كيفكم عزيزاتي
يالله عساكم بخير وصحة وعافيه وأحسن حال
أنا من محبي السينابون وخصوصاً حق محل Cinnabon ودايم أحب أبدع في الصوص حقه وأغير فيه حتى توصلت لصوص روووعه ويشبه طعم صوص Cinnabon
نجي للمهم
بسم الله وعلى بركة الله
* عجينتك المفضله لكن خليها قاسيه وقللي كمية الخميره يعني ملعقه صغيره تكفي لـ3 كاسات دقيق..
هذي صورة السينابون بعد ماطلعته من الفرن
الصوص الأبيض
ملعقتين زبده
5 حبات جبن كيري
ربع علبه حليب مركز ( نستله )
تخلطينه بالخلاط
وهذي صورته
الصوص الثاني وهو الأهم وسر النكهة اللذيذة للسينابون
ربع اصبع زبده
3ملاعق سكر بني
جوز بيكان مجروش ولو ماتوفر استبدليه بالكاجو
شوي حليب نستله
قرفه مطحونه تقريباً نصف ملعقة صغيره
الطريقة
سيحي الزبده
بعدين حطي عليها الجوز وحمصيه شوي بعدين حطي السكر البني وحركيه شوي وبعدين صبي عليه شوي بس حليب نستله انتبهي لاتكثرين وحركي حتى يتجانس وحطي عليها القرفه والصوص مايكون خفيف
وهذي صورته
بعدين صبي على السينبون الصوص الأبيض بعدين الصوص الثاني
طبعاً تصبين على كل حبه لحالها
وهذي صورة السينابون
صورة عن قرب
صورة جانبية
وصوره أقرررب
اتمنى يعجبكم
وأسأل الله أن يبلغنا وإياكم ووالدينا وأحبابنا والمسلمين رمضان ونحن بأحسن حال وبأتم الصحة والعافيه يااارب
لاتنسوني من دعواتكم ..
تسلم يدك
والله يبلغنا رمضان ومن نحب