شاركوني في تجربتي مع عيادة الاسنان

السلام عليكم ورحمة الله و بركاتة


اسعد الله اوقاتكم بكل خير ،
اليوم حصلي موقف وتكرر اكثر من مره وحاب اناقشكم و اخذ ارائكم الجميلة لتصحيح التصرف و التعلم من خبراتكم
انا حجزت موعد قبل شهر في احدى عيادات المراكز الصحية الحكومية لتنظيف و التشييك على الاسنان ،
وعاد تعرفون اغلب العيادات و المراكز مافي حجز الا بعد رمضان الا اذا بتدور حجز بعيد عن منطقتك ، توفقت وخذيت موعد بعد شهر ، الموعد يوافق يوم الخميس من استعجالي وحرصا مني على الموعد توقعت ان موعدي يوم الاربعاء ، رحت واستفسرت قالولي موعدك غدا الخميس و ليس اليوم ، قلت تمام ابي اشوف طبيب الاسنان اشوف ايش يقلي ممكن اجي بكره ومافي تنظيف .. ردوا علي الاخوات في المركز ماتقدر فيه قدامك سرا تعال بكره ، جيت في موعدي وقبل الموعد بعشر دقائق الا فيه رجل و ابنه جالسين في الكراسي تكلمت مع الممرضه الي في الاستقبال قالت هذا موعدك ووقتك انت لك اوليوية الدخول وكلمت الرجال الي جالس قالت هذا موعده الان وهو بيدخل قبلك ، انتظرت قرابة الربع ساعة طلع المريض ، قام الرجال ودخل على الطبيب بدون اذن مني ولا احترام ، انتظرت لين خلص كلامه ودخلت على الطبيب قلت موعدي الان ، قالي لا هذا موعده قبلك اطلع برا ، طبعا اسلوبه سيء جدا قلت لو سمحت انا راجعت عند الاخوات موعدي الساعه ٢ والي دخل عندك موعده الساعه ٨ الصباح وطاف الموعد قال لا هو موعده الان قلت لو سمحت اشوف موعده بس ، قام وقال ما تحقق معي هاذي عيادتي ، قلت ماجيت احقق انا عندي موعد ماعندي مشكله انتظر لساعة ٤ العصر بس تدخلني بعده لا تقولي الدوام انتها قال العياده تنتهي الساعه ٢:٣٠ طلعت من عنده طلبت توجيهي الى مكتب الادارة طلعت وتكلمت مع الادارة نزلت معي احدا الاخوات للعياده مالقيت الطبيب في الغرفه لقيته عند باب المركز قاعد يتناقش مع الرجال الي موعده الساعه ٨ ، جا وقال مافي داعي تروح للادارة وانا قلتلك اطلع برا لين ننهي تعقيم الغرفة شهد معاه الرجال الي موعده الساعه ٨ لين عرفت لاحقا انه صديق الطبيب ، دخلتني الادارية للغرفه و اعتذرت الله يوفقها ، دخلت عليه يقول غير صحيح وانت تقولت علي وانا ما احب كثرة النقاش حاولت اهدي الوضع وجلست واشتغل والله لا يوفقه اذا كانه لعب في اسناني بقصد .
هل انا اخطيت في تصرفي ؟
هل له الحق طرد المراجع وتقديم صديقه برغم انها مركز حكومي وليس خاص ؟
هل يحق لمن فاته وقت الموعد الدخول في موعد ليس من حقه ؟
للاسف ان فيني طبع اذا بدأ النقاش مع شخص غريب ابدا بتسجيل الحوار الي بيني وبينه لضمان كلامي ، ترددت هل ارفع في الطبيب و في المركز وعدم تواجد المدير العام رغم انتظاره ولم يتواجد ، لكن قررت اني ما اضره ودامه ماراعا ظروفي انا براعي ظروفه واكون احسن منه .
اعتذر عن الاطالة ✋، واتمنا كل واحد يقلي لو كان في مكاني ايش راح يسوي 🏃