شاركوني بأريكم انا تعبت وطفشت وعايشه بضياع

 السلام عليكم ... مدري ايش اكتب ولا كيف أبدأ 
انا واحده من هالناس عمرها 24 سنه 

انخطبت وخطيبي معاه مرض خطير وافترقنا رغم اني ابيه ويبيني وللحظه هذي ميته قهر وشوق وعتب ولا طالع بيدي شي غير اصيح وانكد على عمري وتجيني غصات وينقلب مزاجي واحس بضياع منجد تفكيري انشل 

ومرت الشهور وانا على امل انه يرجع .. اوقات اطفش من الانتظار الانتظار والله صعب واليوم كنه سنه ، وانا البنت الوحيده اللي بعايلتنا مهي متزوجه مع العلم انا اكبر بنات العايله 

اوقات اقول ابي اتزوج وخلاص بقرر هالشي واوقات اقول لا بنتظر يمكن يتشافى ويرجع 
اوقات اقول لا مافيني اتحمل ابي اتزوج وانجب انا الوحيده اللي باقي ما تزوجت حتى اخواني اللي اصغر مني بسنه ولا سنتين ابوي الله يحفظه يقول يبي يزوجهم مع العلم انهم اولاد وليس بنات مدري ليه بس قال كذا حسيت بغصه مع انهم اخواني بس انا اكبرهم وهالشي حزني لان هالشي بشمت ناس واجد خاصه هم اخواني فقط من أب واخواني هذولا عندهم نذاله شوي الله يصلحهم علاقتنا معاهم جدآ سطحيه 

انا ايش اسوي انتظر المريض اللي بيتشافى ومدري متى ومدري برجع ولا لا ولا أبدأ أفكر بحياتي وهالشي مهو طالع بيدي 

أحلف بالله إني كنت أسعد إنسانه على وجه الأرض وقت كنت مخطوبه له 
ولا قادره أنسى هالشي والحين آه بس الله يعين حتى هالشي انقلب على نفسيتي وصرت احط قهري بالاكل ومدري ليه اكل ولا هامني متنت ولا نحفت وغاسله يدي من أي شي وأقول خلاص شكلي بعنس وبعيش عالأطلال والأمال 

ما اشتاق ما حن ما سأل انا كل يوم اشيك على كل شي يخصني وإلى الآن ما شفت منه ولا شي .... 

الله يسعده ويحفظه ويرفع عنه .. خنقتني العبره :(