موضوع رااااائع جدا جدا و مشاركاتكم اروع الله يعطيكم العافيه جميعا و يجزاكم خير يارب

بالنسبه لي عندي 3 بنات اعمارهم 9 سنوات و 6 سنوات و 4 سنوات

اول شي انا للاسف انا عصبيه لكن باحاول قد ما اقدر اتحكم فيها
اذا عصبت اقوم من المكان اللي فيه اروح غرفه لحالي و اخذ نفس عميييييق
كذا مره لما اهدأ و بعدين ارجع

الصباح يلبسو و يفطرو و انا اسوي شعرهم و اثناء ما امشط لهم اقول اذكار
الصباح و دعاء الخروج و قبل ما يخرجو عودتهم بوسه و ضمه حتى لو تضاربنا
عالصبح ما اخليهم يخرجو لما ابوسهم

اسلوب العقاب عندي هو الوقوف او الحرمان حسب شدة الغلط اللي مسوينه

غرفتهم انا ماااالي شغل فيها الا بالعميق هم يرتبوها و يكنسوها كل يوم على وحده
ترتبها و الكنس مره وحده او مرتين بالاسبوع
البنات اللي بيدرسو هم اللي بيغسلو مراييلهم و الغساله توماتيك يعني مجرد يحطوها
و يحطو الصابون و يشغلو الغساله مره على هذه و مره على هذه

عودت نفسي انه و هم صاحين اقصد بنات المدرسه ماااا اشتغل ابدا
اجلس اذاكر لهم الكبيره تذاكر و انا اشيك و الوسطانيه امشي معاها لانها
سنه اولى و لازمها تأسيس و بنتي الصغيره تمشي معانا تبغاني ادرسها
و انا اسايرها عشان اذا كبرت تحب الدراسه و كل يوم نجلس ساعه عالتلفزيون سوا
اتفرج معاهم عاللي يبغى يتفرجو عليه و بنفس الوقت اي شي يصير اعلق عليه
اذا هذا صح او خطا ،، و لازم كل يوم العب معاهم حتى لو عشر دقايق بس
و احكيهم حكايه قبل النوم كنت احكيهم قصص اطفال الآن احكيهم قصص
انبياء و صحابه
اذا نامو الثنتين الكبار يكون عندي الصغيره بس اشغلها بالعاب عشان اقدر
اكمل شغلي

بالنسبه للقرآن اكرر الآيه و يكررو ورايه بس لاحظت الصغيره تحفظ اسرع
من اختها الوسطانيه بسم الله عليها

وسط الاسبوع الاجهزه ممنوعه ما اطلعها لهم ، اطلعها اخر الاسبوع لهم
و حدهم ساعه مو اكثر ..

الصلصال تحت يدهم باستمرار و المقص و الاوراق و الالوان و بين فتره لفتره
اطلع لهم الوان الفرشه احط شرشف قديم كبير و فوقه سفره و اخليهم
يلطخو بالالوان زي ما يبغو

دواليبهم انا اطبق الملابس و هم كل وحده تدخل ملابسها بدرجها و لو حاسته
ترجع ترتبه

بس باعاني من بنتي الصغيره انها عنيييييده يعني عاااادي عندها جدا انها تتعاقب
سواء حرمان و لا وقوف اذا ما تبغى تسوي الشغله خلاص ما تسويها خاصه ترتيب
العابها بعد اللعب صرت ارفعها عنها اللي تقوم و ما ترفعه اشيله اخبيه عنها شهر كامل
بس لا زالت بعنادها الله يهديها

نحب انا و ابوهم انه نخرجهم اماكن مفتوحه بحر بر يعني مكان سما و ارض
مو ملاهي و لا مولات لانه نشوف انه اللعب بالاماكن المفتوحه يفرغ طاقه و يهدي الاعصاب


هذه الاشياء اللي جات في بالي ذحين و الف شكر عالموضوع الرائع

داوم على "لا إله إلا أنت سُبحانك إني كُنت من الظالمين"؛ فإن لها سر عجيب في فك الكرب، ونبأ عظيم في رفع المحن

جوابك جميل
وطريقة تعاملك مع عيالك رائع

مهم جداً حضن الاطفال
وتكرار كلمة احبك عليهم
فهذا يشبعهم عاطفيا
ويحسوا دائماً انهم مرغوبين ومحبوبين

من الام والاب

الله يحفظ لك عيالكم ويكبروا وتفرحي فيهم باعلا المراتب

جودي شوب ،، ماشاء الله تبارك الرحمن
ام ممتازة

الله يعطيك الصحة والعافية
ويحفظ لك عيالك ويوفقهم

لا إله إلا أنت سبحانك إني كنت من الظالمين.