شاركوني الرأي

الملتقى العام

السلام عليكم

كيفكم حبايبي

راح ادخل في الموضوع وبدون مقدمات
اللي هو ترك الاطفال مع السواقين

وهذي الظاهره تكثر خاصة عند المدارس
السواق رايح لحاله يجيب بنت مثل الورده وتلاقي وجهه شبهه
عاد الله يستر ان كان مافيه خوف من الله
وفيه قضيه حاصله وهي انه فيه بنت بسادس حامل من السواق
والله حرااام وين الاهل يعني هم مايدرون ان ااطفالهم امانه في اعناقهم
انا مو ضد وجود السواق بالعكس وجودي اصبح شي ضروري
بس على الاقل ارسلوا الخدامه معاه
يعني شي اهون من شي

ولا تلاقي الثانيه داخله السوق وتاركه بنتها ولا ولدها مع السواق بالسياره
والله شوف عيني السواق راكب بالسياره وحاط البنت بحضنه
وهي مسكينه ماتدري وش السالفه
بالله امها وش بيضرها لو اخذتها معاها

الموضوع هذا ماله نهايه

عشان كذا مابي اطول عليكم
واتمنى تشاركوني بآرائكم وماتكتفون بالمرور فقط

تقبلوا تحياتي
14
861

يلزم عليك تسجيل الدخول أولًا لكتابة تعليق.

تسجيل دخول

ريميـ نجدــة
ريميـ نجدــة
هلا وغلا اختي الوشاح

طرح رائع ومفيد للجميع


بالنسبه للسائق يجب الحذر منه في جميع الاحوال
سواءً معه الاطفال او غيرهم

والافضل ماتركب معه البنت لوحدها ابدا الا بوجود اخوانها

فإذا كان لها اخوان يمر عليهم اول وبعدها البنت
ومع هذا بعد الله يستر


وفكرة تنزل حضرتها السوق وتخلي اطفالها معه والله حرام لو تركتهم بالبيت افضل بكثير من هالاجنبي

واحذر اخواتي من استقدام السواقين الا للظروره فالبعض يستقدمونه ديكور ولا لهم حاجه فيه


وعليك اختي اتخاذ الشروط الازمه في ذلك

مايكون صغير بالسن والإبتعاد قدر الإمكان عن الفلبيني هم راس البلى القهر يوم يجيك متشخص والجنز محقط والعطورات <<<بالله مو حرام وخاصة اذا كان عندها بنات مراهقات :angry2:

ويكون ملتزم بالدين الإسلامي
ويجب على العائلة تزويده بالكتب الدينيه

وتوعية البنات والاولاد امر ضروري لحد من الوقوع في الرذيله
والعياذ بالله


جزاك الله خير عزيزتي الوشاح
:26:
المودعه
المودعه
والله الشرهه مو على السايق الشرهه على الام هاذى شكلها ماعندها قلب اشلون
تخلي ولدها او بنتها مع السايق والله صارو الناس مايستحووون ....مو الكل


مانقول الا الله المستعان
والله يهديهم

ومشكووووورة اختي وشاح على الموضوع القيم....
الشاطره حواء
الشاطره حواء
والله انك صادقه والله اعرف وحده تقول ما اجيب سواق الا يكون من هنه يعني من الجنسيه الافريقيه مولود في السعوديه وتجيبهم عن طريق سواق كان يشتغل عند امير ولها 6 سنين واحد يدلها على الثاني اذا بغى يبطل سواقه وشوفو الامراء والله ما يجيبون الى الجنسيات الافريقيه من سواقين ومربيات اطفال ولا عمرهم استعانو بالاندنوسيين والفلبينيين الى في التنظيف
لانهم يعرفونهم ويعرفون نذالتهم
بنت أثيثيا
بنت أثيثيا
مشكوره اختي الوشاااح
نعم هذه مشكله بناتنا مع السواقين ولكن اين غيرة الرجال على محارمهم !!
كشكوشه هانم
كشكوشه هانم
يا شيخه شئ يقطع القلب الله المستعان بس الوحده ماتخلي بناتها مع انسان غريب مهما كانت ثقتها فيه لأن البنت ضعيفه ادنى حاجه تكسرها...وهي مسؤله عنها لو جاء بنتها شئ ان اقول كل وحده معاها سواق ماتخلي ابدا بناتها يروحون مع السواق الا واخوانها معها مثل ماذكرت اختي ريمية نجد ..والله احنا في زمن يخوف نسأل الله العافيه ..مشكوره يالغلا على موضوعك الرائع