شاركونا طرقكم في فرزنه المعجنات والبيتزا ..

استغفرالله العظيم من كل ذنب اذنبته..

انا من النوع الي ما افرزن حبيت ارفع الموضوع وأن شاء الله البنات يفيدونك

ياليت احد يفيدنا 😍

بنات كيف تفرزنون العجينه
عادي ماتخرب؟ 😰

ولا مره جربنا فرزنة المعجنات بس قرأت تجارب ناس في فرزنة المعجنات

تقول انها تحشيها سواء فطاير او بيتزا وتطبخها بالفرن بس النار من تحت ويادوب ينضج او ينخبز العجين وتقفل النار بدون تحمير من فوق وتترك المعجنات الى ان تبرد تماما ثم تحطها في اكياس او صحون تنفع للفريزر وتغلفها وتفرغ منها الهواء وتحطها بالفريزر واذا جات تستخدمها تطلعها قبل بساعه ثم تدخلها الفرن تشقر وتتحمر من فوق .
جربيها بس لا تجازفين بكميات كبيره حرام يخرب او مايضبط وترمينه

وترى صلصات البيتزا عادي تسوينها بالطماطم والمعجون والبهارات والاعشاب وتحفظينها بالثلاجه ببرطمان بس صبي على الوجه زيت عشان مايدخلها هوا وتعفن

والسوبر ماركت فيه انواع العجين المجمد خذي منه اللي يناسبك سواء رقائق او عجين مفرود او بف باستري وكل يوم استخدمي منه وحطي الحشوه اللي تناسبك بدال ماتعجنين وتنتظرين التخمير والفرد والتشكيل وغيره يوفر عليك الوقت والتعب



اما كبة البرغل واقراص كفتة اللحم والدجاج سويها بالتوابل والكزبره والبقدونس والثوم والملح يعني سويها بطريقتك وشكليها اقراص او حسب الشكل اللي تبين وحطيها بصحن كبير ودخليها الفريزر وهي نيه الى ان تجمد ثم طلعيها وفرزنيها في علب او صحون او اكياس وغلفيها ببلاستيك وفرغي منها الهواء ودخليها الفريزر واذا جيتي تستخدمينها طلعيها قبل بساعه واقليها بالزيت او بالفرن .


وعشان ماتتعبين مثلاً لو في يوم بتسوين صينية خضار ومعها حشوة لحم او دجاج مقطع ضاعفي الكميه واستخدمي حسب حاجتك والباقي احفظيه بالفريزر تستخدمينه في طبخات ثانيه للايام اللي بعدها .