نصيحتي لك أن تعملي له وقف يستمر أجره إلى يوم القيامة فهناك مؤسسة الوقف الإسلامي وغيرها كثير
وفي عرسك إدعي له واستغفري له فهذا احوج ما يحتاجه المرء في آخرته ،
وأحرصي على أن يكون عرسك خاليا من المحرمات حتى لا يقال اخت شهيد وهذا عرسها
غفر الله لنا ولكم ولجميع المسلمين وجعلنا وإياكم من أهل الفردوس
نصيحتي لك أن تعملي له وقف يستمر أجره إلى يوم القيامة فهناك مؤسسة الوقف الإسلامي وغيرها...
أنا ادري انه سؤالج عن وشو تسوين بليلة العرس مب هل تسوينها أولا انتي تشاوري بينج وبين نفسج قبل، أنا عارفه انه انتي تحسين انه من واجبج تسوين لأخوج شي واذا ماسويتيه بتحسين انج مقصره او متضايقه!!..أنتي قلتيها "شهيد" وشو يحتاج من هالدنيا؟ لاقصيدة على ورق فاخر ولاصورة على كاكاو.. أنا من وجهة نظري البسيطة أشوف لو تسوين له يوم خاص ما يتكلم عنه بس .. لايتكلم عن كل الشهداء وأجرهم عند رب العالمين انتي بتكونين سويتي شي لأخوج وذكرتي بفضل الشهادة .. أما يوم الزواج هو يوم زواج لا تخلطينه بشي ثاني..
هذا في حال كنتي تقدرين تسوين يوم خاص وتحيينه .. أما اذا ما كنتي تقدرين وكان ودج انج تستغلين يوم الزواج والتجمع عشان هالشي .. هذا شي ثاني
واذا معزمه معزمه خلاص أنا مع راي الأخت اللي قالت تشاوري مع الوالده عشان لا تصدمينها واقتراحي البسيط انج تسوينها بنهاية العرس مب بأوله ويكون انج توزعين دعاء "يدعوا الله أن يتقبل الشهادة خالصة لوجهه الكريم" وتسوين له فقرة خاصه تتكلم عن فضل الشهادة وكيف وليش استشهد ونماذج عن أمهات الشهداء وموافقهم وفي آخره يكون الدعاء عشان الحضور يدعون معاه..
هذي تقدرين تسوينها في حال كان عندج شاشه عرض وتصير عادي بالكمبيوتر ممكن تستخدمين الفلاش وممكن البوربوينت.. وفي حال مافي شاشه ممكن صوت بس .. وبعد الصوت تقدرين تركبينه بالكمبيوتر ... في برنامج اسمه Sound Forge هذا يخليج تقدرين تركبين أصوات على راحتج وممكن تسألين عنه في قسم الحاسب الآلي هني في المنتدى ..