السلام عليكم جزاك الله خير اختى الكريمه بنت ابوها اختيار موفق للموضوع جعله الله في ميزان حسناتك سؤالى لك يالغاليه كيف اتعلم قراءة المؤشرات يعنى ممكن اعرف كتب او مواقع اوتفيدينى انت ببساطه او اى احد من المنتدى تونى جديده وداخله بحماس غلطتى القاتله كانت دخولى للسوق قبل ان افهم او اقرا اى شى عن الاسهم دخلت قبل النكسه بكم يوم والسوق فى قمة ارتفاعاته اول يومين دخلت بحذروكسبت مبلغ خيالى حسبتها شطاره منى والله قالها لى زوجى تراه حسن السوق مو شطارتك حسبته غيران منى ااااه رحت رميت كل السيوله ومااشترى الا على النسبه عجبنى اللون الاخضر ماكنت اعرف ان ذى تعليقه محترمه ياويلى وبعدها نزل السوق نزول محتم اكل الاخضر واليابس لكن حلفت مابيع بخساره لو تجلس على قلبى سنه المهم بدات اقرا وافهم شوى شوى بس بصراحه اول مره احس ان فهمى بطئ شكلى كنت ماخذه مقلب فى ذكائى والله طلعت **** هه قلت لكم قصة حياتى ياترى حتساعدونى رجاءا اللى تقدر تساعدنى عل الخاص العام مو مشكله جزاكم الله خير مقدما

لزلز
بصراحة مااعرف لنقاط الدعم والمقاومة لاني مااضارب بشكل يومي
ان شاءالله يردون عليك الي يعرفون فيها بس تبين الحقيقة بعض الاسهم ماتعترف بهالنقاط
كلها تتحرك على حسب مضاربها

بالنسبة كيف تختارين السهم كتبت في الردود فوق كيف
تقرئين مؤشراته وتشوفين هي ايجابية او سلبية وتقررين بناءا عليها مدة تملكك في السهم
اهم شي مؤشر السيولة والماكد rsi
سحب عروض يعني فيه ناس قاعدة تشتري من العرض اما المضارب او باقي المتداولين
يعني السهم مرغوب ومطلوب وهذا بيخلي العرض مثلا على سعر 50 ينشال ويطلع السهم للسعر اللي بعده 51 وينشال برضو الين يتوقف السحب اما لان السهم قفل نسبة او قلت نسبة الشراء او حصل رش من المضارب الحسود

اذا المضاربة اليومية ماتناسبك اشتري كل يومين او ثلاثة
مثلي المضاربة ماتنفع لي لانه طبعي مستعجل
مافيني صبر استنى السهم ينزل اطلبه على سعره الحالي وبعده ينزل واذا جيت ابيع برضو مااستناه يطلع
فقررت اني اشتري واخلي السهم فترة الين يحقق لي ربح زين

بالنسبة لكسر الحاجز فهم يقصدون كسر نقاط المقاومة والدعم القوية الي يوقف عندها المؤشر او السهم

العربية
ايه
المضارب يجمع والسهم بتلاحظين انه مايرتفع كثير في سعره بسبب ضغط المضارب الي يبي يجمع باقل سعر
بعد مايشبع تجميع راح يرفع السهم ويبيعه (يصرفه) على الناس
بس لاحظي فيه اسهم يتملكها الناس للاستثمار مثل سابك والراجحي يعني ممكن تلاقين صفقات كثيرة عليه وممكن يظل السهم فترة طويلة الين يرتفع بسبب اخبار او مضاربة

قارورة عطر
هههههههههههههههه حلوة
المؤشرات تجي في برامج مثل الميتاستوك والايمي بروكر والتكر شارت وفي الموقع الي حطيته فوق طبعا تشوفينه بعد مايقفل السوق ويفضل بعد ساعة عشان يحملون المعلومات الجديدة
فيه مباشر برو تشترينه من المكتبة هذا تربطينه بالبارمج الي فوق ويعلمك على المضاربة اليومية بس ماقد جربته

عيون المها
وعليكم السلام واياكم يارب
الحين كثرت المواقع والمنتديات الي تشرح لك هالمؤشرات وكل شي عن عالم الاسهم
انتي ادخلي قوقل وسوي بحث اكتبي منتديات الأسهم او شرح مؤشرات الاسهم
وفي كتاب حلو تعلمت منه تلقينه في جرير اسمه اشارات البيع والشراء الفنية لاسهم البورصة لاحمد عيد الصاعدي
شرحه حلو وواضح
وفي المنتدى مواضيع كثيرة فيها شروح للاسهم بس المشكلة راحت ورا يبي لنا نرجع نجمعها في موضوع واحد
بالنسبة لربحك اول مرة بتضحكين لو قلت لك ان اغلب الناس كذا
يربحون اول مايدخلون السوق بعدها ياكلونها خسارة
انتي تعلمي الاساسيات يعني معاني الكلمات المستخدمة
كيفية الشراء
متى وقت الشراء والبيع
كل شي بالتدريج حلو
والله يوفق الجميع

المؤشر اكسبريس هل هو مثل مباشر يعني أقصد يعطيني الأسعار باللحظه أو هو فقط برنامج تقريري للسوق؟صراحة أول مره أسمع عنه ..
يعطيك العافية

مثل مباشر بس اذا تعودتي عليه ماراح يعجبك مباشر
لان المؤشر افضل واكثر خصائص
الحين طلعت بطاقة ثانية اسمها اموالي افكر اجربها واكتب عنهم ثلاثتهم

فيه موضوع اعجبني ونقلته لكم حتى اللي تتابع السةق تقدر تشوف هل الطريقة نافعة ولا لا

بس الله يعافيكم لاتطبقونها على شركات محرمة او مختلطة