ما عندي خطة حاليا موقفة من شهرين بس حابه اسأل عن فيتامين للشعر والبشرة اذا احد جربه منكم
اسمه شاينى
كتبته لي طبيبة وما حصلته الا بصيدلية وحدة بس استخدمته لمدة شهر نتيجته جميلة بس قرأت انو مش مصرح من هيئة الغذاء والدواء وخفت استخدمه مرة ثانية

اسعد الله مسائكم كيف حالكم يااخوات من زمان ماشاركت الان انا بديت احط بشعري ماسك بيضه كاملة وملعقتين زيت الزيتون ومايونيز ماسك يهبل مره بالاسبوع مره بالاسبوع حناء

اول شي معتمده هالنظام لشعري ومبسوطه عليه
اول شي استخدم شامبو قارنيه بالزيتون احط شوي براحة يدي وافركه بيدين واخلل ايديني بالجذور بعدين ارجع احط نقطه وافركه واوزعه على الاطراف بعدين اصب مويا على شعري واجلس افرك ثواني بس وعلى طول اغسله فورا لان الشامبو بعكس ماهو معروف انه كل ماجلس عالشعر كل ماصار الشعر انظف بالعكس كل ماكان جاف اكثر
وبعد الشامبو استخدم بلسم لشعري *مع ان احس ما ارتاح للبلسم احسه ينزل الشعر*
وبعد ما اطلع الف المنشفه عليه واحرص اني ما انشف شعري اخليه ينشف طبيعي لا امشطه ولا انشفه بالاستشوار او المنشفه
لان الشعر وهو رطب ومسامه تكون ضعيفه فينزل
وبعدين بعد ساعه نص ساعه اذا نشف احط سيروم حمايه من الاستشوار من بوتس
يهبل ويخلي الشعر رطب انا توي طحت عليه برجع اشتري كثير
رخيص ب15 ريال
وعادي ابدا امشط واذا كنت باجازه اخليه واذا كان وقت دوام استشوره
واحرص على الحناء الاصلي الورق كل جمعه او كل سبت
شعري لم اعرق او احتر مايطلع له ريحه
واحس الفروه نظيييفه واللون خيال
واستخدم اصلي جدا ورق لان كنت استخدم مطحون ولما اغسله احس ماينزل لون الحنا
ينزل زي لون الاسمنت
بعكس الطبيعي ينزل لون برتقالي واحمر على الارض لما اغسله لدرجة يبقع على الارض
والمطحون مايبقع وينشف الشعر جداااا
واللي تحط حناء ورق اصلي راح تفهم وش اقصد
انا اجيبه ورق من عند العطار واطحنه زين زين بالطاحونه الين مايصير ناعم واحط عليه بابونج وشاي وعصرة ليمونه صغيره
يختمر ساعتين و
احطه ساعتين واغسله وأتبخر بعود
وبعض الاحيان احط مغلي بصل وثوم بس الحمدلله ما احتاجه ماشاء الله شعري كثيف فاستغنيت عنه
لكن اذا حسيت انه يتساقط احطه
وبس الله ينفعنا وينفعكم به🧡

السلام عليكم
جدولي لشعري
أحط حنا ف الأسبوع أو الاسبوعين مره
بالنسبة لزيوت الشعر سويت كذا خلطة زيت واستمريت عليها بس مالقيت نتيجة ايجابيه
أبدا ماناسب شعري الا زيت سمسم مخلوط معاه محلب مطحون النتيجه الي لقيتها شعري صار انعم وطال ماشاء الله لا قوة الا بالله

وعليكم السلام ورحمة الله،،
بالنسبة لي تعبت من الماسكات والزيوت بشعري ولا حسّيت بأي نتيجة شعري مثل ما هو تساقط فضيع لدرجة فروة شعري واضحه حتى الشباصه ما تمسك فيه،،
وآخر مره قلت بقصه عشان اعتني فيه من أول وجديد الأخت بعده عندها أمل يتعدل وأخواتي دايما يضحكون عليّ يقولون هذا فار التجارب عندك ارحميه عمره ما يتعدل ويتصلح،، راعية الصالون لما قلتلها قصّي لي أطراف شعري المتقصفه قالت اصلا ما فيك شعر عشان اقصه وليش كذا اهتمي فيه،،
بالنسبة لعنايتي كل اسبوع أحط ماسك سدر أو حنا وأحيانا اخلطهم مع بعض مع مغلي البصل والثوم،، ويومين اسوي حمام زيت جوز الهند العضوي مع الخروع،، وصار لي قرابة ثلاثة أشهر استخدم هلام الصبار مع زيت الخروع واسوي مساج لشعري وايضا حاطه لي ف بخاخ مغلي الزعتر والروزماري وابخ منه كل يوم مره مع مساج،،
ما لاحظت أي تحسن ف شعري أنا أريده يكثف وكل يوم اشوف الشعر اللي يتساقط من الجذور صار المشط يمشي ف الفروة بدل الشعر من خفته بالرغم استخدم مشط خشبي،، وسويت فحوصات ما فيني نقص دم ولا حديد الحمد لله بس فيني تكيس واعالج عشان تأخر الحمل،،
اللي عندها حل تنقذني فيه بارك الله فيها ووسّع عليها رزقها