شئ خطير للجسم << ادخلو

السلام عليكم ورحمة الله وبركاته :
في كثير بنات يجهلون هذه الخلطة وهي مشهورة في محيطي المتواضع وفعلا اكثر البنات اللي عندنا يستخدمونها وصراحه ماانقلب لونهم .... بس طلعت بشراتهم ناعمه وصحية وباين فيها اهتمام بإختصار تفتح النفس ..... هذه الخلطة دخلت مزاجي وراقت لي احسها من جد حلوة وانا ماجربتها بس بأبدا فيها هذا الشهر لأن خلاص أهملت نفسي فيما فيه الكفاية واللي يشوفني يقول هذه شبح << 😜 المهم لازم قبل هذه الخلطة تنظيف عميق للجسم وتقشير طبعا وهذه الخلطة استخدموها طول حياتكم لكن مرات في الاسبوع وهذا بعد ماتصلين للنتيجة المرضية <<اخلصي😒
الخلطة مكونها الرئيسي هو (الجلوسليد ) والباقي عليكم لأن كل وحده ادرى ببشرتها .... بالنسبة لي انا بأخلط معه اشياء علشان تساعد في تسريع النتيجة وتعرفون هذه يبغالها طولة بال على الاقل شهور وهذه الحقيقة ومستحيل تكون في أسابيع .... زيت اللوز وزيت الجليسرين وزيت جنين القمح وماء الورد بكثر شوي علشان الجلوسليد زي ماتعرفون ثقيل ... هذه الخلطة صراحه متعبة وانا كسولة مرره ولازم كل يوم ... هذا التعب يهون اذا تذكرت ان بشرتي بتصير حلوة وتزيد ثقتي بنفسي المهم لاتعتمدون على هذه الخلطة وحدها .... لازم اهتمام من كل النواحي مثل الإكثار من شرب الماء وبالغذاء طبعا ... بالنسبة لي بآخذ فيتامينات لأن يمكن يكون في نقص بالغذاء والرياضة الخفيفة علشان الدورة الدموية أعرف انها تعب وأيضا النوم 8 ساعات في الليل وساعه اوساعتين في النهار وأيضا النفسية حاولوا تكون تمام وقراءة القرآن والذكر كافية لتغذية الروح .......<< هذه كلها عناية داخلية تؤثر كلها في مظهرك العام حتى شعرك وحتى جمال ملامحك ....... في النهاية تذكروا تخلون الخلطة فترة كافية اقل شي ساعتين وتقشير مرة او مرتين في الاسبوع وبعد ماتغسلون الخلطة بالصابون لاتنسون الترطيب ومع الإستمرار ......... واللي تبي تحط ليمون عادي بس ماادري هل هو يخرب الخلطة ويفسدها او لا ؟