الدعاء سلاح المؤمن

تعجبو كثيرا فالمجيب السميع لاندرك مدى عظمته لان نظرنا القاصر يمنع من ذلك ولعل حب الدنياشغلنا عن انتظار الفرج .
عني انا لن انسى ذلك اليوم الذي توفي فيه والدي وبقيت احن الى امي التي تسكن كل فؤادي وتملء كل كياني وبرغم من اني اسكن على بعد خمس دقائق منها الا اني شعرت ان البر لها قد وجب اكثر من ذي قبل فلقد اغلق عليناباب الى الجنة وبقي لنا اخر .
ذهبت الى الحرم وبينما انا في احدى اشواط السعي رفعت عيني الى السماء وجلست اتامل في سقف المسعى .وقلبي يحن الى امي وقتها قلت في نفسي لو يصبح سقف بيتي موطا قدم امي اسمع دبيبها واحس بحركتها واطير لها كلما حان الشوق في نفسي لها اعيش معها كل تفاصيل جحياتها واكون في خدمتها خصوصا بعد ان اوصتني جدتي رحمة الله وقالت لي:يابنتي خليك حولين امك.
وقتها فاض دمع عيني فكيف لمثل هذا الحلم ان يتحقق وخصوصا اني متزوجة وللزوج ترتيبات خاصة به .وسكانالعمارة التي تقطن فيها امي كثر ولم يرد ان احدهم قد فكر يوما في الخروج منذ10 سنينفاض دمعي وقلت وقتها يارب اجعل سقف بيتي موطا قدم امي بقي الامل امام عيني وعدنا.
لم يرد في الاقف اي بوادر امل حتى غاب الحلم عني فترة .
ةفي احد الايام كان عندنا ضيوف وزحمة وناس وكنا في قمة الشغل بهم وقتها رن الجوال علي .الو مين انا امك كيف الحال قلت لها بخير قالت عندي لك خبر .
جارنا الي تحت بيتنا مباشرة راح ينقل كمان شهر والشقة لقطة وهي احسن شقة في الدور على شارعين غربي جنوبي وفيها بلكونات والغرف واسعة وصاله وحاجة جنان تعالي اسكني فيها اوسع من بيتك واحسن لك.لم تكن تعلم امي بامنيتي السابقة وجاء الفرج وقتها وفي رمضان وقبل العيد كنت قد سكنت قصري الجديدوتحققلي من الله ما كنت اريده وانا الان لي 5سنوات اعيش قمة سعادتي انا وبناتي وزوجي .مع ام يشهد لها زوجي بانها جار كريم

منقول

لي قصه مع الدعاااااااء المستجاب

قبل ما اتزوج كان فتره يجوني خطاب اثنين ثلاثه مع بعض ويروحوا ويجون مره ثانيه خطاب اثنين ثلاثه مع بعض ويروحو طبعا غير الاولانيين

المهم استمر هالحال طول فترة الكليه وانا بالثانوي تقدم لي قريب لي ورفضت وبعدكل فتره يتقدم وارفض اكثر من 8 سنواااااااااات


المهم مره كنت بروح الحرم واخذت كتاب من قريبتي كتاب ادعيه المهم اعتمرت وخلصت ووالله كانت الكعبه مابيني وبينها احد امي قالت لي يافلانه روحي ادعي قداااام باب الكعبه الدعوه هناك مجابه والله اني مشيييييييييييييييت خط واحد لا زحام ولا شي لين وصلت عند باب الكعبة ومن مكاني اشوف امي يعني مافييييييييييه زحاااااااام اتمنى فهمتوا كيف الوضع!

المهم وادعي وادعي وشوي اخرج الكتاب االلي اخذته من البنت وفتحت على دعاء الزواج ودعيت فيه وهو الدعاء فيه انك تذكري اسم الشخص اللي ودك تتزوجيه عند اسم الشخص ماعندي احد معين طبعا انا احاور نفسي مين جا على بالي؟؟؟؟؟؟؟؟؟










اللي يخطبني له ثماااان سنوات مر مرور يعني انا مادعيت باسمه لكن بس كذا خطر كخاطره فقط!!!! المهم وكملت دعاء اني ربي يرزقني رجل صالح وبس بدون ما احدد


بعد كذا عرفت ان الكتاب فيه اغلاط كثيييييره يعني حق ادعية مخالفه للسنه

بس انا دعيت ونيتي الله عالم بها



المهم بعده بشهر بالظبط رجع خطبني اللي قلت لكم عليه وها المره وافقت!!!!!!! ليش ما ادري مع ان السبب اللي كنت ارفضه له مازاااال وهذاني عايشه فيه


والمفاجأه انه اسمه صاااااااااااالح!!!



وصرت اقول للناس انا نفس دعائي جاني حتى بالاسم خخخخخخخخ

مع اني ماكنت اقصده هو بعينه



وبعد ما اتزوجته قلت له انت ليش كنت ترررروح وترجع تخطبني مره ثانيه

على بالي يحبني


قالي انه كان دايم يدعي اني اكون من نصيبه وكان عنده احساس اني ح
اكون من نصيبه!!!!!!! ماياأس!!


ويقول انه مره في يوم جمعه كان يصلي العصر في المسجد ودعا في السجود انه نوافق عليه


وخرج من المسجد ويادوب ركب سيارته وصل البيت الا جاه الرد بالموافقه


سبحان الله


والحمد لله


منقول

بقولكم قصتي مي قصة احد ثاني المهم مر علي ايام بيتنا ما فيه الا الرز والماء ونعمه يالله لك الحمد بس صابرين ونرجي الخير من الله بس.. هذاك اليوم العيال جيعانة والبيت فاضي ومااعرف اجيب منين لهم استحيت من كثر ما اتسلف قلت بكلم اختي يمكن القى عندها شي يسد الحاجه المهم اتصلت وبعد السلام شرحت لها الوضع تالمت المسكينة حتى بكت قالت والله ماعندي شي (كان نصف الشهر والراتب مايكفيهم لان عندهم ظروف).. قلتها لاتضيقين صدرك حبيبتي لو عارفة كان مااتصلت والله..قلت لحظتها تدرين ربك كريم وبيفرجها..قلت هالجملة والله طالعة من قلبي ..حسيت براحة..دعيت لها ولنفسي وعيالي

جا الليل بنفس يوم مكالمتي لاختي واصلا مااحد يجينا ولا يسال عنا فكنت جالسة مع بنتي الكبيرة نسولف في دراستها كانت الساعة عشر ونصف الا والباب يطق؟؟؟؟؟ارتعت وقمنا نراكض واقول اعوذ بالله من طارق يطرق بليل الا طارق يطرق بخير لبست نقابي وجلال الصلاة قلت من ؟ واعلي صوتي من؟؟مااحد رد خفت قمت ادعي الله واقول للبنت خليك جاهزة انتبهي(قلت لايكون حرامي<<حرامي مؤدب يطق الباب!!!استغفر الله من بعض الافكار )المهم الا وصوت رجال يقول :انتي فلانة؟ قلت : من انت؟؟؟؟ قال : افتحي الباب؟؟ يارب رحمتك وسترك الصوت مااعرفه من هذا؟ وبكل ثقة يقول افتحي الباب؟؟؟؟انواع الهواجس اعوذ بالله من الشيطان..عيالي نايمين كلهم ومافيه الا انا وبنيتي..جهزت السطاورة استعد للمجهول اللي يبي يصير ونويتها دفااع حتى الموت..(لاتلوموني كنت عايشة وعيالي في عالم مايخافون الله..الزبدة الا والرجاااااال يطول صوتة يقول وجع يوجع بليسك ياحرمة انا خااااااااااالك فلاااااااااان ....... يااا ااالله هذا خالي فلان اللي من يمكن 12سنة ماشفتة وش جابة سبحان الله..صراحة صدمة مع فرحة ماادري وش شعوري لحظتها غريب..فتحت الباب الا هو بشحمة ولحمة واطير به وارحب به كاني شايفة ابوي وامي لاعجب فالخال هو ثالث الوالدين ..المهم دخل وجلس قال وين العيال ابي اسالم عليهم قلت نايمين والله واعتذرت منه عشان مدارسهم..قال : المهم انتي شلونك وش مسوية والله يا بنات يمكن عشر دقايق جلس قال : مريت اسلم على خالي (خال خالي)قلت خلني اسلم على بنت اختي ..(والله تغيرتي يافلانة ما الومة على جملته انا مريت باهوال بس ربكم كريم يابنات ..الزبدة قبل لا يترخص ويودعني قام طلع من جيبه شي وحطه بيدي وانا اقول وشذا ياخال وهو يقول لي ولا كلمة ترى انا مقصر عندك كثير بس سامحيني يا بنتي مشاغل هالدنيا قمت شكرتة وادعي له..بعد ماودعته واطالع وش عطاني الا هي ثلاثة الاف ريال..
سبحانك ربي ما ارحمك وما اكرمك استغفرك واتوب اليك



منقول

باحكيلكم قصتي:

انا كنت اشتغل قبل في محل تصوير لاني مصورة والمحل طبعا كله فريق نسائي من بداية التصوير الى الطباعو ورص الصور ووووو يعني مئة بالمئة مافي جنس اخر لكن سبحان الله شوفوا الله كيف كبير تخيلوا المكان فقط 4 بنات (فريق العمل) وهن صاحبة المحل واختها وخطيبة اخوهم وانا الرابعة يعني انا الغريبة في المكان.

ظليت معاهم وفرحت كثير اني بشتغل في مكان مافي اختلاط وانه كلنا بنات وراح نفهم بعض في كل الامور بس الله اراد انه يثبتلي عكس اللي في بالي تماما داومت لمدة 9 شهور والامور كلها كانت على ما يرام وفجاة صاحبة المحل اضطرت انها تجيب ربيعتها على اساس تدير المحل واحنا نتفرغ للتصوير والاعمال الحركية غير الادراية سبحان الله من يوم ما جات هذه الانسانة وانا قلبي كلش ما يطاوعني حاسة بشيء غريب حاسة بضيق حاسة الدنيا تدور علي قلت هذا من عمل الشيطان خليني استغفر ربي وعسى الله يفرجها علي بس والله بدون جدوى الضيق يزيد اكثر واكثر دارت بي الدنيا صرت اكره المحل وصرت اتحاشهم لانهم بالفعل تغيروا علي انا الوحيدة سلبيا يعني ما يكلموني ولا يشاركوني افراحهم وهمومهم استغربت وتيقنت ان السالفة وراءها شيء قررت ذاك اليوم انه ما انام اليل واظل ادعي واستغفر واصلي عشان ارتاح من الحالة اللي انا فيها وعشان اعرف ويش سبب الضيق والرعب اللي انا فيه

تخيلوا بعد عشرة عمر والصحبة الحسنة والمعاملة اللي كنت اعاملهم وصبرت عليهم وعلى قسوة معاملتهم لي صبرت كذلك على تعليقاتهم لي بالسوء وعن اهلي كله هذا بحجة اني محتاجة الى العمل لاساعد اهلي بسبب ظروفنا القاسية واللاسف كنت غافلة شوي عن ربي ثاني يوم توقعوا بعد الصلاة والدعاء والالحاح والاستفغار بفضل الله جات صاحبة المحل بكل قسوة واسلوب قاسي وقالتلي يا فلانة انتي مفصولة من العمل انبهرت بل انصعقت من الخبر دارت بي الدنيا سالتها ليش عسى ما شر بدون موعد مسبق قالتلي لانك خائنة خونتيني وخونتي المحل الدموع سبقت كلامي ولكهنا اصرت على العنف وقالت لا تبكي يا فلانة بدموع التماسيح لانك بالفعل خائنة ووالله والله ثم والله قلت لها بكل رحابة قلب وسعة الصدر انا اعرف انني لم اقم بالذي قلتيه لي ولكن ما راح اقول غير حسبي الله ونعم الوكيل حسبي الله ونعم الوكيل حسبي الله ونعم الوكيل

خرجت من المحل وانا مأخذة نص حقوقي وركضت مسرعة الى المسجد خائفة ليس من احد بل من ردة فعل امي لانها والله ما تستاهل اعورلها قلبها وظليت ادعي واصلي الله يخففها علي عشان اعرف كيف احلها بالضبط والحمدلله اكتشفت ان صاحبة الفتنة واسبب طردي من العمل صديقتها لانها سرقت مبلغا هائلا منها وذهبت الى بلادها بلا رجعة. وانا الآن اعمل في اكبر شركات الدولة استلم ما لا يخطر على بال بشر بالاضافة الى العمولات والزيادات ولله الحمد والشكر

فعلا الأستغفار علاج الروح وداء للقلوب

أرجو الاستفادة من موضوعي وليكون حافزاً قويا للاستمرار في الاستغفار

منقول

السلام عليكم ورحمة الله وبركاته اخواتى فعلا الاستغفار له فوائد عظيمة واضربلكم مثال حصل لى شخصيا---انا ماحمل اللا بعلاج ومراجعات وطولت ما حملت بعد ماجبت ولدى الصغير وتقريبا ياست الا من رحمة الله فقلت فى نفسى ليش ماالتجى الى الله وهو الرزاق فقمت استغفر وانا انظف بيتى وانا قاعدة وقبل لا انام وفى كل وقت كنت اردد استغفر الله الذى لا اله الا هو الحى القيوم واتوب اليه تقريبا لمدة اقل من شهر وفى يوم حسيت بارهاق وتعب ورحت الطبيب شنو تتوقعون قال --مبروك انتى حامل ---بعد خمس سنوات من الانتظار فسبحان الرزاق فانصحكم يا خواتى بالاستغفار



منقول