شاركوني بافكار في تغيير غرفه النوم بعد صبر طويل

السلام عليكم ورحمه الله وبركاته
عزيزاتي بنات حواء قرات وشاهدت كثير عن غرف النوم لاني احلم منذ 8 سنوات ان اغير غرفتي لاكن الله ما اراد وان شاء الله بغيرها قريب اريد افكار منكم ومشاركات لاني محتاره كيف اجعلها الحين وقلت مالي الا انزل موضوع واخذ افكار البنات
راح اعطيكم شويه معلومات عن الغرفه

الغرفه تقريبا مربعه ممكن تكون 3ونص في 3 بس ما فيها ولا شي
يعني راح اغير ككككككككككككل شي طبعا .لا غرفتي القديمه ماطلعت تمام في هذى البيت وناويه اغيرها
اقلكم الحين كيف هي اصلن حتى تعرفون تفيدوني الارض مفروشه موكيت والسقف مستعار وفيها مروحه والجدار ابيض وانا مرتبه الفرفه بشكل يجعلني اخذ راحتي بس ماني مرتاحه من الكركبه مع اني كل اسبوع ارتب فيها من جديد بشكل مستمر لانها ضيقه توحي لي بالكركبه

وضعت الدولاب المكون من 6 ابواب في اكبر جدار اقدر احطه فيه ومع ذالك باب الغرفه لاينفتح كله وقباله وضعت السرير وبدون كوميدينات يعني جهه لازقه في الجدار والجهه الثانيه فيه فراغ متر تقريبا بعد السرير بشوي حتى اقدر اتحرك تركت مسافه صغيره ووضعت سرير طفلي الثالث يعني عندي غيره 2 الله يحفضهم وبعد السريرحق الولد على طول التسريحه وهي اصلن كبيره فستغنيت عنها ووضعت الكومدينات بدلها وحطيت عليها المرايه
والغرفه بكذى صلرت مليانه مافي مكان لاي شي اقدر احطه فيها والمسافه بين الدولاب والسرير لانه الدولاب قبال السرير تقريبا نصف متر

ودي واكون شاكره وممنونه للي تعطيني فكره للغرفه الجديده مع العلم اني ودي اخليها فاتحه يعني الخشب وودي اخلي ظهر السرير واطي متل حق ايكيا واكيد راح تكون من غير كومدينات لان وضعها لا يسمح وودي اخرج سرير ولدي لاكن لسى صغير عمره 11 شهر وتعرفون غرف النوم الحين اغلبها بني وانا مابغى وللعلم عندي زوليه يعني مفرشه من بيتي القديم افكر حتى اوفر شوي افرشها في الغرفه ولونها بني على برتقالي ومشجره لاني حتى لو تفننت ماراح تبان

قولو لي ليش اختار البويه وايش اختار السقف وايش احتار لون الغرفه يعني ابيض او العسلي الفاتح وودي احط حركه في الجدار الي وراء السرير مثل الحجر المرصوص شفته في المنتدى عجبني بس مادري كم يكلف

وايش اختار لون للسرميك لو اسرمكها لان البيت هذى ماراح اطلع منه الا بعد عمر لانه ورث والحين غلى يعني ما نقدر نشتري ردو علي وخذو راحتكم في الردود لاني ماني مستعجله واسفه طولت عليكم بس ابغى اسوي شي حلو لاني من زمان احلم اغير الغرفه والضروف ما سمحت لي
وعلى فكره غرف ايكيا لاتنفع اريد شي للعمر ابو الشباب ماراح يغير لي دائما ذي بعد طلوع الروح رضي يغيرها لي
:angry: والله سامحوني كلامي كثير بس ماعندي مشاركات كثيره حبت اوضح لكم الحاله