروب وأنا بيتي طابق ونصف كله مفتوح على بعض وأنا من مناصرين اللون الموحد في البيت فحطيت لون السيراميك البيج المائل إلى الأصفر الفاتح وفيه خطوط بنية مثل شكل الرخام وعلى فكرة أنا أحب اللون الموحد لأنه سهل في تنقيل واختيار الأثاث فمثلاً لو حبيت أنقل السجادة من المجلس إلى غرفة الطعام ممكن لأن السيراميك فاتح ولون واحد ولكن سوف أغير في ألوان الستائر والسجاد وعلى فكرة لازم تحاسبين حق لون الصبغ هل تحبين اللون الواحد في البيت أو الألوان.

موكلي تسلمين حبيبتي وللأمانة انا دائما اتتبع مواضيعك وأحس ان عندك ذوق رفيع وحابه نتعرف على بعض انا من البحرين واسعدني ردك على موضوعي:27: :26:

بس مو السيراميك في غرف النوم يخليها بارده في الشتاء ؟؟

وانا توني قاعده اصلح مخطط لبيتي ومفكره اخلي الدور الاسفل كله لون واحد بالنسبه للأرضيا ت والسيراميك فيه منه الوان حلوه واما الدور العلوي لا يبي له جرأه في اختيار الوان الارضيات لانه بيكون سبيشل خصوصا اذا كانت غرفة المعيشه فوق يعني لازم تخلين عينك تطيح على كذا لون وشكل