_____________________________
شاب يتزوج من حبيبته بعد بتر رجلها
من زمان كان جيران وكانو يلعبون مع بعض وكبرو بعد مع بعض الولد مو قادر يتاقلم
على الوضع انو البنت الى كان دايم يلعب معها جا اليوم الى لازم فيه تتحجب وتترك العب معه
المهم حاول يتقرب منها اذا شافها جايه من المدرسه ويتكلم معها سواليف عاديه بس لما درا
ابو البنت حرم بنته من المدرسه والطلعه والولد هنا تعبت نفسيته مره وموقادر يتصور انو ماراح
يشوف البنت مره ثانيه؟؟
وتعبت حالته الصحيه وصار ما ياكل لانو حبها ومستحيل يتنازل عنها ابد قالت امه بعد ما شافت
ولدها بيضيع منها بعد ما ترك اصحابه وتغير 180 درجه وش رايك نخطبها لك طبعا يقول انا
انبسطت مره وتحقق حلمى انو راح اشوفها بعد الفتره الطويله الى ما شافتها فيها ...
وراح خطبها وتفاجا انو ابو البنت ما وافق بحكم انه كان يلاحق بنته قبل الزواج
وما احترم حرمه البيت ولا الجيره الى كانت بينهم ..
فقد الامل انو راح يشوف الانسانه الى ملكت كل ما فيه .. حاول يدخلون وسايط وناس كبيره
بالعمر الين وافق ابو البنت اخيرا...
وخطبها وكان فى قمه فرحته وجنونه انو خلاص حلمه تحقق راح ياخذ الى يحبها ..
جته مكالمه من اخو البنت وقال اختى بالمستشفى وطار الولد راح يشوفها ومنوعه من الزياره
بحكم انها تعبانه وما تقدر تشوفه ..
ما قدر يصبر لازم يعرف وشفيها وراح لابوها ولاقاه يبكى قال خلاص لازم تصرف نظر عن
الموضوع الى هو زواجكم لازم تتركون بعض جن جنونه قال وشفيها لازم اعرف وش قاعد يصير
وراح للدكتور وكانت الصدمه وقاله....
انو البنت عندها السكرى وارتفع عليها وما كانو منتبهين اهلها وارتفع عليها بشكل حاد واثر
عليها برجولها وبترنا الثنتين ...
(مع هذا كله وش كان تصرفه)
دخل عليها وحاولت تتحاشى انو تحط عيونها بعيونه وكررت نفس كلام ابوها وقالت لازم نترك
بعض انا ما نفع اكون زوجه لك ..
تدورن وش قال؟؟
قالها انا ما حبتك جسدك انا حبيت روحك واذا تزوجت ابتزوجك لانى احبك مو اذا جسمك جاه شى
يخلينى اتركك<<< وربى ما اكذب عليكم اول ما قريت هالكلام من جد دمعه عيونى ما تخيلت انو فيه
ناس تحب وبوقتنا هذا بالطريقه العظيمه هذى..
وتزوجها وسافرو شهر عسل وحاول انه يحسسها انو هى انسانه طبيعيه ما فيها ولا شى وفعلا
يقول قدرت اخليها تتجواز محنه مرضها بس الفتره الاخيره زاد المرض عليها وما قدرت تقومه ولا هو
قدر بعد على كذا ...
وبليله من الليالى قامت تتكلم عن الايمان وعن القدر وعن الاخره وعن الموت وكل ما جا يتكلم تطلب
منه انه ما يقاطعها ولين خلصت كلامها يقول حضنتها قبل لا تنام ونمنا انا وياها واول مره ننعم
بنعمه النوم وكننا اول مره نام انا وهى مع بعض وبعد ما طلعت الشمس وصحى من النوم لقاها
بجنبه جثه هامده ارتفع السكر عليها وتوفت وهى بين يدينه طول الليل تركته وراحت ...
عاشو مع بعض 8 شهور من اروع ما يكون وللحين عايش على ذكرها وهى متوفيه لها
3 سنين ومنع اهله انو يغيرون اى شى بالشقه كل شى بقى على ما هو عليه قبل وفاتها ...
وتمنى امنيه وحده يقول ليتنى جايب منها بنت تمدداً لذكرها بس ما حصل ..
من كل قلبى ادعيله انو يعدى محنته هذى ويكون ربكم معه .. آمــــيـــن...
وربى قليله لو اقول انو حب رائع لانو نادر ما نلقا الى يضحى بعمره ويعيش مع وحده نصف
امراءه وبكل حب وبكل صدق واخلاص ومو ما خذها مشفق عليها لا ما خذها لانو يحبها ومع هذا كله
توفت وتركته ومع ذالك عايش على ذكراها حتى بعد موتها؟؟
حبيت اكتبها ابى تشوفون الواحد لما يحب كيف يحب وكيف يضحى وكيف يبقى على ذكرى حبيبته ...
مماراق لي
منقول