.
.
اليوم قعدت احوس في المواقع الأجنبيه طحت على وصفه للسينابون وشكلها مشهي
وانا فيني حماس هاليومييين ماادري من وين جآآآي :3_13_12:
وقلت خواتي في عالم حواء اكيد منتظرين وصفه جديده واهم شي مجربه ومضبوووطه
قلت لآزم اجربها بنفسي وان ضبطت وطلعت مثل اللي في بآآآلي بنزلها لهم
يستاهلووون :icon35:
بعطيكم المقادير الحين :
2كوب حليب السعوديه
نص كوب سكر
نص كوب زيت
اول شي شفتو المقادير اللي فوق حطوهم بقدر وعلى النار يغلي شوي لييين مايذوب السكر ويختلطون
اتركيها شوي تصير دافيه بعدييين
نضيف لها :
ملعقه كبيره خميره
ذرة ملح
4 أكواب طحين
نخلطها زين وبتكون سايله شوي عادي اتركيها لحد ماتتخمر وبعد التخمير ضيفي
ملعقه صغيره بيكنج بودر
نص كوب طحين
اعجني العجينه زييين وعلى طول افرديها وتكون خفيفه شوي مو مره ادهني العجين بالزبده ورشي سكر وقرفه
لفي العجينه وقصصيها
صفيها بالصينيه واتركيها شوي تخمر
وعلى الفرن تتحمر شوي من تحت مو تتحمص تتحمر تحمير اشقر :7_2_103v:
ومن فووق شوي يدوووب يتغير لونها
وبس
الحين السر اللي غير طعم السينبون وعطاه نكهه مميزه الصوص اللي انحط فوقها
اخلطي كاس سكر بودره
نص كوب حليب سايل
ثلآث ارباع اصبع الزبده الصغير
ملعقه صغيره نسكآفيه
اخلطيه زين وبعدها وزعيه على السينبون
الريحه في البيت وآآآصله للشارع يعني بتخسر اللي ماتقوم تسويها الحين
ملآحظه :
ملاحظاتي على العجينه عشان اوضح لكم كل شي
انا مااحب السينبون يكون مثل طعم الفطاير يعني هش وطري مثل الفطاير
الطريقه هذي صحيح طريه بالمره بس العجينه تجي طبقات وكل طبقه منفصله عن الثانيه
يعني بالمختصر مثل حقت الكافيهات اللي برا
الصوص يمكن يكون شوي حالي بس انا اتوقع مثل حلآوة النستله يعني تقدري تخففي الحلى بشوي جبنه او قشطه انتي حره
بس اللي عطاها شي مميز الخلطه اللي فوق
بانتظار تطبيقاتكم وآرائكم وتعليقاتكم وتقييماتكم للموضوع >>>>> تعبت وانا اكتب هالجمله :3_3_103:
انتظروا الصور
اختكم امووول
