شاركوني مشكلتي هل اتنازل عشان زوجي او اظل بالاحوال السيئه؟

السلام عليكم ورحمه الله وبركاته

كيفكم اخواتي الحبيبات انا بصراحه ترددت كثير قبل اطرح مشكلتي هنا الا بعد ماضاقت علي الدنيا عساها ماتضيق على اي احد منكن يارب
انا متزوجه صار لي 3 سنوات وعايشه بشقه مستقله عن اهل زوجي انا كان شرطي الاولاني شقه مستقله
وفعلا زوجي حقق لي هطلب وطلبت هالشرط لان اهل زوجي يتدخلون بكل صغيره وكبيره وميخلون احد بحاله يعني بالعربي مشااااااااااكل وبنت عمي عندهم دايم يطقون عيالها ومشااااكل كثيره وبعد الامور بينهم متدهوره لان بنت عمي قووويه متخلي حقتها تروح عكسي انا مسالمه جدا ومحب المشاكل وزوجي يحبني حمدلله ودايم يقول لي مبيك مثل فلانه يقصد بنت عمي بس انا فهمته ان اي واحد بعيد غلاه يزيد وفعلا اقتنع بهشي بس المشكله وووين

زادت المصاريف علينا بسبب اتفاق بين زوجي واخوانه يتقاطون في مصاريف مزرعه والدهم شهريا عشان اي شي قاصر هالمزرعه يسدونه واهله ماراعوا امكانيات زوجي وقالوا بنخفف عليه القطيه لان عنده بيت مستقل لا مثل مايحطون مقررين على زوجي بالمثل بدون اي مراعاه لاحوالنا
لدرجه ان صار لنا سنتين ماينزل راتب زوجي ونجلس اسبوع الا ونتسلف لان الشقه تقريبا حسبه بيت كامل من حيث الاكل والكهرباء الماء وكل شي والحين انا عندي طفل ومتنازله عن الشغاله والسبب سوء احوالنا الماديه منلحق واحس اني مو ملحقه شغل بيت وطفل وزوج احس مقدر اصبر تعب ميجي الليل الا انا مهدووووووووده واهلي نادر ماجيهم وهم بنفس المنطقه

مع العلم انو قبل لايقررون قطيه المزرعه كنا بخير ونعمه ومنحتاج لاي احد لان القطيه مالت المزرعه مبلغها كبير وحاولت بزوجي يكلم اهله يعفونه عن القطه معهم ورفض قال راح يعايروني ويقولون حلال ابوه وميقط فيه ومن هلكلام

لب السالفه

زوجي اقترح علي اقترااح من كثر مشاكلنا بسبب هالفلوس قال لي شرايك نسكن مع اهلي ونفتك من مصاريف الشقه ونجيب لك شغاله وتتضبط ميزانيتنا لان اللي نخسره بالشقه تقريبا 3500 والقطه مال المزرعه 2500والبنك 500 مايصفى الا 500 ريال فقطططططططططططططططط علما ان زوجي راتبه 7000:44: اه والله تعبت شهاداتي جامعيه ومرتبه شرف عندي ومصفطتها اااااااااه شقول الله يحاسب اهل الشان مايوظفونا لو ب2000 موافقه
ها افيدوني

هل ارجع اسكن مع اهله واصبر عليهم وبيتحقق كل اللي ابي او اقعد براحتي في شقتي وسوء حالتنا الماديه علما ان زوجي مستحيل يطلع له بيت حتى على المدى البعيد لانه وللاسف عسكرررررررررري:44:اااااااه ياقلبي بنفجر والله الله يفرجها علينا وعلى كل وحده مثل حالتي