سيفورا جدةة ... تقرير بسيط عن المحل/// قديم

السلام عليكم ورحمة الله وبركاته

ماشاء الله تبارك الله



اليوم بأعطيكم نبذة بسيطة عن محل سيفورا جدة .. واللي ليه فترة بسيطة فتح .. وقررت اني افيدكم وافيد كل بنوتات جدة .. وغيرها ..
طبعا ابغى انبه انو الغرض من الموضوع بشكل اساسي هو توضيح بعض الاشياء خصوصا انو المحل جديد وهناك كتيير بنات محتارين بين اختيار مقاضي العيد من سيفورا او ماك او فايسز او باريس جاليري

اول شي بأناقش الشكل العام للمحل ... على الرغم من اني اتوقعت انو يكون واو .. فأتفاجأت انو محل سيفورا اغلبو فاضي.. أنا كنت مقررة اخد بلاشرات نارس .. وكم جلوس من توو فايسد .. وكمان ماركة بينفيت..
لكن للأسف وجدت ستاند ماركة نارس فاضيييي ومافي شي .. ونفس الموضوع بالنسبة لبينفت .. وكارجو فيها كم جلوس على كم بلاشر ..وبصراحة زعلت :42: وناديت على واحد من الباعين وسألتو قال انهم يبجيبوا بضايع نارس وبينفت بكرا اللي هو على يوم السبت .. فطبعا قررت اني اتفرج على بقية المحل .. طبعا اغلب الماركات كانت فاضية .. الماركات اللي لمحتها هي ماركة سيفورا نفسها وكان عليها زحمة جدا :angry2: وايضا ماركة شانيل وديور وكارجو -كارجو مافيها غير كم شي- وماركة فور ايفر .. والباقي ما انتبهت ليها كويس.. ايضا سألت على الجلوس اللي ينفخ الشفاة.. حتلاقو يابنات عند الكاشير موجود بكميات قليلة..
وسألت على معجون اللي يبيض الاسنان .. وقالي البياع انو مافي ومحا يوفروه غير بعد مدة .. وبالرغم من كذا كان الجو العام للمحل لززوووز ...بس صراحة انا حسيت انو مافي مقارنة بين باريس غاليري وفايسز وبين سيفورا.. يمكن لأنو المحل جديد..
المهم النقطة المهمة اللي اتمنى ماتسير فيكم هو انو حسابكم يطلع محترم .. :09: يعني حطو في بالكم اش بتاخدو واش ما بتاخدو .. وطالعو مضبووط في كل ستاند على السعر
بأعرضلكم الاول الأشياء وتعليق على كل صورة




ايلاينر قلم اسود وبلاشر مشمشي من شانيل الاتنين روعة وماعليهم كلام :26: خصوصا الايلاينر سهل جداا في الرسم




اسفنجة وفرش شدو ماركة سيفورا


ليفة وشرائح الخيار وبتلاقي الليفة مع مجموعة الباث وقيمتها فوق الخمسين ريال والخيارات بتلاقيهم في ستاند دائري في الوسط ناحية الاضافر الاكليرك