نصيحتي لك كملي كورس اللغه هنا
بعدين اطلبي تأجيل البعثه أو توقيفها يعني انتبهي تكنسلينها
وتزوجي والله قدرتي تقنعين الرجال كان بها
ماقدرتي حولي بعثتك داخليه على اي جامعه خاصه هنا في السعوديه وكملي ماستر
وبكذا ماخسرتي شي لغه وماستر وزواج
أصلا يابنات الشركات كل اللي يهمها لغـــــــــــــه هم يفضلون خريج امريكا او بريطانيا بس علشان اللغه
وانتي خلاص اخذتي اللغه
ولا تنسين تستخيرين
يعني هما عارفين انك بتدرسي وفي امريكا كمان, وولدهم عاااارف انو ما يبغى زوجته تدرس , اجل ليش يخطبو؟؟؟
بصراحة الموضوع مرررة صعب وفي راي محد يقدر يقولك ايش الصح من الغلط لانه كل الحلول صح.
ترا والله محد مبسوط في الدنيا دي , المتزوجة تقول ياريتني درست واتوظفت واللي كملت دراستها تقول ياريتني ما درست كان احسن لي
اتزوج واستقر, وولله هذا كله من ضعف الايمان وقلة التوكل صدقيني.
انا ما انكر ان الاخذ بالاسباب واجب بل هولا يصح التوكل من دونه والقاعدة معروفة " اعقلها وتوكل ". لكن في الاول والاخير العلم عند الله
الحياة فيها ابتلاءات كثير والقوي هو اللي يرضى بالقدر خيره وشرة. لكن كيف تختاري؟وايش تختاري؟
اول شي خليني انا احكيكي حكايتي ,, انا اول ما اتخرجت فتحو برنامج الملك للابتعاث وكنت من المقبولين فيه ومثلك كنت مقدمة على امريكا وطااايرة
من الفرح. والحمد لله تمت كل الامور و اهلي كانو معاي طووول الخط لكن لمن جا وقت الجد تركوني وصارو يقولي الزواج
احسن لك من الغربة والدراسة. والدي رفض اني اسافر ووالدتي فضلت الزواج وانا استسلمت رغم ان طموحي عااالي لكن قلت صحيح
الزواج مهم والدراسة لاحقين عليها ان شاء الله. لكن زي ما تقولي انا اريد وانت تريد والله يفعل ما يريد
جلست اربع سنوات ولاعريس ولا هم يحزنون, هههههه اصلا صرت اكبر من العرسان يا عيني عليا بس
يوم شفت الوضع كدا قلت لاهلي جلوسي هنا ما راح يأخر ولا يقدم في موضوع الزواج, لو الله رايد لي اتزوج راح اتزوج ايش ما كانت
ظروفي. لكن مو معقول انا أعطل كل شي في حياتي عشان استنى سعيد الحظ. بيني وبنك صرت اكنيه المهدي المنتظر :)
المهم يا ستي حزمت اموري وفوضت امري لله واتوكلت على بعثتي والحمد لله على كل حال.
طبعا انا ما اقولك ان اللي انا سويته صح ولا زم كل وحدة لو خيرت بين الزواج والدراسة تسوي زي, لا. هيا مسألة ايمان
انا فكرت وقدرت ووكلت. واللي يصير بعد كذا بإذن الله انا راضية بيه.
من ديار الغربة اقولك اجلسي جلسة صفااااء مع نفسك وشاوريها اسأليها ايت اهم بالنسبة لها الدراسة ولا الزواج, النفس لها حاجات ما يعلم بيها
غير الشخص نفسه.ياترى هل انتي مرتاحة للانسان اللي اتقدملك ( واذا صارت شوفة, هل ارتحتيلو؟) طيب في المقابل دراستك ايش راح تحققلك؟
طيب ايش الاشياء اللي راح تضحي بيها لو اخترتي الزواج على الدراسة او العكس؟ وهل انت راضية تعيشي بقية حياتك وانت عارفة انت
خسرتيها في مقابل القرار اللي اخترتيه؟
اذا تممتي حبيبتي املئ قلبك بالرضا ووكلي امرك لله وقولي " رب عليك توكلت , اصلح لي شأني كله ولا تكلني لنفسي طرفة عين ولا اقل من ذلك"
واصحك تندمي على قرارك وابدا لا تقولي كلمة لو فعلت لو اخترت ( ترا "لو" تفتح عمل الشيطان وما تملا قلبك غير حسرة )
حطي في بالك ان ربنا راح يمتحنك على اختيارك فأصحك تغفلي عن احسان الظن بالله مهما اشتدت الامور.
فوضي امرك لله والله ثم والله ربنا ما راح يردك خايبة ابدا.
معليييييييش انا كلامي كتير اليوم, بس والله لاني حاسة بحيرتك
لاتنسي تكتري من الاستغفار والصدقة " فالصدقة تطفئ غضب الرب وتدفع ميتة السوء"
الله ينور بصيرتك اختي ويلهمك ما فيه خير دنياك واخرتك
ومن دحين اقولك مبروووووك ما اخترتي