أماني فتوكة

الإقامة : جدة
-------------


انا عندى قصه مع الدعاء ايضا 00
كنت فى كليه عمليه وارى زميلاتى الى اتخطبت والى اتجوزت وانا كان يجيلى خطاب بس مفيش نصيب المهم خلصت الكليه وكان لسه ماشتغلتش وجاء رمضان وسمعت عمرو خالد بيحكى عن الدعاء ويقول لو لكى دعوه ادعى الله بها صباحا ومساء فى رمضان ولن ياتى رمضان القادم الا وقد استجاب الله لك المهم لم اكن ادعى عادى الى ان تقدم ليا خاطب وسيم جدا ومنصب كويس ووجدتنى ادعو الله ان يرزقنى زوجا صالحا وزريه صالحه بدلا ان ادعو ان يجعله من نصيبى المهم سالنا عليه وبالصدفه طلع زميل اخى جارهم وحزرنا منهم ورفضنا وحصل كذا موضوع ولم يتم الى ان جاء شهر رجب وجدتنى اكلم ماما واقول لها اهو عمرو خالد كان بيقول كذا وانا دعيت بكذ حتى لو اتخطبت لا هلحق اتجوز ولا خلف قبل رمضان ووالله مفيش اسبوع وتقدم ليه زوجى وتم الزفاف سريعا جدا لدرجه ان الناس كتير كانو يحسدونا فى وجوهنا وبفضل الله قبل رمضان كنت حامل والحمد لله رب العالمين انه كريم ولا يوجد اكرم منه

الوزيرة
مصر
----------



والله ما قادرة امسك نفسى من البكاء افتكرت بنتى لما كانت عندها 6سنين صدمتها عربيه على الاسفلت واحنا ساكنين فى ارياف شلتها فى حضنى وطول الطريق وهى شبه ميته رحنا لدكتور الصحه قال ما ليش فيها حل الخبطه فى راسها والبنت مش عاوزة تفوق يعنى فى غيبوبه روحوا مستشفى المركز وهو بعيد شويه وطول الطريق وانا ادعى دعاء واحدواقول يارب ياعالم بحالى وغنى عن سؤالى الطف بى
والحمد لله ولا حتى كسر فيها بعد يوم كامل اشعة وكشوفات طلعت سليمه
وهى دلوقتى عندها13 سنه والحمد لله

ربة منزل - مصرية
(تعيش في الرياض - السعوديه)
--------------------------------





وانا لى مواقف كثيره مع الدعاء كلها اجمل من بعض
وطبعا اساس الدعاء هو اليقين بالله واليقين بالاجابه والالحاح والخضوع لله
والتماس الوقت والاماكن الجميله فى هذا الدعاء

واخر موقفين لى

الموقف الأول :

عندما كان ابنى عنده سنتين ونص وكان مبهدلنى فى الحمام على روحه وكان بيخلع البامبرز وبيبهدل ليه الدنيا به لدرجه انى كنت ببكى علطول وضغطى على وحاولت كل مايمكن عمله لتعليمه دون جدوى او حتى عدم خلع البامبرز والعمل على الارض او فى اى مكان
وسافرت مع اخى وزوجته الى العمره وهو معى وهناك لجأت ودعيت الله عز
وجل ان يشفيه مما فيه وسقيته من ماء زمزم وانتهينا من العمره ورجعنا ولم يعمل ابنى من وقتها حمام على روحه والحمد الله ولا حتى فى طريقى من مكه الى الرياض وعندما وصلنا فوجئت بانه يطلب دخول الحمام وبيمسك نفسه عن البول والبراز معا سبحان الله عز وجل

تمار - مصر :
---------------



انا كمان افتكر موقف صعب قوى كنت بجيب نتيجتى من الكليه واصحابى كلمونى قالولى انى معايا 3 مواد والحقيقى اتصدمت ومكنتش مصدقه وقعدت ادعى ربنا طول الطريق انها تكون غلط واكون نجحت وكنت ببكى كتير وفعلا الحمد لله استجاب منى واكتشفت انهم شافوا الاسم غلط وانا الحمد لله نجحت ومواقف تانيه كتيروالحمد لله

استغفر الله العظيم الذى لااله الا هو الحى القيوم واتوب اليه واسأله التوبة والمغفرة من جميع الذنوب عدد خلقه رضى نفسه زنة عرشه مداد كلماته وعددكل شىءوملء كل شىء عددماخلق وملء ماخلق وعدد ما احصى كتابه وملء ما احصى كتابه وعدد مافي السموات والارض وملء ما في السموات والارض وكما ينبغي لجلال وجه العظيم وعظيم سلطانه وقدره