ياقلبي
وانت شعليج بكلام الناس
عمرهم الناس ما رضوا على شي يدورون عيوب بخلق الله وكانهم ملائكه خالين من العيوب

اذا تقولين الي تحمل تخاف من العين

عيل شرايج اقرب صديقه لي بهل غربه احسبها اختي هي تزوجت وراي بسنتين
حملت وولدت وانا ما ادري وتجي عندي وتروح وانا ما ادري ياغافلين لكم الله
هي اصلا متينه يعني زادت شوي بس مو مبين انه حمل
ورى ما ولدت باربع ايام دق علي زوجها قالي فلانه توها طلعت من المستشفى قلت ليش سلامات عسى ما شر
قال لا بس ولدت وجابت ولد وانا هني باركت له بس مصدومه وهي كانت قبل اسبوع عندي هني ببيتي وعلمتها كم طبخه وكم نوع حلويات وانا مثل الثوله
والثانيه حملت وانا ما ادري ودقت علي قالت ترى انا حامل توني شهر الثالث باركت لها ورى اسبوعين مو اكثر دق زوجها على زوجي قال له ترى فلانه ولدت

يعني شوفي هذا مو قهر بالله؟
بالعافيه عليهم والي عطاهم بيعطينا ماهو ناسينا بس الصبر

بالنسبه لي ما هموني الناس ابد اهم شي انا وزوجي
حتى اهلي ولا اهله لو تكلموا نردهم محد له شغل بحياتنا ابد ابد ابد
رغم ان اهل زوجي واهلي والله ما سمعت منهم بس الدعاء عمرهم ما جرحوني بكلامه

والله كريم الفرج من الله سبحانه

اسأل الله رب العرش الكريم سامع الدعاء ..ومجيب دعوة المضطرين
أن يرزقك اختي ......بس اصبري واحتسبي ......ولاتتعبي نفسك
عيشي حياتك بشكل طبيبعي ....وكرم الله واسع ....فلا تيأسي ...
والله يرزقك بالذرية الصالحة ويرزق كل البنات اللى يتمنوا
في المنتدى.....اللهم عجل عليهم بالحمل...وارزقهم بذرية سليمة معافى وصالحة
تقر اعينهم في الدنيا والآخرة...آمين

يارب يرزقنا كلنا ويمر علينا رمضان ونحن حوامل يارب.