قصة قراتها في جرديدة ومازلت اذكرها
امراه عندها بنتين وحامل في الشهور الاخيره قالوها الدكاتره لازم نولدك الحين ولا الجنين بيموت قالتلهم اذا كان ببطني ولد ولدوني واذا بنت خلوها تموت وراحت اكثر من مستشفى واكدولها بنت وخلتها ولا سوت العمليه وفي الاخير ولدت وجابت ولد متوفي
سبحان الله

انا التشخيص الخطأ انه حامل خارج الرحم طبعا اسودت الدنيا بعيوني خصوصا التشخيص من دكتورة شاطرة جدا ومشهوره وانواع الزحمه عندها وكتبت لي تقرير عشان اجهضه طبعا طلعت من عندها ورحت لمستشفى ثاني وقالت الدكتورة كل شيء سليم وحتى رفضت تسوي لي اشعه تقول مايبين الا بالاسبوع الثامن انه خارج الرحم وانتي بالاسبوع الخامس وبالفعل بالاسبوع الثامن شفته وسمعت نبضه وانا حاليا بالشهر التاسع الله يتمم علي
ايضا خالتي الاطباء اجتمعوا عليها وذبحوها بالاشعه من كثر مايسونها ويوم جت تولد مافيه طبيب ولا طبيبه بالمستشفى ما جاء عندها يترقبون الحدث الغريب ان طفلها بالا راس وولدت ولد طبيعي مافيه الا العافيه بس خالتي سمينه مره والطفل نازل راسه تحت وتقولهم احس فيه ومو اول حمل هذا السادس يعني تعرف ويقولون لها يالله طلعيه ما صدقوها

أنا عندي مشكل الرحم ذو القرنين و القرنين بنفس الحجم وكان نسبة عيش الجنين لشهر السابع ضئيلة
على حسب قول الأطباء لكن إرادة الله فوق كل شيئ ولدت بآخر التاسع
سبحان الله

موضوع قديم لكن جميل ياليت تكتبوا تجاربكم عشان تريحوا الناس اللي كُنتُم بنفس وضعهم

وحدة من جنسية عربية في دولة خليجية شخصوا الجنين في الشهر التاسع أنه عنده مشكلة بالقلب وبيموت بعد الولادة بس سبحان الله الولد انولد طبيعي مافيه شي بس للأسف حكموا عليه بالموت من البداية ولا اهتموا بحالته ولا سوواله فحوصات او حتى أشعة وتوفى بعد 3 أسابيع بسبب نقص الأكسجين ... الله يعوض أمه خير يارب ... انقهرت عليها ... كله بسبب الإهمال الطبي