السلام عليكم ورحم الله
شخباركم ياحلوات :)
هذا اول موضوع لي هنا كتجربه واتمنى انها تفيدكم مثل مافادتني الحمد لله رب العالمين
ان شالله تستفيدون مثل ماستفدت منكم
طبعا الوصفه للي تعاني من سيقان جافه وناشفه وفيها بقع ولاتنسون علامه الجوده اللي عالجمب:icon33:
هذي سيقاني مهما ارطب ومهما ادهن بالزيوت والله مايفيد فيها شي تشرب كل الكريمات بسم الله عليها بشرتي عطشانه:hahaha:
المهم مابغى اطول عليكم اللي تعاني من نفس معانتي راح تلاحظ الفرق الشاسع والتغير والنعومه حتى لدرجه ماتقدرين تحطين ركبه على ركبه من نعومه سيقانك تمزلق:icon20: <<لاتصدقون ابالغ
يعني اللي سيقانها ناعمه لاتتعب نفسها ترى ماتحس بفرق ابد
الطريقه :
ادهني سيقانك بزيت لوز مر ..انا اشتريته من العطار مهوتعبئه شركه ولا شي معصور والعلبه الصغيره بعشر ريال يابلاش
بعدين لفي سفره على سيقانك من فوق الركبه الين تحت عند الكعب والقدم لبسيها باكياس النايلون العاديه واربطيها وحاولي ماتتركين فتحات عشان تعرق الرجل مزبوط
البسي عليها شراب عشان تمسك وماتطيح ونامي فيها ولا اجلسي ساعتين ثلاث مو اقل
وبعدين طلعي هالخرابيط وروحي رشي مويه على سيقانك وافركي الركبه والاماكن السود بليفه مغربيه مع قليل من الشاور جل وغسلي واطلعي<<احلفي
وتمتعي بالنعومه :icon28:
ولاتنسين تحكينها بالحجر من تحت
والله يابنات اجلس لليوم الثاني واليوم اللي بعده ونا رجلي مانشفت العاده احط زيت وشوي الا رجع الجفاف مع العلم ان بشرتي عاديه مهيب جافه مدري ليه سيقاني غير مره:frown:
الحمد لله عقب هالطريقه يعني تحسنت سيقاني كثييييييييييييييير والركب فتحت شوي
ولانسون ان سبب السواد هو عدم الترطيب وعدم الصنفره المستمرة
يابنات اللي تجرب تجي تقولي كيف النتايج ودي اعرف وش صار عليكم:)
يالله عقبال مانلاقي علاج من الطبيعه للتشققات :(
ام اسمهان @am_asmhan
محررة فضية
يلزم عليك تسجيل الدخول أولًا لكتابة تعليق.
مشكورة اختي والله يجزاك كل خير وان شاء الله بجربها يعطيك الف عافيةمشكورة اختي والله يجزاك كل خير وان شاء الله بجربها يعطيك الف عافية
مشكووووره وان شاء الله بجربها :)
الصفحة الأخيرة
والله يجزاك كل خير
وان شاء الله بجربها
يعطيك الف عافية