بالنسبة للأكلات اللي تحبينها ( شيبسات ، عصيرات ، شوكولاتات و الخ ) اكليها وهي ماتدري

وبالنسبة لزياراتك انتي وخواتك عند خالتك ، دخلي خالتك في السالفة وقولي لها تقول لأمك عشان خاطري خليهم يسهرون عندي

وقولي لأمك بإسلوب لطيف ليش احنا دايم غير الناس وانتي ياماما تضغطين على نفسك وتربيتك لنا فيها تشدد ومبالغة وحطي نفسك تبكين وان العبرة خانقتك عشان تعاطف معك

وانصيحها تقضي وقتها في قراءة القرآن وتروح عن نفسها بالزيارات وان الدنيا ماتسوى كل هالتشدد والمبالغة

ياقلبي احذري احذري تحطين في عيونك عسل

العيون ماهي بلعبة تعبثيين فيها

وإذا كنتي تبين تسوين لعيونك عملية اتفقي مع أبوك قدام أمك انك رايحة لمكة تاخذين عمرة وبعدها روحي سوي عملية


بعدها قولي لها واحنا راييحيين أبوي اقترح علي اسوي عملية لعيوني


أفضل حل للتعامل مع أمك التسليك دائما قولي لها أبشري وإن شاء الله ومن عيوني

والأشياء اللي تبينها سويها من وراها

يااالله صدق احسب عندك سالفه
خلاص ماله داعي التشكي والتبكي
غير يتمنى امه ترجع ويشوف زولها
مقصد امك خوف عليك واهتمااام بك وبخواتك لا اقل ولا اكثر
واكيد مرح تخليكم تروحون عند صديقااتكم
وحدكم خير سلامات وين حنا عايشيين
وصراحه بعض كلامك ماصدقته اعذريني !!
زي انها تمنع القشطه والخبز والرز احس بعض
كلامك مبااالغ فيه وربي يغفر لي
وموضووووعك مررره مااااله دااااعي احمدي ربك على امك وبس
ونصيحه اخيره خلي عنك التشكي اللي موب محله

ومابي وحده تعلق على كلامي لو سمحتم لان مافيه شي رأيي
وذا اللي انا اشوفه
وامي تراها مثل امك في بعض الامور ماتخلينا
ننام ببيت خالاتي
ولانروح عند صديقاقتنا لحالنا
ولا نكثر شيبسات وحلويات
ولانستشور بأي وقت شعورنا
وتزعل لا ماصلينا الصلاااة بوقتها وذا دليل محبتها لنا
وصح اوقات اقول ياربي ليه ماتسمح لنا بالجوالات والاستشوار.
والاكل وكذا بس بيني وبي نفسي ماقد طلعتت هالكلام لاحد
لانه حرااام اتشكى منها وكل اللي تسويه
لصاالحي ولصالح خواتي
فديييت روحها وعمرها
ونصيحه مني حبي امك وبري فيها وتقبليها بكل اللي فيها
وصدقيني لاقرت الموضوع بتحزن كثييير
لانك فهمتيها غلط
موفقه ........

كل كلمه قلتيها راح تتكرر في حياتك انتي مع ابنائك الام نظرتها اوسع وتفكر بالمخاطر اكثر من الرفاهيه وو لذالك تشوفيها دقيقه معكم الله يحفظ لي ولك جنتك ويسخرنا لهم يارب