مساء البطانيه والدفايه للي يقرون موضوعي بالليل
اليوم كعادتي السنويه بنزل لكم سينابون كب كيك اسهل من الطرق المعتاده
وتنفع لزنقات وحالات الضيوف اللي يطبون فجاه كنهم داخلين شركه:mad:
مع ان العالم تطورت فيه تلفونات وجوالات ولابتوبات وصار الواحد يعزم الثاني بالايميل بس الدلخ دلخ لو يتسبح بمويه ذهب
خخخخخخ تراني اعزم عزيمه عشاء ع المسن عجازة ادق ع الربع
المهم
ماتلاحظون طلعت عن الموضوع
يالله حبيت اسدح لكم الطريقه
طبعا العجينه عجينتك معتمده<<<< مالي خلق اكتب مقاديرها
وتحتاجين الى
صينيه كب كيك وحليب سائل وقرفه مطحونه
طبعا لاتخمرت عجينتك تاخذين منها قطعه عادي لو كانت عشوائيه
وتغمسينها بالحليب وبعدين تغمسينها بالقرفه وتحطينها بالصينيه تكون مدهونه زيت
وبعدين تحطينها بالصينيه بهالشكل
وتكررين العمليه لين تكملين الصينيه
طبعا كل دائره حطيت 4 قطع صغيره لاتكثرون منها
وهاذي الصينيه لما اكتملت وخليتها تخمر شوي
واول ماتنضج طلعيها لين تبرد
وحطي عليها مايلي
حطي بالخلاط دريم ويب وقشطه وجبن كيري وصبيه ع السينابون
وزينيه باللوز المقشور مدري المبشور
ذي خربت علي وانتفخت زياده عشان كثرت القطع اكثر من 4
ماعليكم من الشكل اهم شي الاخلاق
وهاذي اللي تقيدت فيها ب4 قطع طلعت حلوة ومرتبه
وذي صور جماعيه للربع اللي سليمين واللي مصابين اقصد المنتفخين
للمعلوميه اول مره اسويها بهالطريقه دايم اسويها بالطريقه الحلزونيه والمرات الجايه بتضبط معي وبتترتب
ونص منها قرفه والنص الثاني كابتشينو طلع طعهما خوراااافي يهبل
والدقيق اللي استخدمته هو تبع محل ملتقى الخبازين اول مره اسوي به طلعت العجينه هشه وطريه واحلى من الكويتي بكثير
وطول الله كراعكم واضحك ضروسكم وادعوا لي بالوظيفه والزوج الصالح يكون اكوس نفر بالعالم
