كيفكم بنات؟؟؟؟؟؟؟
اليوم مسويه سينابون لذيذ مررره بطريقه عجينه ام عشر دقايق
طريقه العجينه:
1 كاس ماء دافئ
ملعقه كبيره خميره
نص فنجان سكر
ذره ملح
كاس دقيق الكويت
(اخلطيهم بالسلك جيدا حتى تتجانس واتركي العجين 10 دقايق)
واضيفي عليهم بعد العشر دقايق:
فنجان حق القهوه العربيه ماغيره هههههه زيت
3 ملاعق كبيره حليب نيدو بودره وهذا سر طراوه العجين
وكاس ونص دقيق وابدأي بالعجن الين تصير طريه انتبهي لاتخلينها قاسيه (انا طريقتي مااحط كل الطحين مره وحده اعجن وازيد الين احس انها صارت لينه)
وافرديها في الصينيه ورشي عليها (ملعقه كاكاو بودره وملعقه دارسين وملعقه ونص سكر ناعم )وطويها وقطعيها وصفيها في صينيه مدهونه وادخليها الفرن
وحمريها شوي واضيفي عليها خلطه الوجه
الوجه:
في القدر بياله ونص شاي سكر
وبياله ونص حليب نيدو جاف
بياله ونص ماي
وشوي فانيلا
حركيهم مع بعض وقللي النار عليه لمده ربع ساعه الين يصير مثل حليب النستله
وبعدين اضيفي 2 حبه جبن كيري وحركيه الين يذوب
وصبيه على السينابون وشكلي عليه بالكاكاو السائل هرشي بخطوط
ملحوظه:
بأمكانك تستبدلين بخلطه الوجه وتحطين حليب نستله او توفي
وبالعافيه على قلوبكم