دائما ادخل على الموضوع والله ماقدر ادخل عالم حواء بدون ماامر عليه ..قصصكم تشرح الصدر ربي يجزيكم بكل خير ..

والأخت ريمي ما أقول إلا اللهم جازها بما أنت أهل له يا أكرم الأكرمين ..

ربي يجزاك الف خير ع الدعوات

وبنسبه لي اسبح بالمسبحه وباصابعي
يعني كذا وكذاوسؤالك هي بدعه او لا
تلقين جوابه بها الفتوى

ونقلت لك حكم التسبيح بالمسبحه

وفي سؤال لفضيلة الشيخ محمد بن صالح العثيمين ( اللقاء المفتوح 3/30) عن التسبيح بالمسبحة هل هي بدعة فأجاب : التسبيح بالمسبحة تركه أولى وليس ببدعة لأن له أصلا وهو تسبيح بعض الصحابة بالحصى ، ولكن الرسول صلى الله عليه وسلم أرشد إلى أن التسبيح بالأصابع أفضل وقال " اعقدن - يخاطب النساء - بالأنامل فإنهن مستنطقات " فالتسبيح بالمسبحة ليس حراما ولا بدعة لكن تركه أولى لأن الذي يسبح بالمسبحة ترك الأولى وربما يشوب تسبيحه شيء من الرياء لأننا نشاهد بعض الناس يتقلد مسبحة فيها ألف خرزة كأنما يقول للناس : انظروني إني أسبح ألف تسبيحة ، ثالثا : أن الذي يسبح بالمسبحة في الغالب يكون غافل القلب ولهذا تجده يسبح بالمسبحة وعيونه في السماء وعلى اليمين وعلى الشمال مما يدل على غفلة قلبه فالأولى أن يسبح الإنسان بأصابعه والأولى أن يسبح باليد اليمنى دون اليسرى لأن النبي صلى الله عليه وسلم كان يعقد التسبيح بيمينه ولو سبح بيديه جميعا فلا بأس لكن الأفضل أن يسبح بيده اليمنى فقط .ا.هـ.

نقلت الكلام ده من " ملتقي الفتيات " ويا ريت تقولوا رايكم ؟؟؟؟؟

علما ان صاحبة الموضوع لسه ما تزوجت
يسعدلي صباحـ و مساء أغلى الأخوات في الوجود

يسعدلي صباحكم ومساكم بكل خير وسعادة وتوفيق وراحة بال

وبتجي ان شاء اللـه راحة البال ....بعد مرارة الصبر والحرمان والوحدة

..وراح ن شاء اللـه تكوني من أسعد الزوجات الموفقات بإذن اللــه ..

والكل يغار منك ...من حظك ..ونصيبك... ويغبطك عليه بالدعاء

الصالح لك ياغاليه..

..عزيزتي ..

هذا ملف كامل ان شاء اللـه لجميع برامج تيسير الزواج..

(برامج) عزيزتي يعني شغلات تمشين عليها مدة وأدعيه مثلا ..وسور من القرآن

واستغفار ..وصدقه ..

وأمور ثانيه تكون من عاداتك تغيرها مثال الغيبه ..

-للعلم عزيزتي- نوعية (العادات) تبعدك غالبا عن فرص الزواج

أو أمل اجابة دعائك ..لكن كلها ان شاء اللـه تحلها البرامج.


حبيباتي ......عارفه ان فيكم نسبه كبيرة جالسه في بيوتها بين اربعة

جدران .. اما متأخرة عن الزواج.. او مطلقه .. او ارمله ..وحزينه ماعندها

غير اطلالات النت تقضي وقتها وتنسى همومها عليه ..وربما يكون احيانا خطر

عليها مع فراغها العاطفي الكبير ...

الحرمه مو مثل الرجل في يدها تخرج و تروح وتجي وتغير مزاجها ..

ولا في يدها تخطب لنفسها وتتزوج ....جالسه بس تنتظر النصيب .. ومتى

ى ى تجي يا نصيب ..!

لجل أهمية سعادتك واستقرارك عزيزاتي عندي ولاحساسي بشعورك

حبيبت اخدمك بطرق ..واقسم باللـه يا اخواتي ما اقول هذي الطرق والبرامج

منقوله او ناسخته ..

انا صاحبة الطرح اتكلم معاكي ..تحدوها البشر هذا شايفته في عيني وسمعته بآذاني

قصص حقيقيه واقعه قدامي ..

اشياء عايشتها من تجارب قريبات وصديقات واشياء قرأتها قراءة من صاحباتها

شخصيا على النت ..

واستخلصت لك يا عزيزتي نتائج عجيبه ما تصدقينها ونتائجها..

ماشاء اللـه تبارك اللـه ..

واللـه ..اقسم قسم انهن قريباتي ..بعضهم خطبت و تزوجت بظرف ثلاث اسابيع

وبعضهن شهر فقط .. اطولهن وقت 6 اشهر ..

كله من هذي البرامج ..وبخاااصه أمثال سورة البقرة مرتين في اليوم..

أو سورة يس كل الاوقات الخمس مع البقرة فقط صباح ومساء..

وكانت بعضهن تقول اشلوون.. مستحيل اتخيل اني اتزوج يااائسه انا ..

معقوله انا اتزوج زي العالم والناس ..خلاص تعودت بس اشوف البنات

اللي حولي يتزوجون ماتخيل نفسي يوم من الايام مثلهم ...

وواللـه يا أخوات..ماشيه على احد هذي البرامج وواللـه ماتمت عشرين يوم

في بيت اهلها الا جايها نصيبها وبظرف شهر ونصف متزوجه ..

ماشاء اللـه تبارك اللـه ..اللـه يسعدها ويوفقها ...

ربك قريب يا عزيزتي بس انتي اعملي واصدقي بطلبك وياه ...

اخواتي .. انا راح ابدا بهذي البرامج اقتراحاتي من تجارب

قرايبي ..ومعارفي من الصديقات .. وبعدها راح ابدا بنقل تجارب الاخوات

اللي في النت ..انقلها بطريقة نقل التجارب في موضوعي

تأخر الحمل والانجاب..













البرنامج الاول

يــا أحــلـى وأغـــلى بنـــات ..

هذا البرنامج الاول .. وهو بالمناسبه أقوى البرامج واسرعها ..

بإذن اللــه تعالي بس انتي اصدقي واتبعي التوجيهات بدقه ..
مدة البرنامج 21 يوم .

بدايته من اول يوم بعد الطهارة من الدورة الى اخر يوم قبل الدورة الجايه ..

يعني واحد وعشرين يوم على الارجح .

((وبالمناسبه يا اخوتي يعتبر رقيه شرعيه والرقيه نافعه حتى لو كنتي لا تعانين

من شي .لكنك الان تعانين من عسر الزواج وانتي بأمس الحاجه للرقيه سرا

وبكل كتمان ..))

ماشي هذا المطلوب ::


- بودرة السدر

قلة مملوءة ماء



- مسبحه للاستغفار (دون عدد الاستغفار..فقط تساعدك ماتنسين ابدا)



الآيات والسور المطلوبه:


- الفاتحه

- الآية 102 من سورة البقرة

- آية الكرسي

- من آية 118 الى آية 122 من سورة الاعراف

- آيتي 81 و 82 من سورة يونس

- آيتي 68 و 69 من سورة طـه

-الكافرون

-الاخلاص

-الفلق

-الناس
التوقيت / لازم فترة قدام المغرب يوميا




الطريقة :

اول حاجه جهزي مسبقاً مفرش (يكون ما تبينه عندك مثلا قديم وجهزي لبس لك خفيف شويه

على جسمك .. لانك بترشي الماء على جسمك لازم يكون بغرفتك

مايجوز يكون في دورة المياه وهم مقروء فيهم ..

وايضا لا ينفع انك تكوني (عريانه ) وانتي ترقين أساسا ..بأي حال من الاحوال ..!!))

الان طرقتي المفرش طرقه وحده او ثنتين لجل يكون سميك مايجي ارض غرفتك بلل

وتجيبي قلة المويه او اي اناء نظيف ..تضعي مقدار بسيط من السدر

فنجال او اقل من الفنجال شويييه في القلة وتمليها ماء شرب نظيف

(هذا العمل كله بسريه بغرفتك ماحدا يدري او تقصيه على احد نهائياً)

وتقرئي عليه وانتي طبعا طاهرة هذه الآيات والسور 11 مرة..
وكل شويه ضربي شويه بسطح المويه بإيدك وانتي تقري مثل ما يفعل بالرقى
من مسح المريض اثناء الرقيه الشرعيه ..

الآن انتي خلصتي من القراءة ...

سمي اللــه وصبي مقدار كوب او اقل واشربيه

وبعدها صبصبي من على راسك باقتصاد لاتكبيه كله مرة وحده

صبصبي على ظهرك وكل مناطق جسمك لكن باقتصاد لكل يكفي

خليه كأنه دهان ..وبطنك دخلي يدك جوا ملابسك وامسحي

كلللل جسمك ورجولك رشيهم واقدامك ..خليلك كلك مبلوله بهذا الماء

والسدر ..

و ادعي باللي تدعي واستغفري .. ودااومي على قراءة سورة يس

تراها جدا قويه بمسائل سبحان اللـه الزواج ..وتحتوي ايضا على ايات العين زيادة

وكل كلام ربي خير .

والآن أذن المغرب ... قومي بدلي ملابسك فقط لا تتحممي عنه على طول ..

وصلي المغرب .. واذا قرب آذان العشاء خلاص روحي وتحممي وإلبسي ..
التوجيهات طواااال مدة البرنامج :

خلي هذا الشي ســـــــــري إلاااا يمكن أمك ..

وخليك انسانه طبيعيه للغايه مع اهلك لايبان عليك اي شي..

وأهم أهم حاجه لا تقاااابلي اثناء البرنامج أي ضيوف يجوكم في البيت ..

طوال ال 21 يوم لايشوفك إلا الاشخاص اللي دااايما يشوفك ومختلطه فيهم اللي ما

مايكون عندهم أي ردة فعل برؤيتك..

يعني أهل بيتك فقط ..

وخواتك المتزوجات اللي كثيييير يجون مو مشكله تجلسي معاهم لكن حذااارى

تخبرين وحده فيهن بهذا الموضوع الخاص فيك..نهائيا يا أختي..نهاااااائيا....

وخلي معاك المسبحه دايما في يدك تذكرك بالاستغفار استغفري طواااال مدة

البرنامج لا تفترين ابدا ..

ولا تجلسي قدام منكرات ابدا..التلفزيون والقنوات لا تعرفينهن

سماع الاغاني انسيه تماما...

الكلام في الناس او كثرة الكلاااااام والمزاح تجنبيه عزيزتي انتبهي ..

وخاصه الغيبه .. جميع منكر لا تعمليه ابدا .. والزعل واي خلاف مع اي احد
من البيت تجنبيه ...لاااتختلفي مع احد ابدا .. وخليك هاااديه ..وموووووسعه صدرك
والنت لا تجلسي قدامه اذا كنتي من المدمنين عليه ..

ترا النت بيلهيك أختي وتخلي البرنامج ويصير مايفرق عندك ..

ولهوك بأي شي من تخطيط الشيطان احذريه ..

جميع شغله تلهيك عن برنامجك تأكدي اختي انه لشيطان قاعد يحاربك بكل وسيله ..

للفائدة لكـ مثلاً //

مثلا بنات مشوا على برنامج واستعجلوا لما جاهم خاطب قبل لا يصير اي شي لهوا

وتركوا البرنامج وانشغلوا بتجهيز بعض الامور من السعادة فجأة ..مااااجا العريس ..!

لانه لسه ماصاااار شي اصلا

وتندموا كثييير .. مثال /اقرب نموذج حاصل للفائدة وللتوضيح المفصل //..

مثلاً وحده في رمضان الماضي كانت ماشيه على سورة البقرة والاستغفار يوميا .. من اول شعبان ..

ولما دخل رمضان كلموها اهلها باحد القرابه خاطب ..! وتخيلوا يا اخواتي ..

تركت قراءة السورة والاستغفار ما ردها الا الرياض

من السعادة بتشتري تيور للرؤية الشرعيه..!!!

وراحت للرياض وجلست خمسة ايام وطوال رمضان هذي سيرتهم هالخاطب ..واللي

بتكون بداية الترتيبات بعد العيد مباشرة

ولكن ... !!! ايش اللي حصل يا اخوات ... قبل لا يجي العيد هون ..!!

ليه يا اخوات ...

لانها استعجلت ونست كل شي تركت الاستغفار وقراءة القرآن تمااااما

ونست اللـه ولا شكرته نست كل شي تمااااما

وهذي النتيجه ..؟؟؟

لذلك يا اخوات انتبهوا من غلبة الشيطان عليكن... لا تغتروا بتحسن احوالكم للافضل

بترك الطاعات والعبادات وترك الاسترسال مع اللـه طوال الوقت ..

.............................. .....

وهذا البرنامج الـ (21) ماشاء اللـه من اقوى البرنامج واقصرهم طريق للفرج بإذن اللـه .. واخر وحده عاملته من معارفي (ماشاء اللـه تبارك اللـه لا قوة إلا باللـه

اللـه يوفقها ..ويتمم عليها حياتها الزوجيه ..)

تزوجت في بداية هذي الاجازة وماتتصوروا يا بنات كم مرة كانت خطبت ..؟؟

خطبت يمكن اكثر من 15 مرة

كلهم بمجرد الرؤيه الشرعيه يروح ولا يرجع ...تخيلوا يا اخوات وش شعورها...؟؟

ووش شعور أمها .. واذا واستها امها بكلمتين بواحد او اثنين بيخلص اللي عندها

من ثالث واحد ..! بتصير هي اللي بحاجة من يصبرها ويواسيها .

.. يروحون ..مع انها جميلة وماعليها

ومن عيله وهي اكبر بنات امها وسنها 23 ماهي كبيرة

لكن قد تكون امها محسوده عليها او اللـه اعلم .. لكن مع آخر خاطب راح

تشجعت احدى خواتي المتزوجات وتكلمت مع امها وخبرتها بهذا البرنامج وانها

تخفي بنتها وتعمله لها..

وعملت والدتها هذا البرنامج بسريه تااامه ..واللـه يا بنات جاها خاطب

ماتحلم فيه انه يجيها .. قبل الاختبارات الماضيه وتمت خطوبتها ماشاء الله ..وطوال

الخطوبه والتجهيز ماااااتوقفت عن البرنامج والاستغفار باستمرار

وماشاء اللـه تزوجت في أول هذي الاجازة وحطوا حفل مثل اي زواج .

وسافرت شهر العسل .. واللـه ان والدتها هاليومين كل ماخذت فترة دقت على
اختي تشكرها وتدعي لها من الصميييييييييم .

هذا بالنسبه للبرنامج الاول .

استغفر الله واتوب اليه ..
استغفر الله ..

السلام عليكم ورحمة الله وبركاااته ...

يسسسعدك صباحكم ومسسسساءكم يالغوالي ..
امممم بماا ان الموووضوع عن الاستغفاااار بقولكم قصتي بسًَُِــــــم الله ابد.. كنااافوقت عيد ولا طلعنااا ولا رحناا ابد وتمنيت اناا نطلع بس مافي مجااال وربي ماكتب المهم جتنااا بطاقة زواج يقرب لآختي من اخت زوجهااا..بعيد الفطر1431 وكنت اب اطلع ابي اروووح قالت اختي خلاص برووح استانست وفرحت راحت لبووووي وقالت يبه خل خوواتي يروحن معي عاااد اناا ميقناا ان ابوووي راااح يواافق بس تفااجئت رحت وجلست عندهااا قاااال ابووووووووووووي لالامافي روحه اناااا صراااحه انكسحت وسسسكت ويفكر فيني ويقول كذا عااد اختي تحااول فيه وهووو مصر عاااد اناا توقعت خلاص مراااح يووافقوخذت حاولي 20 دقيقه وهي تحاااول قلت بيني وبين نفسي ليش؟ مآاستغفر واستغفر ت وربي والذي نفسسسي بيده وهي تحااول فيه مدريت الى هو قااايل خلاص عشششانك بس مو عشانهم واستانسست والحمد الله رحنى وغيرناااجو وهذا بفضضل ربي والآستغفاااار انصصصحكم يبنااات بالآستغفااااار وربي شي مو طبيعي وانتووو قريتووو بالموووضوع هذا ..قصصص كثير ربي يسعدكم ويحححق مطالبكم يااااارب .. ولي عوووده ان شاء الله .
استغفر الله الذي لاال الا هو الحي القيوم واتوب اليه ..استغفر الله واتوب اليه ..استغفر الله .