كلمة اخيرة لك حبيبتي إذا سلفتكاستمدت ثقتها بنفسها منهم انتي استعيني في ثقتك وقوتك من الله وعامليهم بالحسنى لايلاقوا عليك شيئ استمري عامليهم باصلك وبسس

يا بنت الحلال لا تقارنين حياتك بحياة احد فكلٌ له ظروفه ولا تدرين وش في نفوسهم ... يمكن لو سألنا زوجة ولدهم الثانيه كيف علاقتهم معك تقول متدخلين بحياتي ويسألوني عن كل شي مو مثل سلفتي موقفتهم عند حدهم ومحترمينها ....


ثم ان زواجك اقدم من زواجها كانو البنات اصغر وانتي بعد صغيرة وصارت التجربه فيكم
وزوجك علاقته بهم رسميه رغم انهم اهله ويحسبون له حساب او فيه بينهم شي قديم مثل ماقالت وحده من الاخوات .. فلا تدققين ولا تنبشين
وترى هذي شخصيتك وطبيعتك مو هم اللي ربوك في صغرك عشان تحملينهم مسؤليه تشكيل شخصيتك
ونفس الشي سلفتك هذي شخصيتها وطبيعتها مو تعاملهم اللي خلاها كذا .. الا بالعكس هي اللي جرأتهم عليها وشجعتهم ..
عموما مافات شي حاولي وجاهدي نفسك تغيرين من شخصيتك ،، خذي دورات تطوير الذات ممكن بالنت والتويتر تابعي نصايحهم تصقل الشخصية ،،، جرئي نفسك اكثر وادخلي في المجتمع اكثر
ثم بعد كذا طبقي هذا التغيير في تعاملك مع اهل زوجك في الحديث والسوالف ،، اذا سافرتي مثلا جيبي لهم هدايا ولو شيئ بسيط بالذات خالتك ،،،، لا تقولين ما اهدوني وانا عروس وتحاسبين هذاك عارفة قيمة الهدية على النفس وكوني الافضل والاقوى
والبنات اللي يقولون لك اقطعيهم ولا تزورينهم غلطانات لأن هذول اهل اولادك وبناتك جدتهم وعماتهم .. يعني عزوتهم انتبهي لا تطلعين اولادك كارهين لهم او علاقتهم بهم سطحيه


واخيرا سلفتك هذي صادقيها وحاولي تتقربين منها بدل ما تنقهرين منها ومالها ذنب .. صداقتها تفيدك وتعلمك اللي ودك تتعلمينه واضح انها حيويه ايجابيه تنشر طاقة ايجابيه وعلى قول المثل الحي يحييك ..
وتذكري خ
حديث وسول الله (( لا يؤمن احدكم حتى يحب لأخيه المؤمن ما يحب لنفسه ))
اياك ان تنظري لها بحقد وحسد لان الحسد ما يحرق غير قلب راعيه ... وعلى نياتكم ترزقون


الله يوفقك يا اختي ويسعدك سعادة الدارين .. وخذي نصايحي بصدر رحب حتى لو ما عجبتك فوالله ما اردت غير مصلحتك

يعني انتي تبين تصلحين علاقتك فيهم ؟ طيب حثي اخوهم على انهم يلبي لهم طلباتهم وممكن بعد يجيب لهم هدايا ويدورهم ويسأل عنهم يمكن مع الوقت تتصلح وانتي ارجعي مثلما كنتي اول بس بطريقه مختلفه اذا اجتمعتي فيهم لا تسولفين بما انه ما يلتفتون لك الحين بس اسمعي السواليف وعلقي عليها واضحكي معهم

يعني اعتبري انه ما فيه بينكم شي لانه فعلا ما فيه شي الغلط كان من اخوهم مو منك انتي ما لك ذنب بشي

نفس وضعي بالضبط من جميع النواحي
كبرت راسي وصرت رسمي والمعامله بالمث