اليوم وباختصار شديد شفت شي بالتلفزيون قسم بالله يشيب بالراس واعذروني
تراني اكتب لكم وبسرعه ومن غير (ماانقح كلماتي)<<<<<ترا هالكلمه بالذات متعوب عليها <<<تقلدعلى ورق الله يحفظها:)
المهم اليوم حطيت لبنتي الله يحفظها m b c 3 ابيها تهجد :09: عني واشوف شغلي وياليتني ماحطيتها اشوا انها ماتفهم بالضبط عن ايش يتكلمون عمرها سنتين ونص
المهم اول كرتون شفته كان شكله عادي انابالذات فقيت خشتي عليه:42: لانه من القدام اللي خبري خبركم توم وجيري وطقته
0000تذكرون انه كان يسوي محاولات علشان يمسك الفار ومن ضمن المحاولات اللي حلقة اليوم والله والله يابنات انها كانت هاذي الطريقه/
رسم على الجدار على هيئة باب وحط لوحه فوق رسمة الباب انه (كازينو وكاتب تحته 3 مرات بنات بنات بنات)وكذا بالانجليزي(cazino-girl girl girl)معناته اذا تبي بنات تعال هنا كازينو
جااااااااك الفار طاير وسعابيله تقوطر يوم درا ان فيه بنات وكازينو وقام صقع بالجداااار:22:
آآآآآآخ حرام والله لعبوا ببزراننا وعلموهم هالكلمات وهم توهم ماكملوا العشر سنين:( :(
والله اني انا شخصيا ماعرفت كلمة كازينو خخخخخخخ الا بالثانوي وبالغلط مدري من وين تعلمتها 000وهذولا بكل بساطه يحطونها:icon33: بالكارتون ويخربون اطفالنا<<<<اتطورت قبل شوي بزراننا
وبعدها بالضبط كارتون ادج وادج <<<<<ودها تقول كلمه ثانيه بس هاذي انسب والله اني انهبلت وش هذا الاستهتار
بس مساكين كانت كبووووره لهم بالمرصاد خخخخخخخ مساكين من سوء حظهم اني اتفرجت مع بنتي 0000
كان ايريال(الحوريه)اغلبنا نعرفها يوم كناصغاروهي تعيش باعماق البحرمن مسلسلات ديزني المهم كان المسلسل ماشي تمام لين صارت اللحظه<<<<<تشويق مو ؟ ؟ امحق
زاروا ايريال صديقاتها وقالوا تعالي نروح حفله قالت وبصوت واطي عشان ابوها مايسمع فييييييين؟؟(طبعا الترجمه باللهجه المصريه)
قالوا حنروح حفلة رقص واستغربت هي!!الظاهر ماقد راحت وسحبوها وراحوا وهم بالطريق قالوا حنوديكي مكان اسمه اسمه
والله يابنات بتنهبلون اااااه اسمه ( كازينو بحريكو:icon28: ) بحريكو من زين الطبايع يعني بحر
انا بغيت امووووت من القهر هالحين وش ذنب هالاطفال يتفرجون ويتسممون من هالسموم اللي يحطونها يعني شوي شوي بكره هالبزران
يكبرون وعاااااااااادي يقولون نبي نروح كازينو ومرقص وووووو
الحين اللي يروحون لها الاماكن بالوقت الحالي كان حدهم عدنان ولينا وهايدي وكان مافيها ذا البلاوي اللي يحطونها هالحين
وشلون الجيل الحالي اجل ؟؟وش بيسووون جيل منفتح متحرر000
وعلى فكره يستمرررر مثل هالتخريب واحنا ماننتبه وهذا بس اللي شفته خلال ساعه وشلون اللي نخليهم بالساااعات على التلفزيون ولا ندري وش يتسممون
دقييييييييقه صورت لكم بجوالي بس مو واضح وعالسريع صورة ايريال هاذي
بوريكم مثال بسيط بس شوفوا لبسها الله يكفينا الشر واللي اطفالنا يشوفونه وعليكم التعليق
xxxxxx
وهذا ابوها بس سؤالي وش سنع هاللحيه ولها اكيد مقصد بس يبي لي استقعد بالتفكير 00
وبالنهايه انا حبيت ابلغكم وانبهكم والله ماودي نطلع بجيل(فاصخ ماصخ)<<<<هذي مدري وش تبي بس مشوا حالكم
وانا صادقه والله وبالنهايه كل راع مسؤل عن رعيته
وبالاخير اقولكم اي وحده بتنقل موضوعي لمنتدى ثاني تكتب منقول من مايكبرني لقب بمنتدى عالم حواء <<<اغديني اشتهر
اللي يقهر انه غزو ثقافي على جميع المستويات لكنهم مايعترفون..الله يستر على الاجيال الجاية ويصلح حالنا