هذه رسالة وصلتنا من أخ مصري قبل ساعات وطلب عدم ذكر اسمه .. بلهجة مصرية
اتمنى ان تفيدكم .. بارك الله في صاحبها
.
.
.
...كنت فى أجازة أولى ثانوى (انا لا مربى دقنى ولا سلفى ولا اى حاجة) لقيت نفسى منجذب للعبادة بدأت أصلى قيام ليل بالمصحف و الأستغفار 24 ساعة طبعا بدأ يحصلى حاجات عكس الى بيحصل بدأت كل الناس تحبنى و تحترمنى (اقسم بالله) بطريقة غريبة مع انى معملتش حاجة جديدة معاهم و الناس الى ليل نهار بتشتم فيه بدأوا يتغيروا عملت جروبات على الفيس بوك لقيتها بتزيد لوحدها بالالاف و فيها مليون تعليق شكر على الجروب لقيت الإكتئاب بيروح كله و ناس بتكلمنى لوحدها مع انى مش اجتماعى يلا ننزل و نتفسح !!!! كل اصحابى كانوا جايبين 90% فى الاعدادية و انا كنت جايب فى الـ80% (فرق واضح طبعا) فى نهاية السنة دى لقيت جايب اعلى مجموع فى شلتى كلها فى الثانوية العامة (مجموع هندسة)!!!! (تقريبا معجزة مع انى مش دحيح والله و طول عمرى فاشل !!!)
المدرسين فى الدروس كانوا بيطردونى و يرجعونى تانى (مبتحصلش ابدا دى!!!!)
ربنا كان بيفرحنى (غصب عنى) فى كل خطوة بعملها
و دا لقيته فى حديث بعد كدة معناه ان ربنا لو احب عبد بيبقى سمعه الى بيسمع بيه و بصره الى بيشوف بيه
يا ريت كل واحد يستغفر و يقلل من الذنوب على قد مايقدر

و زى ما قال الشعراوى:
"لا تعبدوه لكى يعطى اعبدوه ليرضى فإن رضى أدهشكم بعطائه"
فعلا الكلام دا بجد و احنا بنستغفر و أنا (عن نفسى)
مش ملتحى ولا سلفى و لا فيه اى حاجة زيـادة غير انى لما فهمت ربنا حبيته بجد !!
يا ترى حتستغفر و تقلل الذنوب و تشوف ربنا حيعملك إيـــــه!!!!

هذي قصة وحده لقيتها في منتدى فتكات
الاخت بارك الله فيها في الثلاثين وتكلمت عن قصتها كيف الله رزقها الزوج الصالح
هي صح طويلة شوي بس فيها فائدة وامل كبير ان شاءالله


السلام عليكن ورحمة الله وبركاتة
ازيكن يا فتوكاتى ، أشهد الله أننى احبكن فى الله

شوفوا ياقمرات انا النهارده جاية علشان احكي لكنّ حكاية مش منقوله ولا مسموعة لالالا ، حكاية واقعية مية فى المية، وهى باختصار حكاية (مس همس) اللى هى انا .

الحكاية باختصار انى زى اى بنت حلمت بالفارس الحنون والبيت الصغنون والاطفال والحب والمشاعر الحلوة اوى اللى بتملا الدنيا احلام وحب وسرور، وفى مشوارى وانتظارى للحلم ده اتعرضت لمواقف كتير جدا ، كانت كفيلة انها تهد اى جبل مش بس تهد بنت لالالا تهد اى جبل والله على مااقول شهيد .
كان عمرى بيفوت سنة بعد سنة وانا لسة عندى امل ، لكن امل بلا سعى بلا اصرار، متستغربوش كلامى انا فعلا كنت بحلم بس معملتش حاجة توصلنى للحلم ده
كانت الدنيا بتشيل وتحط فيا ، وانا كل اللى بعمله انى اقوم وانفض هدومى واقول انا بخير انا كويسة ، كله تمام، لحد مافجاءة لاقيت موبيلى بيستقبل رسالة من صديقتى فحواها، كل سنة وانتى طيبة ، وقتها بس افتكرت انى عمرى اصبح 28 سنة ، وقتها حسيت بخوف شديد اوى ولانى متعودتش على الاستسلام بدات اهرب من خوفى ،وبدات اتصفح الانترنت ومن هنا كانت البداية،دخلت منتدى اسلامى جميل واتعرفت على بنات هناك واندمجت معاهم وحسيت بسعادة حلوة اوى واحساس جميل ، اتعلمت من موضوعهم حاجات جميلة واندمجت فى وسطهم وفرحت بوجودى معاهم وحسيت انى مش لوحدى رغم اختلافى معاهم فى موضوعات كثيرة ، بس كنت متناسية هذا الاختلاف ،متناسية عواقبه ، وفعلا حدث مشاكل كتير وخرجت من وسطهم بجرح كبير اوى اوى اوى،
بس مش هنكر فضل صاحبة الموضوع اللى حاولت انها تضمينى تانى للمجموعة لانى كنت بضفى جو من البهجة والابتسامة على حد قولها ، ولكنى اثرت الانسحاب ، وانسحبت ، ومصادفة دخلت منتدى فتكات ومن هنا كانت البداية الحقيقة ، سجلت فى المنتدى واول قسم دخلته كان القسم الاسلامى وعملت موضوع والحمدلله كانت النتيجة مبهرة ان الموضوع نجح اوى بفضل الله تعالى واتعرفت على بنوتات ماشاء الله ولا قوة الا بالله ، وكمان كان فى تواصل مع المشرفات ربنا يبارك لهن وكانوا معايا قمة فى التعاون والذوق ، ونجح موضوعى واصبح مكون من عدة اجزاء وكان عبارة عن جدول للطاعات والعبادات، ومن هنا كانت البداية الحقيقية ، وفى وسط كل هذه المشاحنات وجدت عمرى قد اصبح الثلاثين ،وانا لازلت احلم ولا اسعى لحلمى، فقررت ان اسعى وبكل قوتى ، وبدات ابحث عن اسباب الرزق ، فوجدتها السعى والاستغفار والصدقة ، والدعاء ، فأضفت الى عبادتى الدعاء بظهر الغيب ، فكنت ادعى لنفسى ولكل البنات بالزوج الصالح واتمهل بين كل اسم واسم واشعر بالملائكة تقول لى ولك بالمثل ، والله يابنات بقيت ادعى لبنات كتير جدا اعرفهم معرفة مباشرة او سطحية ، حتى انال من الله ثواب الدعاء بظهر الغيب ، قررت ان اصلى القيام ثم اناجى الله واتصدق وادعى بعد الصدقة مباشرة ، اخذت بكل اسباب الرزق وسعيت لها ، كان الليل صديقى وقيام الليل ملجأ اسرارى ومحل شكواى، اتصدق وارجو فى نفسى الدعاء ممن اخذ الصدقة ، وبعد كل صدقة انظر الى السماء واحدث الله ، حتى القطط فى الشارع كنت اطعمها واطلب منها فى نفسى ان تدعو الله لى ان انال الزوج الصالح، مع العلم ان تاخير زواجى ليس لقلة خطابى ولكن لاننى لم اجد من اتمناه ، وفى ليلة مباركة جلست اناجى الله ووجدتنى اطلب من الله شخص بمواصفات معينة وتخيلته كما صورته لى نفسى ،وذلك فى ايام رمضان الماضى ،وفى الصباح اقرا القرآن واصلى كل يوم على سيدنا محمد صلى الله عليه وسلم علنى انال شفاعته يوم القيامة
حددت لنفسى جلسات استغفار وكنت اشارك احبتى فى فتكات اللائى اشتركن معى فى موضوعى فى افكارى لننفذها سويا ،فانال دعوة من هذه ،وتبركا من تلك ، وانا كلى امل ان الله سيجيبنى ، ورغم ماتعرضت له فى الفترة الاخيرة من مضايقات ،وكلمات لا داعى لها ،من اناس كثيرون ، ولكنى كنت صامده امام كل مايحدث ، وفى كل مرة امر بأزمة اشعر بنفسى اردد قوله تعالى (فاصبر لحكم ربك فإنك بأعيننا) وصبرت لحكم الله ،وحينما ضاقت بى الدنيا ،وبدأ اليأس يتسلل الىّ، دعوت الله ان يعوضنى خير فى الجنة ، واستمريت على عبادتى وصلاتى فى جوف الليل واستغفارى وصدقتى وقراءة القرآن
ولا تزال الاية الكريمة تردد فى نفسى (فاصبر لحكم ربك فأنك باعيننا)


وفى يوم من الايام رأيت فى نومى رؤية ، وحينما بحثت عن تفسيرها وجدت انها تعنى زوج صالح يأتينى ، فرحت اوى وحسيت ان ربنا بيفرحنى ولو فى الرؤيا ،وبعد الرؤيا بمدة قصيرة

رزقنى الله بخطيبى إنسان والله العظيم يابنات فيه كثير جدا من المواصفات اللى اتمنتها من ربنا بالضبط

متتخيلوش مدى سعادتى بيه وافتكرت قوله تعالى (فاصبر لحكم ربك فانك باعيننا)

يابنات بلاش نيأس من رحمة الله مهما كان سنك اوعى تقولى القطار فات ولا اى كلام من ده ، كل شئ وله ميعاد بس انت عليكى انك تاخدى بالاسباب

واعرفى ان تاخيرك عن الزواج خير جدا ليكى

انا النهارده لما بفتكر ان اتاخرت فى ارتباطى وربنا كفأنى بالمكافاءة دى بحمده كتتير اوى وبشكر فضله ، لانى مش بس ربنا عوضنى خير لا، ده كمان علمنى عبادات واذاقنى حلاوتها مثل صلاة القيام والاستغفار والدعاء بظهر الغيب ، خلانى اتقرب منه وادعو له ، يعنى تاخيرى كان لجمع الحسنات ،

بلاش حبيبتى تفكرى فى كلام حد ، فكرى بس فى نفسك وفى علاقتك بالله ،انا كتبت لكم القصة هنا ويارب تستفيدوا منها يارب

وبقول لكل بنوتة فى سن الثلاثين اوعى تفتكرى ان سن الثلاثين ده بعبع البنات، لا الثلاثين بعبع ،ولا العشرين سن الفرحة، متخافيش من لقب عانس ، لانه لقب مش موجود عندنا فى الدين، والخلفة والذرية دى من عند الله ، فـــى بنات بتتجوز فى سن العشرين واقل ومتخلفش الا فى سن الثلاثين ، لان ده الميعاد اللى حدده لها الله

وفى بنات بتتجوز فى سن الثلاثين وبتنجب مباشرة كل شئ عند الله بقدر ، وفى ناس بتتزوج فى اى وقت كان، ومش بتخلف خالص.
دى حكايتى يابنات وعلى فكرة انا اختصارت منها كتير اوى ، وربنا شاهد انها حكاية حقيقية خالية من اى كذب او رياء والله على مااقول شهيد


ياريت اى بنت لها قصة مع الدعاء او لااستغفار او الصدقة او صلاة القيام تيجى وتحكيه لنا.

قصة أخرى نقلتها لكم من منتدى فتكات


قصة الاخت semsema&H

السلام عليكم ورحمة الله وبركاته
رمضان كريم عليكوا كلكوا وياااااااااااااارب تقبل منا جميعا وينعاد علينا بخير


انا جاية اقولكوا عن تجربتي مع الاستغفار

انا الصبح بقوم البس ةانزل الشغل زي كل يوم العادي يعني
فلبست ونزلت روحت الشغل وفي طريقي وانا راكبه قعدت استغفر ربنا كتير بس ماعديتهمش كام يعني ولحد ماوصلت وقعدت في شغلي وقريت سورة الانفال وكملت شغلي
اولا علشان نكون فاهمين وعلي نور انا بشتغل في شركة ملاحة انا من بورسعيد اصلا يعني شغلنا كله جمارك وسفن وكده
وانتووا عارفين ان القطاع الخاص مابيقبضش غير يوم 5 في الشهر واختكوا احم احم قد اوشك رصيدها علي النفاذ ده اذا ماكانش نفذ فعلا يعني
المهم واذ فجاة تجيلي فلوس من الشغل ارباح دي بتتقسم علي اللي بينزلوا شغل الميناء وانا في الادارة يعني مليش فيهاخاالص
بس فجاة عملوا نظام جديد انه اللي في الادارة تاخد كمان من المبالغ دي
ومبلغ يعني يقعدني لاخر الشهر الحمد لله اختكوا بقي عملت كده هو

قعدت اقول ياالله ياما انت كريم بعبادك بتسهلها عليهم كده بس لمجرد الاستغفار فعلا يابنات ده مفعوله سحرررررررررررررررر بجد بجد
الحمد لله ربنا يكرمنا جميعا
انا حبيت ادخل واحكيلكوا لاني استفدت من موضوع الاستغفار ده من بنات كانوا كاتبين تجاربهم وقولت اعمل كده بس ماكانش علي بالي انه بييجي بالسرعه دي
الف حمد وشكر ليك يااااااااااااااااااااارب

واخيرا عاوزه اللي تدخل ماتخرجش غير لما تدعيلي ييجي رمضان الجاي وانا بفرش شقتي وماتنتهي السنه دي الا وخطيبي مسافر بره يااااااااااااااااارب
امنتكوا امانه ماتكسفونيش بقي

هذه قصة توها نازلة في الصفحة
ما صار لها نص ساعة
اعجبتني والله وشجعتني
وان شاءالله تفيدكم يارب


وصلتنا هذه القصة قبل قليل من عضوة معنا
والله ان قصتها فيها فائدة وتشجيع كبير على ملازمة الإستغفآر
أنصحكم بقرائتها ..


تقول في الرسالة :



... "ارجو عدم ذكر اسمي"
بسم الله الرحمن الرحيم
السلام عليكم ورحمت الله وبركاتة؛

اريد ان اذكر لكم قصتي مع الاستغفار وبعض مما انعم الله به عليا،،
والله الذي لا إله غيره جائت عليا انا وزوجي ايام ضاقت علينا الارض بما رحبت وقد جاء الضيق بعد ان رزقنا الله بمولود جديد،،
لقد قل الرزق لدرجة اننا عجزنا عن احضار "حليب" للمولود فلقد اصابتني ضيقة نفسية عجزت معها علي الارضاع الطبيعي كنا لانجد قرش نصرف به وكثرت علينا الديون واصبحت احمل هم المولود واقول انا اموت من الجوع ولكن طفلي ما ذنبه،،، وسبحان الله هذة الازمة كانت سبب ان اعيد حسابتي وارجع الي الله بعد ان بعدت عنه كثيرا،،

فقلت لبد ان اتصدق ولكن من اين ونحن لا نملك قوت يومنا وفي يوم من الايام الهمني الله بفكرة كانت هي الفتح والخير فتذكرت قول الرسول الكريم"عليه الصلاة والسلام"
(في كل كبد رطبة أجر)،،،

فأخذت شئ مثل الصحن ووضعتة خارجاً وكل صباح بعد صلاة الفجر اضع فية بعضاً من"الرز" كي تأكله الطيور ،،،ووالله الذي لايحمد سواه اصبحت اري الفرج يوما بعد يوم فلقد رزقت الاستغفار ووضعت لنفسي جدول اناوزوجي وكان هذا قبل رمضان بأيام بنية زيادة الرزق فما لبثت اسابيع حتي جاء الفرج وتحقق ماكنا نحلم اسمعو هذة المفاجئة،،
لقد رزقنا الله بمبلغ لم نكن نحلم به جاء الينا من غير حول ولاقوة "3500" دولار. اي مايعادل عندنا في مصر "21000" واحد وعشرين الف جنية،،
وتضفق علينا الخير وسددنا كل الديون وانشرحت صدورنا وحمدنا الله كثيراً،،،

والاغرب من هذا ماكان يحدث معي فلقد اصبح كل من يأذيني او يتسبب لي بحزن مايلبث حتي تحل عليه المصائب،،،
فأذكر لكم البعض فكان هناك امرأة تسببت لي بكثيرا من الخسارة وخاصتاً مع "ابي" فكانت تدس لي المكائد وتنافق ،ففاق حزني كل شئ رفعت يدي ودعوت عليها من شدت مافعلته معي فلم اكن لاسمح ان اخسر رضي " والدي" وقلت يارب ارزقها بمصيبة تبعدها عن ابي والله مالبثت ايام حتي افاجئ انها مرضت" بالسرطان" عافانا الله والسامعين،،
واخرة اذتني لدرجة كبيرة جدا وتكلمت في ، وتفننت في جرحي وايلامي وكسري فكنت احسبن عليها كثيرا ،،، فأول ماحدث معها انها حملت وكانت تتمنا هذا الحمل بشدة فأسقطته وبعد فترة كادت ان تطلق من زوجها وتخسر اولادها وبعدها ماتت امها وهاهي الان في تعب مستمر واصبحت طريحة الفراش،،
والله ليش شماته او تشفي ولكن الله لايرضي بالظلم والله ينصر من لجئ اليه ويصرف اذي الناس عنه،،،
وأخر شئ حدث قبل ايام هذة امرء كانت ترمقني بنظرات الاساءة كلما مررت من جانب بيتها واسمع منها اذية وانالم افعل لها شئ وكنت القي عليها السلام ولكنها تنظر لي بسوء واخر شئ كان قبل ايام حدث منها نفس الشئ فدعوت في قلبي يارب خذ لي حقي فلقد تسببت في حزني فوالله لم تمر ايام حتي تفجع في زوحها و دخل الحزن قلبها،،،
ووالله اصبحت بدون ان ادعو كل من يأذيني اجد الله يأخذ حقي وينصرني ويشفي قلبي دائماً،،،

وهنا وقفة؛ اقولها لنفسي قبل الكل ان لانتعود علي الدعاء علي الظالمين فوالله اشعر بذنب حين اراهم يتعذبون ولكن احيانا لانتمالك انفسنا ولكن لنكن ممن يعفو وينتظر الاجر من الله في الاخرة،،

فأقول لمن ضاقت به الارض وتأخر عنه الرزق وتمنا شئ ولم يحصل عليه عليك بكثرة الاستغفار ولاتيأس فالله لايضيع اجر من احسن عملا،،
وعليكم بالحمد والشكر في كل الظروف فالله ان رأي منك الرضا رزقك وبارك لك في الرزق واذا فتح الله عليك لاتنسي ان تتصدق علي المحتاجين فوالله ان منعت الصدقة اخذ الله منك النعمة،،،
توكلو علي الله حق توكله وألجئو اليه فلن يضيعكم ،،
وادعوه بيقين لان اليقين والثقة بالله هي مفتاح استجابة الدعاء،،،

هذة بعضاً من الفتوحات بسبب الاستغفار وماخفي كان اعظم يكفي انك تشعر برضي الله عليك وقربه منك فهذة اعظم نعمة،،،

فاللهم ارزقنا الشكر بعد الرزق والرضي في كل احوالنا انك انت مجيب سميع الدعاء،،،


..

اللي حابة تنضم للصفحة

قصص الإستغفـــار

جزاكم الله خير اتمني نتعاون ونحط اي قصه جديدة علشان الكل يستفيد