Never broken :

tear&smileحبيبتي انتي ربي يحفظهم لك و يبلغك بهم اعلى مراتب الدنيا و الاخرة امين و يرزقك لهم الاخوان و الاخوات يارب حلو اكتشفت اننا كبر بعض انا بعد صارمة جدا بس سبحان الله الحين لما انظر للسنوات الي مرت لما كانوا اولادي صغار ندمت اني كنت عصبية معاهم بس ما ندمت على اني كنت صارمة و احب امشيهم على القوانين بس كان لازم افهم ان مش بالضرورة اني اعصب و احرق دمي هم اخذوا من طبعي في العصبية و غير ذلك العصبية صارت جزء مني و الان احاول ادرب نفسي على سعة البال الذكي هو الي يوفر على نفسه عناء الخوض في تجارب و يستفيد من تجارب غيره انا اعشق الاستماع لخبرات الاخرين

tear&smileحبيبتي انتي ربي يحفظهم لك و يبلغك بهم اعلى مراتب الدنيا و الاخرة امين و يرزقك...

آهات رحلة :

جميل ان الموضوع تثبت الانه بالفعل قيم ومفيد وفيه تجارب رائعة الشكر للمشرفة الحبيبة " أرضي السعودية " وانا تجربتي مع ولدي البكر بما انه ولد مشاغب وكان دائماً يضرب قدر الامكان حاولت اخفف من عصبيته واكلمه بصوت هادئ وبمستوى جسمه وعيني بعينه وما اتناقش مع ابوه قدامه عشان ما ترتفع اصواتنا واعزز سلوكياته الجيدة واتجاهل السيئة وعلمته ثقافة الاعتذار ولازم يقول أسف وثقافة الشكر واذا حب يطلب يقول " لو سمحت " ولا امارس الضرب معه مجرد الكلام واحسه يتأثر بس مع التكرار وافضل اسلوب اتبعه مع ولدي هو التكرار ثم التكرار ثم التكرار اكرر عليه الشي الي ابيه يتعلمه في اليوم عشرات المرات واخليه يردده لما يحفظه واحس ان هذه الطريقة ناجحة واحط جدول منظم للاكل والنوم واللعب وحتى الدراسة وامدحه كثير الان حسيت انه بالمدح يغير من سلوكه والعكس القسوة تزيده عناد ولا يستفيد والاهم ان قدامه ما اختلف مع ابوه الان حسيته يتأثر ولازم رأيي انا وابوه واحد في كل شي الان هالطريقة ناااجحة وهو اذا شافنا متفقين يسمع كلامنا عكس اذا كل واحد وله رأي ونحبه وندلـلـه لكن بنفس الوقت نشد عليه حبتين ،، ونشتري له العااااب واااجد وخصوصاً التعليمية الي فيها فائدة ،، وعلمته ان لما يخلص اللعب يرجع العابه مكانهم .. ويساعدني في الترتيب باشياء بسيطة بس عشان اعلمه يساعدني واعلمه على الترتيب وشريت له طاولة وكرسي وسبورة وكل يوم ادرسه واعلمه واشتري له صلصال واخليه يلعب فيه عشان تقوى عضلات يده ويقدر يكتب ويمسك القلم بقوة واحاول اشغله بالعاب مفيدة وحفظته السور القصير .. الفاتحة والتوحيد والكوثر واخليه يشوف التلفزيون في اوقات محددة قدر ساعة او ساعتين في اليوم واخليه يلعب بالايباد فترات معينه وبعدين اشغله بلعبه بدون ما يحس اني امنعه عن الايباد بس احط وقت افتراضي ممكن ساعة وبعدها اقوله تعال العب وشوف او تعال لون معي اشغله بنشاط ثاني بطريقة ما اخليه يحس اني اجبره ويعاندني ويا بنات اهتموا بتنمية قدرات اطفالكم باللعب تراه ينمي العقل والقدرات ومفيد جداً والطفل الي يلعب واجد في طفولته وخصوصاً بسن صغيرة يصير ذكي جداً وقدراته العقلية تتطور بشكل ممتاز انا ولدي الكبير عمره اربع واعلمه شوي انكليزي احرص ان اتابع تعليمه صحيح هو لسه بالروضة بس اتابع واجباته ودروسه عشان يتعود ويتطور ولما يصير بسن المدرسة يكون مستعد وبعد ما جبت اخوانه خليته يشاركني عشان يحبهم اخليه يجلس جنبهم ويلاعبهم ويمشط شعورهم واذا احممهم اخليه يدخل الحمام ويرش شوية مويه عليهم بشويش عشان اقتل الغيرة ويحبوا بعض ولازم هو معي على طوول واقوله اخوانك وحبهم وكذا لازم فيه حركات خطرة منه ههههه بس شوي شوي الغيرة تخف وولدي الله يحفظه متعب متعب وفيه شقاوة وتغير عن اول وكل ما يكبر تخف شقاوته الله يهديه ويحفظه واستفدت طبعاً من الكتب والبرامج الثقافية عن الاطفال وعودته من يوم عمره سنة على قصة قبل النوم واحس انه مرره يحبها وما ينام الا بقصة والقصة يكون بطلها شخصية هو يحبها .. دب ، بطة او اي شخصية يحبها ولازم القصة فيها تعزيز للسلوكيات الجيدة واجلس امدح مثلاً بطل القصة زي الدب انه شاطر ويحب ماما ويسمع كلامها وكذا وذم التصرفات السيئة واقوله الدب يصرخ على ماما اقوله صح او غلط يقولي غلط اقوله انت شاطر وحلو وشوي اضحكه واداعبه .. والله انا جاهدت معه الانه مرره شقي ولدرجة ما اكرر عليه الكلام صار هو يكرر كلامي وينصحني ههههه وانا اقوله ان شاء الله وشكراً لصاحبة الموضوع على هذا الموضوع القيم واحب اقول لتير اند سمايل انتي فعلاً ام رائعة الانك تبذلي جهدك لتقديم الافضل

جميل ان الموضوع تثبت الانه بالفعل قيم ومفيد وفيه تجارب رائعة الشكر للمشرفة الحبيبة " أرضي...