شئ مو معقووول بسوق غرناطة ! لاحول ولاقوة إلا بالله

دلوعه كلمتي مسموعه@dloaah_klmty_msmoaah كبيرة محررات

4 مايو 2007

قريت بمنتدى هالخبر الغرييييب مرررة :

يوم الاربعاء الماضي رحت انا والعائله لمجمع غرناطه بالرياض ,,

طبعاً طلعنا الساعه 9 وبالعاده نطلع قبل كذا لكن هالمره مادري ليييش ,,

المهم الي لاحظته انه كل ماتأخر الوقت كل مازادوا الناس مع انه المفروض العكس

وعشان ماأطول عليكم ابقولكم الي شفته وحز في خاطري صراحه

السالفه يوم جينا بنرجع البيت بعد ما امتلئ السوووق مرررررره طبعاً لان الوقت تأخر

ويوم حنا بنطلع شفت بنتين شكلهم بثالث ثانوووي <<<<<ثالث ثانوي بالظبط لاحظوووا بس

لا يعني اهم شي انهم كبارالمهم كانوا طبعاً ماخلوا ولا علبة مكياج ماحطوها ويحسبون انفسهم

متغطين وهم يتغطوون عن الحريم بس ..!! والله انقلبت الايه

المهم انا شفتهم من قدام والعبايه ضيقه ويمشون لكن يوم جاء مع ورا العبايه شفت شي بصراحه ماتوقعته ابد ...

كانت وحده من هذولي مخيطه على عبايتها من وارء مستطيل مكتوب عليه :

((م ل و 777 )) والثانيه ((م ن و 666 ))

فهمتوا وش قصدهم

يعني يقلدوووون لوحات السيارات

والله من جد مسخره يعني شفنا البنات يضيقون العبايه ويزخرفونها ويحطون حركات ومادري ايييش ...

لكن وصل بهم انهم يشبهون انفسهم بالسيارات والي وراء هذي لوحتهم

يعني انا الي ابي افهمه وش قصدهم

يعني إذا يبغون يلفتون النظر مالقوا إلا هالحركه

الله يعافيهم ولا يبتلينا والله يهدي ويستر على كل بنات المسلمين

شئ مو معقووول بسوق غرناطة ! لاحول ولاقوة إلا بالله

التعليقات

اكتب شي قد تؤجر عليه..💐

كل شي يسووه لازم اسوي زيهم

شي ان

شي يرفع من طاقة الأنوثة بالنسبه لك؟

بديل شي ان عندكم