اتق شر من احسنت اليه هذي خلاصة تجربتي المريييييييييييييييييييييييييييرة

عدم التنازل عن اي حق من حقوقك... لان اللي بتتنازل مره بتتنازل مية مره وبكذا بتنظلم

وعدم قبول الاهانه مهما كانت لانك لو قبلتيها مره راح تكبر الاهانه يوم ورا باعتبار ان مايمشيك الا الاهانه..

آآآآه وألف آه ونصيحه لوجه الله اذا كنتي موظفه لاتعطينه من راتبك ولا تشترين اغراض للبيت من راتبك ولا تخلينه يحط عينه على راتبك خليه يصرف عليك وعلى البيت ولا كأنك موظفه الا اذا انتي بتساهمين من عندك وبشي بسيط

انتبهي تكون رواتبكم مع بعض خلي كل واحد مستقل بلحاله

الرجل مايحب المرأه الهاديه المسالمه يحب القويه الملسونه اللي توريه الشغل

لاترحمينه وتقولين ماعنده فلوس ابد الرجل اذا حب المره جاب لها فلوس من تحت الارض

عوديه في كل المناسبات يجيب لك هديه ,,,,,لاتصيرين مثلي راحت علي الحين ماينفع

وش بعد ياربي ,,,,,,,,وحده حاقده على الرجال

اوصيكم ثم اوصيكم ثم اوصيكم لاتعطينه من راتبك ,,,,,,,وحده متعقده

ليست اصابع يدك سوا . اي ماينطبق على زوجك لا ينطبق على الازواج الاخرين <<< لذالك لو وضعنا تجاربنا ماعتقد تفيد احد بل بالعكس يمكن تدمر الحياة الزوجيه .

الذكيه من تعرف تسير حياتها الزوجيه بكل الحب والتفاهم . على قولة الاستاذ خالد الشليل تقدر الزوجه الذكيه والتي تعرف طباع زوجها ان تدخله مع كم وتخرجه من الثاني .

اهم النقاط الذي خرجت بها بعد عشرة سنين وانصح بها كل زوجه هي : احترامه الدئم والمستمر والاهتمام به .والثناء عليه . واحترم اهله ومجاملتهم . عدم التضمر من الحياة . الابتعاد عن الزعل . وان تكوني قويه , ولا اقصد قوة السلطه عليه بل قوة تحمل المشاكل وحلها . وطلعت باهم تجربه وهي ان الرجل بطبعه ينس المشاكل التي بينه ويبن زوجته . بعكس المرأة انها لا تنسى المواقف سوا جميله او سيئه . بمعني اننا معشر النساء نتعب انفسنا بتذكرنا المواقف السيئه من ازواجنا . واذا حصل بين الزوج والزوجه مشكله جديده اخذت تذكره بالي قبلها ثم ازداد الجرح . فياليت ان نحاول ان نبعد عنا هذه الصفه . لانها تجدد المشاكل الزوجيه .

وفيه نقطه من ام النقاط والتي تهدم الحياة الزوجيه تماماً الكلام باسرار الحياة . وتقليد الاخرين

ما يصلح لك قد لا يصلح لغيرك والعكس
الرجال معادن والمعادن تختلف
اعملي باصلك ومصيره يستحي على دمه
توفير الجو المناسب
تحين الوقت المناسب لطلب طلباتك
اعطي عشان تاخدي اتعبي عشان يتعب عشانك احترميه عشان يحترمك وقدري اهله عشان يقدر اهلك
الحياة تحتاج لبعض التضحيات لتستمر
اخيرا احتسبي دائما ما تقومين به لوجهه تعالى اذا ما حصلت نتيجة الحين تلقينها عند رب العباد