شاب راسي من التفكير اكمل المشروع ولا اوقف ساعدونى صاحبات المشاغل

السلام عليكم ورحمةالله وبركاته

اخباااركم حبيباتى عسي ربي يريح بالكم ريحونى

قدمت على صندوق المئويه ووافقو بس باقي يعطونى القرض وابداء بمشروعى =مشغل نسائي=

المهم انامتابعه لتجمع صاحبات المشاغل وعشت جوهم وكل شي دونته وحسيت بمشاكلهم مع العاملات ونقص الفلوس

الحين افكر اكنسل المشروع سمعت ان الصندوق ربوي وخفت وادق على االمشايخ مايردون ابي احد يجيب لى فتوى

اهم شي الرزق الحلال مابي مال ربا هم بيعطونىمبلغ وبياخذون نسبه يقولن حقت الدورات مدري شقصدهم

وبعد خاااااااااااااايفه من الفشل زوجى من الحين بداء يتهرب من مساعدتى ونامحتاجه له

وخايفه من ادارتى للمشغل وتعاملى مع العاملات والزباين انا خويفه شوي وماحب اغلط على احط واستحى اصارح احد

يعنى ابي شخصيتى قويه شوي وهذا انا احاول اقراء كتب تقويه الشخصيه بس ماقدرت طالعه على امي

ياربي اشياء كثيره متعبتنى

صاحبات المشاغل يقولن احيان تجي فترات يدفعون من جيبهم ومافي مدخول من المشغل وقت الركود

اكيد بسوي عروض وتخفيضات بس شلون اقدر اسدد قصد القرض 2400ورواتب العاملات واجار المشغل والفواتير

انا بتحمل بس احس زوجى بيحطمنى ومع اول عتبه بيحطمنى واناابي واحد يشجعنى مابي اضعف واتخلى عن حلمي

كنت متحمسه بس بعد ماجانى تعب ومشاكل صارت نفسيتى عدم مع انى محتاجه للمشروع يطلعنى من الهم والتفكير
صح انا مامعى الا شهادت ثانوى بس الحمدلله انى مثقفه لانى احب القراءه والاطلاع

ومابي اصير ربة بيت يائسه صرت اكبر من سنى لانى بعدت عن جو المدرسه والقراءه

ساعدونى اكمل واصير شخص مهم بس راح يكون على حساب صحتى

ولا اعتذر منهم مع انى خاايفه شقولهم
افكاري متضاربه حتى مو عارفه انا شكاتبه بس احس انى غريقه تبي تتعلق لو بقشه

يارب تجزاكم خير ويساعدكم بحياتكم :26: