الحمدلله علمت بنتي من ربك ومادينك ومانبيك عمرها اربع سنوات

شكرآ لصاحبة الموضوع على الطرح

السلام عليكم ورحمة الله
اتبعت هدي النبي صلى الله عليه وسلم في امر ابني بالصلاه من السابعه الی العاشره الحمدلله هذا من فضل ربي يصلي من غير امر حاليا الا اذا نسي مع اللعب ذكرته خاصه اننا حاليا في غربه
ثانيا كنت اضرب اولادي وتجلس حسرتهم في قلبي طول الليل وهم نايمين صار عقابهم الزاويه يجلسون فيها بعد ما اوضح لهم اسباب عقابهم وطبعا علی حسب عمره كل سنة بدقيقه ارتحت نفسيا وهم يتادبون
قبل النوم بقدر ما استطيع افتح سورة البقره في غرفتهم وكل يوم قاريء علی حسب رغبتهم
علمتهم يدافعون عن انفسهم بأدب الكبير الله يسعده فهم الموضوع الصغير يظن ان لازم يدافع عن نفسه باخذ حقه بيده حتی الناس تشيل هم جيتنا الله يهديه
ومن افضل الاشياء وهو بعد شيء ما تعرفه اغلب الامهات انه لا يجوز للام رؤيه عورة الاطفال من عمر السابعه عودتهم علی هالشيء ووقت الاستحمام يكونون لابسين شورتاتهم واغسل اجسامهم وشعرهم اطلع ويكملون الباقي
عودتهم يقولون لي كل شيء بمعنی الكلمه
كنت اقص لهم قصص لكن اشغلتني الحياه واحيانا كثيره الكسل اعوذ بالله منه
الله يصلحهم لي ولكم ويرزق كل من تتمناهم يا حي يا قيوم

الله يسعدكم ويجزاكم كل خير موضوع رااااائع ومفيد ،،،،،،،للأسف انا أحس اني أهدم ما ابني للأسف تربيني مع أبنائي اغلبها ضرب وصراااااخ الله يغيرني للاحسن ياااارب مااااادري الحق أغير وجهت تربيتهم لن أعمارهم 8و5و3 ومشكورين

أكيد تقدري تلحقي عزيزتي

اذا انتي عصبية وهم اشقياء مره
عوديهم على النظام

الاكل في وقت والنوم في وقت
عشان تخف شقاوتهم وتخف اخطائهم
وما تعصبي عليهم
وانتي حاولي تخففي من عصبيتك ومن تحسي نفسك معصبة تعوذي من ابليس
واستغفري
التربية صعبة وتحتاج صبر وجهد


وخلي عيالك يتعاونوا معك في البيت
وحثيهم على الترتيب والنظافة

ولا تستخدمي الضرب في العقاب ولا الصراخ
الان كذا تولدي عندهم سلوك عدواني
ويفكروا ان الضرب والصراخ هو السلوك الصحيح في التعامل
خصوصاً مع الي 3 و5

الطفل تتكون شخصيته في الخمس سنوات الاولى من عمره وبعدين هالشخصية تتطور
على حسب ما انتي اسستيها

عاقبيهم بالحرمان
او اي وسيلة ثانية

واذا غلطوا فهميهم الغلط بصوت حازم بس بدون صراخ
وعوديهم يعتذروا

وخلي مواقفك ثابته

يعني الغلط غلط
مو ساعات يكسروا شي وتسامحي ومرة ثانية يكسروا تضربيهم
كذا تولدي عندهم مفهوم الا زدواجية

وانك تعاقبيهم بعشوائية
الان الخطأ نفسه واسلوب التعامل اختلف في كل مرة

الي يتعمد يكسر ويخرب مثلا يجلس في زواية العقاب لمدة 2 الى 5 دقائق
ويعتذر ويقول انه ما يكررها

او تحرميه من شي يحبه او لعبه

والكبير صار يفهم عليك اكثر تفاهمي معه وكلميه ومدحيه
ولا تضربيه الان راح يعاندك اكثر