شاركونا تجاربكم عن اكل ينفع للوحام والغثيان

أهلين توهان اولاا مبروووك الحمل والله ايجعله من قسمك ويرزقك لذة احتضانه. افتكر موضوعك تبع العزل وانك مشتاقه للحمل الحمدلله أنه رزقك الفال لي إن شاء الله. بالنسبة ليا بفترة الوحام اشرب لبن مش حليب لبن الحامض بصراحه يبعد عني الغثيان ويغذيني

حبيبتي الغثيان بالشهور الاولى طبيعي
وكذلك الاستفراغ
يفرق من حامل لحامل ، انت لاتخافين لأنه كثير كذا
البعض حالتهم شديدة مرة الأفضل يروحون للمستشفى ضروري ياخذون مغذيات
والبعض لا بالامكان يتحملون


للتخفبف من الاستفراغ
١/ خذي حبوب الاستفراغ
٢/ فيه ابر بالوريد للاستفراغ ان اضطريتي كنت اخذها
٣/ممنوع تجوعين ، الجوع عدوك ترى
زيدي عدد الوجبات الخفيفة ، كل شوي كولي وابعدي عن كثر البهارات وبعض المكسرات والمقالي
٣/اذا حسيتي كبدك تقلب والاستفراغ قريب لاتاكلين واشربي مويه دافيه عشان تستفرغينها على طول لأنه بعدها معدتك ترتاح وثم تقدرين تاكلين
٤/تعرفين اللبان العربي اللي يجي قطعه وحدة كنه معبوط ، بعد الاكل خذي لك منه كسره صغيرة وحاولي انك تشغلين نفسك بأي سوالف او فلم خل الاكل يمشي لأنه ان ذكرتي الوحام يزيد سبحان الله

انا احس بغثيان بس ما امنع نفسي من الاكل ، آكل و احس يروح على طول من اكل
سمعت ان التفاح والخيار ينفع وبعد الحليب البارد ينفع و ان شاء الله يخف معك

ابعدي عن حوامض مثل برتقال والليمون والحار مثل الفلفل والشطه وحراق والدهون المقليات والحلويات كلها تغث المعده وكثري سوايل وعصير تفاح

اطلعي كلي بره بمطعم تحبينه او مكان هادئ
انا كرهت الاكل ببيتي ولما اطلع احب الاكل وابدأ احس بالجوع
او اجتمعي مع اخواتك او صديقاتك بعزومة او مطعم يمكن نفسك تنفتح للاكل