ألف معنى :

جزاك الله خيرا طاعة الله كلها خير في الدنيا والاخرة لكن اين المكثرين؟

جزاك الله خيرا طاعة الله كلها خير في الدنيا والاخرة لكن اين المكثرين؟

التائبه 2 :

السلام عليكم كيف الحال يابناااات ان شاءالله تمااام ....؟ رجعت لكم مره ثانيه بعد انقطعي عنكم فتره وكان سبب انقطعي اللي يعتبر تجربه جديده لي مع الاستغفار وانا قلت لكم ماراح ابخل عليكم بتجاربي مع الاستغفار انا قبل فتره كتبت تجربتي مع الاستغفار واثره معي على وظيفتي وانه جتني ترقيه والحمدلله الكل صار يعرفني ويتمنى يتعامل معي وكل هذا بفضل الله ثم الاستغفار لاني كنت استغفار بنية ان الله يرفعني في وظيفتي ويحبب الناس فيني والله كل اللي تمنيته صار لدرجة صرت اشك في نفسي اقول شنو السالفه ليه كل هالناس مهتمين فيني والكل يبي يخدمني باي طريقه لكن اذا عرف السبب بطل العجب انا عرفت ان هذا كله من ربي لاني طلبت منه ولا خيبني المهم مو هذا الموضوع الموضوع هو التجربه الجديده اللي صارت لي واللي خلتني مشغوله عن النت هالفتره هي اني فتحت مشروع صغير لي والله يابنات انا للحين مو مصدقه اني فتحت لي مشروع شلون ومتتى كله صار فجاءه وماحسبت له حساب رغم اني ماملك ريال واحد غير راتبي وطبعا هو قليل بس ان شاءالله فيه بركه رغم انه يطير في الجمعيات والمصاريف الثانيه لكن لما ربي يريد شي يقول لها كن فيكون طبعا بتقلون شلون بقولكم مشروعي كان محتاج عشرة الالف ريال وانا راتبي مستحيل احصل على هالمبلغ حتى لو دخلت جمعيه تدرون شنو سويت دخلت اختي معي في المشروع وصار المبلغ المطلوب مني خمسة الالف ريال هالمبلغ اقدر ادخل جمعيه واوفره بس كان فيه مشكله كان فيه جمعيه بس المفروض انا استلم ثالث وحده وانا محتاجه المبلغ الان والا اقول للمشروع باي باي لانه كنت فرصه بالنسبه لي المهم قعدت افكر شنو اسوي قلت مالي الا اني اتسلف الخمسه لحد مايجي دوري في الجمعية واردها كان فيه شخص واحد هو اللي اقدر اتسلف منه كنت قبل لا اطلبه السلف ادعي ربي واستغفر واقول يارب اذا في مشروعي خير لي في ديني ومعاشي وعاقبة امري فيسره لي واذا كنت تعلم انه فيه شر لي في ديني ومعاشي وعاقبة امري فصرفه عني واصرفني عنه بس مادري كان فيه شي قوي يدفعني انه ان شاءالله راح يصير المشروع وراح ينجح المهم اتصلت على الشخص بتسلف منه وكنت مترررردددده حيل ومستحيه اطلبه منه بس قلت هي تجربه صابت صابت خابت خابت طلبت المبلغ منه العصر بعد اذان المغرب كان المبلغ عندي والله ماكنت مصدقه كاني في حلم وبعدها فتحت المشروع والحمدلله لي الحين يمكن 3 اسابيع وان شاءالله ربي راح يباركلي فيه ...... وهذي هي تجربتي مع الاستغفار تجربه جديده واتمنى الكل يستفيد منها لحظو بنات انا كنت اطلب ربي وادعي في شغله معينه رغم هذا عطاني اللي ابيه وزياده هالمشروع اللي لا هو على البال ولا على الخاطر قال الله تعالى {فقلت استغفروا ربكم إنه كان غفارا يرسل السماء عليكم مدرار ويمددكم بأموال وبنين ويجعل لكم جنات ويجعل لكم أنهارا}سورة النوح الأية(10-12]

السلام عليكم كيف الحال يابناااات ان شاءالله تمااام ....؟ رجعت لكم مره ثانيه بعد انقطعي عنكم...