استغفر الله واتوب اليه

استغفر الله واتوب اليه

استغفر الله واتوب اليه

متابعة لكم

تجربتي مع الدعاء والاستغفار..

السلام عليكم ورحمة الله وبركاته..

اخواتي الحبيبات اود ان اخبركم بتجربة حصلت معي الليلة والتي سبحان الله

ايقنت بعدها باهمية الاستغفار والدعاء خاصة في جوف الليل والتي قطعت حبل

الشك او التردد من اجابة الله عز وجل لي..


انا طالبة ادرس في الكلية والحمد لله مجتهدة في دراستي.. في نهاية العام

الدراسي لهذه السنة 2007 , بذلت كل جهدي لارفع معدلي.. ولله الحمد وفقت

في الامتحانات ونلت اعلى الدرجات ولكن الصدمة كانت في المعدل التراكمي

وهو الاهم للتخرج.. صعقت من المعدل لانني لم اتوقعه واصابتني خيبة امل

كبيرة للظلم الذي تعرضت له.. حاولت بان اتصل بالاساتذة والمسؤولين ولكن لم

اجد من يسمعني.. توكلت فيها على ربي وشكرته على نعمة النجاح

لم ينسى الله همي بالرغم من اني نسيته وسبحان من يفرج الهم والكرب.. قمت

الليلة لاصلي ودعوت ربي بان انجح بمعدل عالي هذه السنه واكثرت من

الاستغفار..

والله ويشهد على ما اقووله الخالق الذي يراني ولا اراه اني بعد صلاة الفجر

فتحت موقع الكلية لارى الجدول الدراسي الجديد .. فانصدمت بدرجتي التي تظهر

في الصفحة.. زاااااااااااااااااااااااااااااد المعدل التراكمي والذي اعطاني الامل

للتخرج بامتياز باذن الله... سبحان الله استجابت الدعوة مباشرة لم تمر اكثر من

ساعتين وتغيرت النتيجة .. والله يا اخواتي ان ما اقووله حصل معي الليلة اي

في صباح يوم الثلاثاء من تاريخ 2007-08-21

سبحان الله وبحمده سبحان ربي العظيم

اللهم لك الحمد والشكر كما ينبغي لجلال وجهك وعظيم سلطانك

منقول

خواتي بقولكم قصتي مي قصة احد ثاني المهم مر علي ايام بيتنا ما فيه الا الرز والماء ونعمه يالله لك الحمد بس صابرين ونرجي الخير من الله بس.. هذاك اليوم العيال جيعانة والبيت فاضي ومااعرف اجيب منين لهم استحيت من كثر ما اتسلف قلت بكلم اختي يمكن القى عندها شي يسد الحاجه المهم اتصلت وبعد السلام شرحت لها الوضع تالمت المسكينة حتى بكت قالت والله ماعندي شي (كان نصف الشهر والراتب مايكفيهم لان عندهم ظروف).. قلتها لاتضيقين صدرك حبيبتي لو عارفة كان مااتصلت والله..قلت لحظتها تدرين ربــــــــــــــــــــــــك كريـــــــــــــم وبيفرجهـــــــــــا..قلت هالجملة والله طالعة من قلبي ..حسيت براحة..دعيت لها ولنفسي وعيالي

جا الليل بنفس يوم مكالمتي لاختي واصلا مااحد يجينا ولا يسال عنا فكنت جالسة مع بنتي الكبيرة نسولف في دراستها كانت الساعة عشر ونصف الا والباب يطق؟؟؟؟؟ارتعت وقمنا نراكض واقول اعوذ بالله من طارق يطرق بليل الا طارق يطرق بخير لبست نقابي وجلال الصلاة قلت من ؟ واعلي صوتي من؟؟مااحد رد خفت قمت ادعي الله واقول للبنت خليك جاهزة انتبهي(قلت لايكون حرامي<<حرامي مؤدب يطق الباب!!!استغفر الله من بعض الافكار )المهم الا وصوت رجال يقول :انتي فلانة؟ قلت : من انت؟؟؟؟ قال : افتحي الباب؟؟ يارب رحمتك وسترك الصوت مااعرفه من هذا؟ وبكل ثقة يقول افتحي الباب؟؟؟؟انواع الهواجس اعوذ بالله من الشيطان..عيالي نايمين كلهم ومافيه الا انا وبنيتي..جهزت السطاورة :( استعد للمجهول اللي يبي يصير ونويتها دفااع حتى الموت..(لاتلوموني كنت عايشة وعيالي في عالم مايخافون الله..الزبدة الا والرجاااااال يطول صوتة يقول وجع يوجع بليسك ياحرمة انا خااااااااااالك فلاااااااااان ....... يااا ااالله هذا خالي فلان اللي من يمكن 12سنة ماشفتة وش جابة سبحان الله..صراحة صدمة مع فرحة ماادري وش شعوري لحظتها غريــــــــــــــــــــب..فتحت الباب الا هو بشحمة ولحمة واطير به وارحب به كاني شايفة ابوي وامي لاعجب فالخال هو ثالث الوالدين ..المهم دخل وجلس قال وين العيال ابي اسالم عليهم قلت نايمين والله واعتذرت منه عشان مدارسهم..قال : المهم انتي شلونك وش مسوية والله يا بنات يمكن عشر دقايق جلس قال : مريت اسلم على خالي (خال خالي)قلت خلني اسلم على بنت اختي ..(والله تغيرتي يافلانة ما الومة على جملته انا مريت باهوال بس ربكم كريم يابنات ..الزبدة قبل لا يترخص ويودعني قام طلع من جيبه شي وحطه بيدي وانا اقول وشذا ياخال وهو يقول لي ولا كلمة ترى انا مقصر عندك كثير بس سامحيني يا بنتي مشاغل هالدنيا قمت شكرتة وادعي له..بعد ماودعته واطالع وش عطاني الا هي ثلاثة الاف ريال..سبحانك ربي ما ارحمك وما اكرمك استغفرك واتوب اليك


بنات كتبت لكم ها القصة للعبرة وهي قصتي انا مو اي احد ثاني استفدت انا منها وابيكم تستفيدون......اذا جيتي بتدعين ادعي وكلك ثقة بربك انه يشوفك ويسمعك ويعرف داخلك وحاجة مهمه تجنبي الناس وحكيهم ونمتهم يكفيك الله شرهم الوحدة مننا مليانة عيوب في كل شي فانشغلي بنفسك واتركي الخلق لمن خلقهم الا امر بالمعروف ونهي عن منكر..العفو العفو العفو قد ماتقدرين عن كل من اذاكي او وصلك شرة .. و الله الله بنفسك وعيالك ودينك ووالديك والله يحفظكم ويرضى عني وعنكم اكثري من الدعاء ربنا اتنا في الدنيا حسنة وفي الاخرة حسنة وقنا عذاب النار استودعي الله نفسك وكل احبابك والمسلمين واستغفري لنفسك ولهم جميعا الاحياء منهم والاموات الى يوم الدنيا .. وعذرا للاطالة بارك الله فيكم اختكم والدة ام مسعود

جزاج الله خيرررررررررر اختي ام مسعود على طرح تجربتج لنا

والله يسرلج امورج ويفرجها عليج


اختي مرة قريت في كتاب ان انسان اشتكي الي الرسول وقاله فيما معناة ان الدنيا لم تاتية فقاله الرسول ووصاة فيما معناة ان بعد صلاة الفجر يقول سبحان الله وبحمد واستغفر الله 100 مرة
ففعل الرجل هذا وقال اتتني الدنيا ولا ادري ما اعمل بها


اختي اوصيج بها الشيء تسوينة بعد صلاة الفجر وبعد كل صلاة اذا تقدرين تقربا لله وانا متاكدة ان الله ما بيقصر

واللهم اعني على ذكرك وشكرك وحسن عبادتك