جزاك الله خير اختي كاتبه الموضوع ..
والله نبهتني عن شئ كنت غافله عنه ..

الان اخذت ع نفسي عهد اني استغفر كل يوم دبر كل صلاة 200 مره بتركيز وخشوع ..
ويقيني ان ربي سيعينني ويفرج كربي ويزيح همي ..ويشفيني من الاكتئاب ..

انا بدات بهذا الشئ ... وكان عندي موعد مع الطبيبه .. وللاسف وصفت لي ابره ..وانا بصراحه اخاف من الابر
خاصه اللي بالورك .. مره تالمني واصير مشدوده من الالم لين تنتهي الممرضه ..
كنت يومها استغفر بنوايا كثيره .. منها ان ربي يفرج علي ويسخر زوجي ويسهل ولادتي واشياء مؤرقتني بصراحه ..

الغريب لمن دخلت مع الممرضه وقالت ارفعي .. احس بطني عورني ورفعت وقلت امري لله ..
سبحان الله والله انها طعمتني وماحسيت بالم ..؟؟
احيانا اقول ممكن لانها وافقت مكان مافيه عصب ..
واحيانا اقول مافي شئ جديد سويته الا الاستغفار .. يمكن ربي رحمني وسهل اموري واولها هالشئ ؟؟

ادري ممكن بعضكم يقول ابره ماتستاهل ايش هالدلع ؟؟
بس انا مستغربه كيف ما احس فيها ابد .. حتى وخز حتى شئ ما احس ..

سبحان الله ايقنت ان ربي كريم وهذي بدايتها ..
الان دبر كل صلاه استغفر ربي .. وانا كلي يقين ان ربي مايخيب ظني

وتجي براسي بعض الاحاديث الضعيفه فاصدها عني بالايه الكافيه بالدليل القاطع (( وقلت استغفروا ربكم انه كان غفارا .................الخ )

ايش نبغى من هالدنيا الا ان ربي يغفر لنا ذنوبنا ويحقق امانينا ويرزقنا سعادة الدارين ...

انا على اتصال دائم بهالصفحه عشان نشد من عزم بعض ونسلي بعض ويا بختك ياكاتبه الموضوع اذا كل استغفاري يكون لك اجر فيه ..
عمري ماغبطت احد كثر غبطتك على كثر الحسنات اللي تكسبينها ..

ولا تنسين تجددين النيه في كل مره ..

وفقني الله واياك لكل خير ..

:26::40:

جزاكم الله خير خواتي وخاصة اختي prim rose الله يباركلكم ياااااااااااااارب

اختي مطعونه بسكين الغدر انا عن تجربتي احس بها الشيء احس ان ذكر الله عوما والمداومة علية يغير الشخصية ويخلي لج شخصة حلوة بين الناس

خواتي لا تنسوني وادعولي بالفرج

اختي نعم بأمكانك .........بدليل..هل تريد قوة الجسم وصحة البدن والسلامة من العاهات والآفات والأمراض والاوصاب ؟ عليك بالاستغفار:{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ} .

استغفر الله الذي لا إله إلا هو الحي القيوم واتوب إليه