كوبونات الراقية تسجيل الدخول

قلب منكسر
قلب منكسر •
عمتي كانت عانس .......ووصل عمرها 45 سنة وهي ما تزوجت وكانت معنوياتها مرررة محطمة
ولما استمرت على الاستغفار وذكر الله واشغلت نفسها بالله .....وتركت كلام الناس ومسخرتهم عليها.....
وما كان همها الزواج اصلا كانت تقول لنا انا خلاص خسرت دنيتي لا مال عندي ولا بنون .......لكن ما ابي اخسر اخرتي
وكان كل هدفها من الاستغفار تكسب الاخرة والجنة
وبعدها بشهرين خطبها واحد زوجته متوفيه وعنده اطفال
ووافقت وصار الزواج في اقل من شهرين

وطلع زوجها قمة الرجولة والاخلاق ........وكانت فرحانة وتقول باركوا لي كفلت ايتام

منقووول
قلب منكسر
قلب منكسر •
وبنت جيراننا كمان وصل عمرها 39 سنة .....ولما خلاص يأست وقالت خليني اكسب اخرتي واشغل نفسي بطاعة ربي بدل التفكير والهم اللي ماليني ........والتحقت بمدرسة تحفيظ قرءان وصارت تشارك في المحاضرات والاعمال التطوعية

وصارت تستغفر وتدعي ان الله يغفر جميع ذنوبها ودايم تسأل الله الجنة

جاء يوم وخطبها واحد وكانت يتيمه وعايشة هي وامها لوحدهم في شقة مستاجرة وكان يتمرمطو من شقة لشقة بسبب ارتفاع اسعاره وهم ماعندهم ولا عندهم بيت ملك
والحين عندها ولد وعندها بيت ملك بأسمها وامها عايشة معاها واستقرو وارتاحو

منقووول
قلب منكسر
قلب منكسر •
اسمعوا قصة قريبة لزميلتي تقسم بالله انها صادقة كانت قريبتها تعدت 33 وهي ما تزوجت سبحان الله انصحوها بالمداومه على سورة البقرة كرقية مو بنية زواج او شي ثاني يعني ترقي نفسها بالسورة يوميا وفعلا داومت على قراءة السورة وماهي محدده فترة معينه بتقراها لحد ما تتحسن حالتها وبعد فترة ممكن 3 شهور انخطبت من شخص ماتعرفه وسال ابوها واخوانها عنه طلع ابن حلال ورجال طيب وافقت وملكت هنا المفاجاة سالته لما كلمته انت مين دلك علينا قال اخاف اقول لك ماتصدقين قالت لا قول قال اقسم بالله العظيم اني حلمت باحد يقول روح اخطب فلانه بنت فلان بحي كذا لما صحيت من الحلم استغربت ووقتها فعلا كنت ادور عروس قلت سبحان الله بسال اذا طلعت فيه وحده بها الاسم بنفس الحي اللي في الحلم بخطبها بدون تردد وفعلا سال عنهم في الحي قالوا ايه نعم فيه عايله بها الاسم وفيه بنت اسمها كذا ماهي متزوجه وسال عن سمعتها واخلاقها وخطبها والله يابنات ان هذي القصة واقعية وانا اعرف هالبنت شخصيا سبحان اللي يسوق لك نصيبك اينما كان انتي بس ثقي بالله وربي كريم بيروقك من حيث لا تحتسبي صدقيني اقسم لك على هالشي

منقوووول
قلب منكسر
قلب منكسر •
بنات أنا كنت يوم من الأيام مثلكم ..
أتمنى يرزقني الرجال الصالح اللي يخاف الله فيني
كنت اسمع كلام كثير تجريح وبعضهم تلميح ..

بكيت ، إنقهرت ، يأست ..

قريت مواضيع كثيره بالنت الاستغفار ، الصدقة ، كفالة يتيم كل الطرق ...
وكنت أسوي اشياء منها واقول ليش الله مايستجيب لي ( استغفر الله )

استمريت ف البحث بالنت ولقيت السبب ...

كل هالاشياء اسويها علشان بس ربي يرزقني اللي ابي كنت اقول نيتي
خالصه لله وانا بنفسي ابيه هالشي يتحقق وبس

تركت كل الكلام ورى ظهري وبديت صفحة جديده واقتنعت تماما
إن الله أخره لحكمه هو يعلمها وحده ..
صرت أدعي ربي وأبكي وأطلبه رضاه ورحمته
وأسجد وأفضفض كل شي بداخلي تركت الشكوى لغير الله ..
صرت أسوي أعمال بيني وبين الله ماحد يدري عنها ..
صرت أسوي كل عمل خير مابي منه إلا رضى ربي علي ..

وأكثر من دعاء ( اللهم إغنني بحلالك عن حرامك )

ولمن أشتغل بالبيت ويكون الشغل كثير علي ومتعب أقول في قرارة نفسي
إصبري يانجد ربي راح يعوضك ، مافيه شي عند الله يضيع ، إحتسبيها
عند الله ، أقولها وكأني متيقنه تماما إن ربي راح يفرجها علي قريب

متى وشلون العلم عنده سبحانه ..

كنت استغفر كثير احيان أحسب وأحيان كثيره لا ..

وبالضبط ظليت على هالحال تقريبا شهرين إلى 3 شهور ..

وتقدم لي قريب لي كان من سابع المستحيلات افكر فيه بحكم إنه بعيد
عننّا صح ماقتنعت فيه بالبداية بس بعد الإستخاره ارتحت له مافي
انسان كامل من دون عيوب والحمد لله تم الملاك وزواجي الشهر
الجاي الله يتمم لنا على خير ويجعله معين لي ع الطاعه ويهدييييه يارب

دعواتكم لي ، والله يرزقكم الأزواج الصالحين اللي يخافون الله
فيكم ويحطونكم بعيونهم
منقوول
قلب منكسر
قلب منكسر •
بنآت الاستغفار

لي صديقة والله صارت لهآ مشاكل بينهآ وبين امهآ
المهم قلت لهآ عن الاستغفار
وصارت تستغفر لمدة شهر والله البنت انخطبببت واللحين ملكككت
بس تقووول كنت استغفر كل وقتتي وبصصدق نيية

الله يرزق كككل بنت



منقووول