شئ ماكان ع بالي عن ولدي الصغير!!

السلام عليكم

خواتي انا عندي ولدي عمره سنه و10 شهور للحين ماكمل السنتين.

لمن كان عمره سنه و3 شهور تعرض للتشنج الحراري مره وحده فقط كان عنده التهاب باللوز وارتفعت حرارته

يعني الحمدلله تشنج طبيعي يحدث لمعظم الاطفال والتحاليل اكدت انه سليم والحمدلله.

اللي شاغلني اللحين انه للحين ما اتكلم؟؟

ما كنت املاحظه هالشي بس امس مرت اخوي اتقول لي اتلاحقي ع ولدج ووديه كشفي عليه يمكن التشنج

اللي صاده من قبل اثر عليه!!

الصراحه...مت من الخوف..وقعدت احاتيه..قلت لها للحين ما كمل سنتين عنده فرصه شهرين بعد قالت لي اللي اصغر

منه يتكلمون :(

انا ولدي هذا غير عن اخوانه كلللللللهم الله يحفظهم لي يا رب.تأخر ف كللللللللل شي..ف الحبو..والمشي..والتسنين بعد.

قاعده اقنع روحي ان الكلام بيتأخر فيه لانه طبيعته متأخر ف كل شي..بس مرت اخوي خوفتني وفعلا افكر اوديه للدكتور

يكشف عليه ع الاقل اتطمن ويرتاح بالي.

للعلم هو يناغي وسمعه ممتاز ماشاء الله عليه ويفهم علينا وينفذ الشي اللي اطلبه منه فقططططط الكلام..

حصيلته بس 4 او 5 كلمات..بابا..ماما..أح..عووو..وأخوه الكبير يناديه أيااااا..وبس.

من مرت بتجربه نفس تجربتي او سمعت مثلها..اتفيدني بمعلومات اذا ممكن وياليت القى دكتوره او مختصه اتفيدني أكثر.

دعواتكم له بالسلامه.

وعليكم السلام.