قصة شاب ترك أمه على البحر / واقعية
فيه اثنين شباب راحوا البحر جلسو على الشاطئ
ومعاهم عشاهم. وهم جالسين
يتعشو جتهم عجوز كبيره في السن وقعدت تلتقط
الأكل المنثور على الأرض وتأكل.
ولما شافوها قالولها أنتي جعانه قالت أنا هنا من
الصبح وما أكلت شئ جابني
ولدي من الصبح وراح وخلاني وقالي اجي آخذك
بعد شوية.المهم جابوا لها عشاء
وتعشت. وبعد ما تأخر الوقت شالوا أغراضهم وحسوا
الشباب إن الوقت متأخر
والجو بدا يبرد ومايقدرو يتركو العجوز على الشاطئ
لوحدها في الليل وجاء
واحد من الشباب وقال لها عندك رقم ولدك نتصل عليه نخليه
يجي ياخذك . قالت
العجوز ايوه معي الرقم في ورقه . ولما طلعت الورقه . ايه
تتوقعوا مكتوب
فيها ؟؟؟؟؟ مكتوب ( من يجد هذه المرأه يآخذها لدار المسنين)
انصعقوا
الشباب من المكتوب في الورقة وجلسوا ساعة يترجون العجوز
تمشي معاهم.
ويحاولون ا إنهم يوصلوها أي مكان هي ترغبه . أكيد العجوز
رفضت أنها تروح
معاهم لأن ولدها وعدها إنه يجي يأخذها وهى تفرح لما يجي.
وكانت تقول
ولدي هايجى يآخذني وأنا استناه .
ماتدري المسكينه إن ولدها تنكر لها ورماها في الوقت الي
هي فيه محتاجه له.
المهم راحوا الشباب وتركوها على أمل إن ولدها هايجى
يآخذها حسب وعده لها 0
فيه واحد من الشباب قعد يتقلب في الفراش وماقدر
ينام وقعد يفكر في
مصير العجوز المسكينه وقام من فراشه وغير ملابسه وركب
سيارته وراح للشاطئ.
ولما وصل. شاف الاسعاف والشرطة والناس مجتمعين ودخل بينهم
شاف العجوز فارقت الحياه ولما سألهم عن سبب وفاه العجوز
قالو له أرتفع
ضغطها وماتت.
ماتت من خوفها على ولدها يمكن يكون حصل له شئ. ماتت
وهي بتستنا ولدها يجي
يآخذها. ماتت وهي بعيده عن أهلها. الله يرحمها برحمته
ويدخلها من أوسع
ابواب جنته.أدعوا آمين.
وللامانه هذه قصة منقولة للعبره
والله قصة تقشعر منها الابدان الايعلم الانسان
أن الايام سوف تمر عليه ويقع به ما يقع بغيره
فما بالك بأن هذا الشخص امك والتي حملت بك تسع شهور
بدون تذمر وأنت تجازيها بهذا 0
ونسيت قولة تعالى
((إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيًّا وَجَعَلَنِي مُبَارَكًا أَيْنَ مَا كُنتُ
وَأَوْصَانِي بِالصَّلاَةِ وَالزَّكَاةِ مَا دُمْتُ حَيًّا وَبَرًّا بِوَالِدَتِي وَلَمْ يَجْعَلْنِي جَبَّارًا شَقِيًّا))
((وَوَصَّيْنَا الْإِنسَانَ بِوَالِدَيْهِ إِحْسَاناً ))