ودي أجيب عيال وأنبسط <<ترا مو عشان الاكتتابات
وهذي قصصي مع توهقي أيام الخطابة
1-
رحت الى عمي ما غيره وقلت له طالبن بنتك قال: أها بس والله ما تحلم فيها أنت وأبوك
تأكلون حلال أبوي وتبون بنتي بعد
قلت له ياعم السالفه ذي خلصت من زمان والمحكمه حلتها ومحد أكل لك حلال وأخوك ترى متوفي من سنه
قال :ولو حازتن بكبدي قم قم برى لابوك لابو من جابك
حقدت عليه بقوه وكرهت اليوم اللي طبيت عليه فيه
***
قررت أني أشوف بنت الحلال بنفسي ومشقى هالعجوز معاي
مغير موديها من بيت لبيت ومن صاله زواج الى صاله زواج وأخيراً جاء الفرج
لقينا وحده على المواصفات المطلوبه
أصلن بالنسبه لشروطي يا كثرها ياتالا صدق مره أبي نحيفه ثمن تمسك معي سمينه ومره تمسك قصيره
وبعدها أغير أبي طويلة واللي خلاني كذا
ردود الناس خطبت ووردودهم كذا
حطموني...
شوفوا ردودهم
000000000
---نعم خير البنت مخطوبه
--هاه كيف لا البنت بتكمل دراستها
-- أطلع برى
--البنت ما تبي تعرس
-- الله يعطينـــا ويعطيك
--ما بقى الاهي
--ما عندنا بنات أصلن
00000000000000000
شفتوا كيف أحنا يالشباب مظلومين
والبنات كذلك
مظلومين مثلنا
كله عشان سيارتي هايلكس 85 ووظيفتي مرور سري
نرجع للي لقيتها قالوا أسمها نورة وأنا أضّيع من أسمها وأجلس أسبوع مواصل يوم شفت أختها الصغيره
يوم دخلت عندهم وأبوهم يقولي يالله حيه
تبي المره مع الراتب ولا بدون لأن كل شي له سعر
قلت خل نشوف كم واحد وش سعره قال مع الراتب 200 الف وبدون الراتب 100 الف
والقصر عليك والذهب وتراها ما تسكن الا ببيت لوحدها وافضل دور علوي ويكون على شارع 30
بشمال الرياض وتبي سواق سوداني وخدامه فلبييه
ياااااحظي المايل
ما قدرت أتحمل رجمته بالبياله وطلعت وأنا أقول والله لو بنتك بتجيبلي ولد مثل بيل جيتس
قال أبوها بعد ما سطرني طبعاً
الزين غالي لكن الازين أغلى ××× ولكل شراي بضاعه وسوقي
شكل هالأغنية هي شعار هذا الأب
لكن الله أعلم وش نفسية البنت وهي ورى الباب..؟؟
وأطلع من عندهم وأنا أصيح وودي أنتحر ومن بكره طلعت للداخليه أبي فيزه زواج من الخارج
عشان أتزوج من برى يمدحون بنات الخارج (غصبن علي أمدحهم) والا أعرف بلاويهم
قالوا مافيه طلعه تزوج من هنا قلت وأنا لقيت وعييت أنا على قدي
وذولى أنهبلوا يبون مهور تقص الظهر
أبي الحل علموني دبروني أبي زين وأبيه معقول وشلون أتصرف
^
^
^
^
^
^
^
^
^
^
وأخيراً طلعت وأنا حاط يدي على خدي وأسمع عن الخطااااابه
...
عسى الله كتب لي الفرج
هاه
فيه أمل
والا فيه بدرية
والا
أكبِر الوسادة
الله ذكرتني هالوسادة بالأغنية اللي تقول
(وأحط الخد للغالي وسادة)
متى يجي هاليوم
^
^
^
^
.
----
أحد كبار السن يقول لي
وش لك بالعرس وأنا أبوك
ترا العزوبيه ماتنعاف
شكلي بأتوسد الحصى في أحد البراري
وأهديكم هالقصيدة
عشرة شروطٍ كان تبغاني أجيك
ياصاحبي ماعاد لي رغبةٍ فيك ** أبيك تنساني مثل مانسيتك
وأن كان ودك بمواصل محاكيك ** عشرة شروط كان تبغاني أجيك
حتى يعود قلب مغليك بيتك
أبيك ترضيني وتترك تغليك
و
أبيك تعطيني مثل ماعطيتك
و
وأبيك تفز وتنتهض لا نصيتك
و
وأبيك تنسى كل من كان شاريك
و
أبيك تعرف قدرك بقلب مغليك
و
أبيك قد الهقوة اللي هقيتك
و
أبيك تتنازل وتترك تحديك
و
أبيك خطٍ لكتبتك قريتك
و
أبيك تنسيني دروب التهاليك
هذه كل شروطي كان تبغاني أجيك ** هذا بعد ياصحابي كاني جيتك
>>>>> كل هذه المعاناة من القهر الي فينــــي
ليه مايخلونـــا نتزوج مثل السلف الصالح بخاتم فضه
والله لو يسألون البنت وش تبين مهرك أنا متأكد أنها بتقول أبي مهري شماغه وعقاله بس
أخوكم / صاحب الهايلوكس موديل 85 .. ولا فخر
-----------------------------------------
لا تعليق
ويرزق الجميع من واسع فضله