- قبل سنوات وانتشار خاتم التسبيح ، كان خاطري يكون عندي خاتم التسبيح ، وسبحان الله بنفس الفترة الله كتب لنا نسافر للعمرة ، واشتريت خاتم التسبيح ، لأن كان موجود بكثرة في أسواق الأبراج ، واشتريت لي الخاتم ، وصرت استغفر واااايد وخاصة قبل النوم اقرأ سورة البقرة ولما أكون عالسرير استغفر لين أنام ، سبحان الله كنت بهالفترة تخطر علي بالي أشياء نفسي فيها ، وتتحقق وأمور تتيسر ، مثلاً كان خاطري بهدية وكل يوم أتخيل لو تكون ساعة و و و ، وسبحان الله صديقتي أرسلت لي هدية بمناسبة تخرجي بنفس الأشياء اللي خاطري فيها ، رغم إنه مضى عالتخرج شهور .
منقوووول
قبل سنتين تقريباً وأنا بكارفور تذكرت الاستغفار ، وقمت استغفر ، صار وقت الدفع ، بس كل الكاونترات ( مكان الدفع ) زحمة وطوابير ، إلا أشوف السكيورتي من بعيد جاية عندي وتمسك العربة وتقولي تعالي ووصلتني عند كاونتر كانت وحدة مخلصة المحاسبة وحطيت أغراضي ، وأنا مذهولة من اللي صار مع قناعة أن اللي صار ثمرة الاستغفار .
خلصت محاسبة ورحت أنتظر أخواني عند بوابة المول لأن مخلصين ، لكن ما حصلت مقاعد ، كله فل ، وأنا تعبت من الوقفة ، قلت استغفر ودقايق فضت المقاعد وجلست عليها ، والله فرحت .
الحمدلله شعور رائع نجلس نستغفر ،
ونشوف ثمرة الاستغفار
منقوووووول