تجربتي مع الإستغفار !!


السلام عليكم ورحمته بركاته


هذا أول موضوع لي ,, وهو من تجربتي اللي عشتها ويا المرض وشلون ربي عاافاني وشافاني ..


راح أدش في الموضوع بدون مقدمات وبدون ما أطول عليكم ...

من سنتين تقريباا كنت تعبانه ومريضه ,تقدرون تقولون مرض نفسي أكثر مما هو مرض عضوي . كنت أحس بضيقه شديده , وإكتئاب , وتنمل في الأطراف , أرق وقلة النوم .كنت ماطيق زوجي , حتى بيتي كرهته , وعيالي مدري عنهم ,متى ياكلون ويشربون , متى ينامون ويقعدون .....

تخبرون أن الواحد لما يمرض مثل هالمرض اللهم ياكافي , هذا الشئ مو بس يؤثرعلى حياته , بل على حياة
المحيطين فيه سواء (أهل , أقارب , زوج ) وينعكس على صحته العامه ويتوهم أن فيه مرض
خبيث .... أرد لموضوعي ,المهم ما خليت طبيب ولا مستشفى إلا ما رحت له
وما بقى تحليل ولا أشعه إلا وسويتها . كلهم يقولون أنت طيبه ما فيج أي شي .
تميت على هـ الحال تقريبا 6 شهور ..... المهم بالأخير أنصحوني الناس أروح حق المشايخ عشان يقرون علي ,,,

رحت لكذا شيخ وقروا علي . حد يقول فيج حسد وعين , والثاني يقول فيج من اللي أعوذ منهم .
لا أنكر أن بعضهم تحسنت على علاجه ....نسيت أقولكم ...وكل واحد فيهم يعطيني علاج شكل ..مرة ماي مقري عليه , وزعفران وماي ورد , وسدر و....إلخ .'
كنت استخدمه فترة وأقطعه إذا ما حسيت بتحسن ...
وفي يوم ,وأنا كالمعتاد متضايقه وأبجي جتني رساله ع الموبايل من وحده من معارفي الله يجزاها بالخيير , طبعا كانت عارفه عن حالتي .كانت الرساله تقول :
( لا تشغل بالك ... واجعل الفرح شكرا , والحزن صبرا , والصمت فكرا ,والنطق ذكرا .
لاتشغل فكرك ...ربما ساءتك أوائل الأمور , وسرتك أواخرها ,كالسحاب أوله برق ورعد وآخره غيث هنئ ... وأستغفر فالإستغفار يفتح الأقفال ويشرح البال .

ولا تنسى ( حسبنا الله ونعم الوكيل ) فإنها تطفئ الحريق , وينجو بها الغريق , ويعرف بها الطريق ..
وداوم على (لا إله إلا أنت سبحانك إني كنت من الظالمين )فسرها عجيب وبعدها للدعوات من الله مجيب .... فإذا استد الحبل انقطع وإذا أظلم الليل انقشع وإذا ضاق الأمر اتسع , فتوكل على الله )

طبعا قريت الرساله أكثر من مره , وقلت في نفسي ليش ما أستغفر وأشوف شراح يصير لي , ماني خسرانه شي . وقررت من يومها أني أستغفر بعد كل صلاه أصليها 100 مره . طبعا جمعت كذا دعا في دعااء وااحد اللي هو ( أستغفر الله العظيم وأتوب إليه ,حسبي الله ونعم الوكيل , لاحول ولا قوة إلا بالله ,لاإله إلا أنت سبحانك إني كنت من الظالمين ) وكنت كل ما ركبت السياره مع زوجي في مشوار , أو وأنا أشتغل في البيت , وأنا على التلفزيون أو الاب توب , وأنا انتظر في استراحه كنت أستغفر . أيضا وصيت زوجي أنه يستغفر وكنت أشجعه وأحثه عليه ...

سبحاااان الله اللي يغير ولا يتغير ...


ظليت على هالحال تقريبا شهر وزياده ... يمكن ماراح تصدقون ياأخواتي لو قلت لكم أني تغيرت , وكل الأعراض اللي كنت أشتكي منها خفت ,,, لا ويمكن زالت بعد . رديت زي أول ويمكن أحسن .
نفسيتي تحسنت , والضيجه والأكتئاب راحوا مني , والتنمل اللي في أطرافي اختفى سبحان الله . اللهم الأرق ساعات يجيني ,أصلا أنا طول عمري نومي قليل .

أحمد الله وأشكره أني خفيت وتشافيت , عشان جذيه أوصيكم بالأستغفار ثم الإستغفار ثم الإستغفار , فإنه علاج لكل الأمراض إلا الموت .فإذا كنت تريد أن تحقق أمنيه أو شئ شبه مستحيل أو أي شئ في بالك , لطلب النجاح , توبه , مال , زواج , ولد صالح , تفريج هم , تنفيس كربة , دفع بلاء , شفاء من أي داء فقط ...... ((( أستغفر )))


هذا وأسأل الله لي ولكم الصحه والعافيه



منقول

كان يوم الأربعاء الساعة 9 ص
بشرتني مدرستي
بأني أخذت نسبة عالية
كنت من الأوائل على المملكة
ورفعت راس أهلي
دخلت تخصص حلو ونادر
وكانت فرحتي فرحتين
مرت أيام البكالوريوس
تعب
سهر
كرف
تخرجت بمعدل حلو
وقلت خلاص الدنيا ابتسمت لي وبنسى الهم
بتوظف وبنسى هم الدراسة والتعب
الشهر الأول بعد التخرج كان كله نوم
الشهر الثاني قضيته بالنت
الشهر الثالث قضيته زيارات
الرابع كان كله طلعات
الخامس بديت أطفش
السادس طقت روحي من الفراغ
كانت أكبر صدمة لي بالدنيا هذي الجملة
مافيــــــــــه وظـــــــــــايف
تنازلت وقلت بشتغل بمدرسة أهلية لو إدارية لو مراقبة براتب ألف وخمسمية
قدمت على كل المدارس الأهليه اللي بجنبنا
كان يجيني رد مباشر مافيـــــه وظــــــايف
أو تخصصك غيـــــــر منــــــاسب
كأن ربي ماكتب لي وظيفة
كاتب أني أمر بهالتجربة
مرت الأيام اكتئاب فظيع
وفراغ كبير في حياتي
والله ما أنساها كنت أدور بالصالة
والشغاله تناظرني علبالها انهبلت
الناس لاهية بوظايفهم ودراستهم
رايحة جاية داخلة طالعة
وأنا أعاني من فراغ كبير
عايشة بدن هدف
أهلي الصباح يقومون يفطرون وكلهم نشاط والضحكة مرتسمة على وجيههم
وأنا منهكة من المواصل ومن الإكتئاب
أناظرهم بعيوني
واتمنى أحس بالإنشغال اللي هم فيه
ربع ساعه ويختفي الحس من البيت
وأقعد لوحدي وأكتئب اكثر وأكثر
مرت 6شهور
7شهور
وأنا أنتظر جوالي يرن
أي أحد يبشرني بوظيفه
لو براتب ألف
كان همي أشغل نفسي
هنا حسيت أني وصلت الحد الإئتماني
قلت لازم أشوف لي حل
لازم أدبر لي وظيفه من تحت الأرض
كنت أفرفر بالمنتديات
وشفت موضوع بأحد المنتديات الله يجزاه كل خير اللي كتبه
واحد يقول تخرجت من الجامعه وعمري 23 وكنت جدا مبسوط وسعيد ساعتها .. مرت سنة ورى سنة وأنا جالس بالبيت .. لا شغل ولا مشغلة .. صرت أستحي أمد يدي لأبوي عشان خمسة وعشرة .. وصل عمري 28 أبي أتزوج أبي اعيش حياتي أبي استقر .. حاولت بحثت تعبت محد راضي يوظفني .. كأن ربي مانع الرزق عني .. يقول بديت استغفر يوم واليوم الثاني أنسى أطنش ألهى .. ومرت الأيام ووضعي مثل ماهو .. عزمت وقررت وعصبت على نفسي .. وأصريت إني استغفر باليوم ألفين مره .. وما أقطع هالعادة لو إيش كان عندي .. يقول بالفعل صرت استغفر باليوم ألفين مره وما أقطعها أبد لو كنت في قمة انشغالي ذاك اليوم .. داومت واصلت عليها .. مر شهر على هالحال وماقطعت الإستغفار .. مر شهرين وماقطعت الإستغفار .. ويدق جوالي .. أرد والا قريب لي من زمان ماكلمني .. استغربت المكالمه .. قالي يافلان أبشر قدمت أوراقك في المكان الفلاني .. وبشروني بقبولك اليوم .. وظيفة حكومية براتب 8آلاف ريال .. ( كم أنت كريم ياربي).
بعد ماقريت هالقصة عزمت إني استغفر باليوم ألفين مره
استغفرت يوم .. بعد يوم .. بعد يوم
حسيت إني أسوي أشياء تنافي هالاستغفار ..
غيبة نميمة أغاني
قررت أقطع كل هالأشياء لأنها تسد باب الدعاء مهما كانت صغيره
تركتها الحمدالله
صرت أخشع أكثر بالإستغفار مو مجرد كلمة اقولها
صرت أحس فيها وأستشعرها
الشهر الثامن كله ما قطعت الإستغفار ولا يوم
الشهر التاسع كله ما قطعت الإستغفار ولا يوم
مرت الأيام
عيدنا مع الناس
خلص العيد
و بدت الدوامات
مر أسبوع أسبوعين
والاكتئاب نفسه الفظيع اللي كنت أحس فيه
توظفت أختي
توظفوا صديقاتي
وأنا أنتظر
ويوم 20 /11 الساعة 9 الصباح
كنت قاعده قدام التلفزيون كالعاده أحاول ألهي نفسي
ولا ويرن جوالي
رقم جهة حكومية أنا سبق وقدمت عليها قبل تخرجي
بدا قلبي يخفق
رديت
كلمتتي موظفه
سألتني أنتي فلانة الفلاني
وأجاوبها إيه وأنا انتفض
اترقب للجملة اللي بتقولها
الا وتقولي مبروووووووووووووووووووووووووووك
تعالي سوي أوراق الكشف الطبي
أنا هنا بغى يوقف قلبي
سكرت السماعه رحت بكيت
وسجدت وحمدت ربي
ودريت أن التقصير كان مني
كنت أعصي ربي
وادعي وانتظره يرزقني
أبسط الذنوب تسد باب الدعاء
لما غيرت من نفسي
ربي غير حياتي
قلت لكم هالقصة
أبي الكل يستفيد
الكل يحاول يقنع عن ذنوبة ويغير حياته
ويزيد تقربه من الله

لكن لسه ماقلت لكم السالفة كاملة
خلال فترة البطالة وخلال هالإكتئاب الفظيع
وأنا كنت أتشبث بأي أمل في وظيفة
كنت مقدمة على وظايف كثيرة
كان من ضمنها وظيفة بعقد في جهة حكومية
وكان معلن عنها منافسة عامة
رحت وأنا بعض الزميلات وقدمنا
بعد فترة
اتصل علي قريب لي
وقال لي
قبلوا 3 من زميلاتك
فقط
وأنتي كان ترتيبك الرابعة
لكن أنا أقدر أحطك بدل الثالثة
بحكم علاقاتي
كان أصعب اختبار بالنسبة لي
كانت وظيفة بمسمى حلو
وراتب أحلى وأحلى
وساعات دوام أحلى وأحلى وأحلى
كان قريبي ينتظر ردي
قلت لأهي وأعتبروني مجنونة لمجرد تفكيري في عرضه
كنت أحس أنه ظلم للمرشحات
أحس أن ربي ماراح يبارك لي فيها
جاني سخط وغضب من عائلتي بمجرد ترددي
وتحت ضغط من أهلي وافقت
ولمدة شهر كامل
وأنا عايشة في جحيم وتأنيب ضمير
إيش ذنب اللي اجتهدت وصارت الثالثة بالترشيح
ماطاوعني قلبي أظلمها
حطيت نفسي مكانها
وحسيت بالظلم
بعد فترة
اتصلوا علي الموارد البشرية
و قالوا لي أن الترشيح نهائي
وتعالي باشري إجراءات التوظيف
كان أصعب شعور
تخيلت نفسي مقبولة فعلا بجهدي
تخيلت نفسي وأنا أبشر أهلي
وأقول لنفسي أخيرا انتهت معاناتي
لكن
مباشرة رفضت وانسحبت من الوظيفة
جاني بعدها موجة غضب كبيرة من أهلي
صبرت وتحملت
واحتسبت الأجر كنت أدري
ربي بيعوضني باللي أحسن منها
وفعلا مثل ماقلت لكم
رزقني بأحسن منها
مليون مره
(ومن يتق الله يجعل له مخرجا)

منقول

اناكنت مريضه بسحر وكان يجيني بضبط وقت اذان المغرب ويستمر معاي 11يوم كنت ماقدر اقوم من السرير كل شهر بنفس اليوم يجيني مايتأخر ديقه وحده وصارت نفسيتي زفت وكأبه تمنيت الموت وكنت اشوف شياء بالمرايه وابكي وهذي حالتي ...المهم قريت عن فوائد الاستغفار وقمت استغفر 1000 مره باليوم بالسبحه ماتفارق ايدني ومره كنت صاحيه الساعه 3الفجر قمت توضيت وصليت ركعتين وكان الالم بيجيني بكره المغرب المهم جلست ابكي واشكي لربي كاني شايفته وادعي لين اذن الفجر وصليت ونمت والله ثم والله صحيت العصر كنت ابكي واقول لامي باقي ساعتين وجيني الوجع المهممرت الساعتين وماجاني الوجع رحت لامي واقول لها يم ماجاني الوجع وانا ابكي فرح لان الالم ماحد يعرفه غير صاحبه والله ثم والله اني الان لي سنتين ماعرفت الوجع واستمريت استغفر فحلمت حلم ودقيت على شيخ معروف بتفسير الاجلام وقلتله عن حلمي قال اسألك بالله وش سويتي قلت استغفر باليوم 1000مره قال يابنتي ادعيلي قلته كيف انت شيخ انت ادعيلي قال والله ان الله رحمك يابنتي ادعيلي قفلت وانا مستغربه من كلامه عرفت ان الاستغفار رحمه من ربي والله رحمه سحانالله يابنات ابيكم تستغفرون لأي شي تبينه وشوفيي ربي شلون مايخلف وعده واستغفري وانتي تغسلين الصحون وانت جالسه بأيوقت وشوفي العجب سبحان الله (ياربي شكرا لك لانك كريم علي وانا شحيحه في شكري لك شكرا لك يارب وانك كنت علي حنون اكثرر من امب علي شكرا لك يارب نك تعطيني اكثر من اللي استاهله شكرا لك يارب )
منقووووول

قصص رائعة ..

بارك الله فيج أختي ريم

بنااااااااااااااااااااااااااااااااااات داومت على صيغة لا اله الا انت سبحانك اني كنت من الظالمين

قاعدة تطلع لي علايم كدمات زرقة مسودة في جسمي وحلمت عين تخووووووووووووف
انا عرفت التفسير فيني عين قوية وان شاء الله اذا استمريت بالهصيغة يمكن يروووح صح

يلا ادعو لي ان الله يثبتي ذبحتني الاغاني :hmh: الله يكرهني فيها يارب :7_5_122:اميين