542000

خبزة بر مدهونة بسمن غنم + براد حليب بالزنجبيل
👌 عشاء ممتاز
افكر اسويه لبطني القميل😍

يا جدتي كيفك وايش اخبارك
الله يرضى عليك ياجدة ابغى اسالك انا شعري صبغته قبل سنه وخرب وصار تالف وللاسف شعري ماطول

ابغى من خبرتك ايش استخدم عشان التلف يروح وشعري يرجع يطول
لان قبل لا تخربه الصبغه كان يطول بسرعه 😔

نبغى قصة ام البنات يا جده 💐

ياهلابك يالولي💐 اناالحمد لله تمام كيفك انتي🌹🌹

شعرك
ادهنيه بقليل زيت يناسب شعرك مثل( زيت جوز الهند، زيت الزيتون، زيت السمسم) اي زيت يناسبه
وسوي مساج لفروة الرأس لمدة ٥ دقائق وبعدين يكون فيه فوطه دافيه مره تخلينها فوق دافية الزيت لين تصير دافيه شوي تلفينها على راسك وتخلينها نص ساعه وتغسيلين شعرك من الزيت واذا نشف مشطيه برفق بمشط عادي مو فرشة شعر ليش قلت مشط لان المشط يسوي مساج للراس ويحرك الدورة الدمويه بالراس
وادهني شعرك (ليس فروة الراس )بكريم على خفيف رح تشوفين كيف يرجع زي اول ان شاء الله واحسن

ملحوظه طول ما تمشطينه بعد الحمام او بأي وقت تظلي تكرري (بسم الله الرحمن الرحيم ماشاء الله ﻻ‌قوة إﻻ‌ بالله }
ناس جربوها وفادتهم👆

قصة ام البنات


كان ياما كان في قديم الزمان كان فيه رجل فقيرر يعيش مع زوجته وبناته ويتمنى ان يرزقه الله بالولد وكل سنه كانت تنجب الزوجه مولوده انثى صار عندهم ٦ بنات وحملت المره السابعه قال لها زوجها ان جبتي بنت ترا مالي شغل فيكم بروح واتركك انتي وبناتك ومعد تشوفين لي وجه ولدت الزوجه مولده انثى حزن الزوج وخرج من بيته وتركهم وراح
بدون وداع البيت كان فاضي من الطعام والنونو تصيح الام مافيها حليب ترضعها بسبب الجوع والبنات يصيحون من الجوع
قامت الام واخذت اكبر قدر عندها قدر الذبيحه وقالت لاكبر بناتها خلينا نجمع حجار صغيره نحطها بالقدر وبالفعل طلعت الام والبنت الكبيره يشيلون القدر ويعبونه حجاره صغيره وجابوه للبيت وشبت عليه النار وصبت فوقه مويه وغطت عليه ، هي سوت كذا عشان تسكت البنيات وتقول اصبرو الحين يستوي الاكل هذاه يطبخ شوي ويستوي ودها تسكتهم لو ليله وحده والصبح يحلها الله
البنات صاحوو لين نامو ونامت هي بعد قامت البنت الكبيره وفتحت القدر ولقت فيه هذاك الشي الاصفر الي يلمع✨ ماتدري وشو ،، صحت امها قالي يمه شوفي الحجار الي بالقدر صارت صفرا. تلمع ✨✨ قامت الام تطالع الا اش تشوف! تشوف جنيهات الذهب الي تلق لق ✨✨ تحولت الحجاره لجنيهات ذهب فرحت وحفرت حفره كبيره بالبيت ودخلت بها القدر بكبره قبل يصحون بناتها الثانيات وينشرون الخبر ببراءت الاطفال على جيرانهم ويتعرضون لحسد او سرقه
واخذت صره من الجنيهات وراحت السوق واشترت طعام وملابس واكلو وشبعو ولبسوو
واشترت قصر وجابت الخدم وعاشت بعز ماكانت تحلم فيه هي وبناتها وكبرو البنات وتهافتو عليهم احسن العرسان وتزوجوو كلهم ويوم وهي بشرفة القصر تتفرج الاتشوف هذاك الفقير الي عليه ملابس لازقة بظهره من الوسخ ومقطعه وراسه شيب يمشي ويعرج من ضعف عظامه ، اثره زوجها
وهي ترسل حارس القصر يناديه وجاء رحبت فيه وهلت وهو ماهو مصدق ان هذي فلانه زوجته من كثر العز الي هي عايشه فيه
بكى وحب راسها وطلب تسامحه وسامحته
نظفته وعالجته ورجع زوجها الاول وعاشت معه سنين وقلوبهم بيضاء راضيه عن بعض بسعاده وهنا
ربي يسعدكم ويوفقكم يارب وكما حبيتو حكاياتي ربي يحبكم من عنده امين وصل الله ع النبي محمد