السلام عليكم بنات


حبيت أفيدكم بقصص وتجارب صارتلي او صارت جدامي عن الاستغفار


القصة الأولى عجيبة وسبحان الله شوفوا كيف الاستغفار منجي


يقولكم وحده في الجامعة سرقت موبايلي وانا يحليلي 5 ساعات احاتي وابجي في ارقام مهمه وخايفة انها تمشكلني والموبايل يديد ماتهنيت فيه تخيلوا اطرش مسجات واترجاها ترد الفون ومافي فايدة لين سبحان الله ربي يبغي يفضحها وكنت بهالوقت اقرى سورة البقرة كل يوم والحمدلله مسكتها ومع اني طيوبة ودوم اسامح بس كنت احلف واقولها والله مااسامحج ذليتيني تخيلوا كان عليه امتحان ورسبت فيه من كثر ما احاتي وتمت طول الوقتت تترجاني ولما شافتني ما عطتني ويه تمت تستغفر وتستغفر وانا اشوفها مستغربة تخيلوا كلمت الادارية واقنعتني وسامحتها وتنازلت عن كل حقي والله نجاها بفضل الاستغفار مع اني كانت لو تموت بس الله ساعدها



والقصة الثانية

صارتلي في امتحان بالجامعة وانا كنت استغفر طول الوقت ويا الامتحان واول ما خلصت حسيت إني ماحليت زين وبرسب وحتى لما راجعت الاجابات مع ربيعاتي طلعت كلها غلط وقبل ما يبدى الكلاس تميت استغفر الله وعطانا المدرس الأوراق والحمدلله بقدرة قادر يبت علامة شبه كاملة

والحين انا استغفر الله بنية التوبة والشفاء والزواج والله يوفق الجميع يارب

فسبحان الله وأستغفر الله العلي العظيم من كل ذنب

ولا تنسوني من دعواتكم

جزاك الله خير

ولي رجعه ان شاء الله

استغفر الله العظيم الذي لا إله إلا هو الحي القيوم واتوب إليه
استغفر الله العظيم الذي لا إله إلا هو الحي القيوم واتوب إليه
استغفر الله العظيم الذي لا إله إلا هو الحي القيوم واتوب إليه

استغفر الله العظيم الذي لا اله الا هو الحي القيوم واتوب اليه

بقولكم سالفتي قبل يومين بالضبط

طبعا الحمدلله والشكر انا من النوع اللي احب اشغل نفسي بالاستغفار بيني وبين نفسي او الدعاء او اذكار

المهم احاول قد مااقدر اني مااسرح وانا ساكته

الزبدة رحت انا واخوي السوق

وكان زحمة مرة مرة ووقفنا قبال المجمع مع باقي السيارت

ودخلنا المجمع الساعه 6 ولا طلعنا الا الساعه 10 ولقينا السيارة مكلبشه ( يعني المرور حاطين عليها كلبشات صفراء عشان الموقف خطأ )

انا بغيت اموت من الخوف تخيلت وجه ابوي اذا درى وش بيسوي فينا انا واخوي بيذبحنا

اخوي ارتبك وجلس هو صغير عمره 20 سنه وجلست استغفر استغفر استغفر والله من قوة الخوف اسمع صوت دقات قلبي كانهم براسي

ويمكن خمس دقايق وانا استغفر وقلت لخوي قوم نكلم الامن الي بالمجمع يمكن ينفعونا قال لا هذا المرور مالهم دخل امن المجمع قلت خلنا نجرب ودخلنا وانا استغفر

وكلم اخوي السكيورتي قال له انت موقف سيارتك بمكان مخالف قال والله ماوقفت الا قدامي صف سيارات يعني ماكنت لحالي قال السكيورتي طيب اطلع للادارة وخلص الاجرائات وارجع لي

انا خفت وش اجرائاته لايكون يبون ابوي

ومشينا شوي قال لخوي تعال تعال رجع له اخوي قال خلاص روح لسيارتك

وبعد شوي جات سيارة مرور وفكوا الكلبشات وقال لاخوي هالمرة مارح ندفعك مخالفه بس المرة الجايه انتبه

وربي لو لا الناس كنت سجدت بالشارع بس جلست ابكي من الفرحه ان ربي انعم علي بعالنعمه

الله لايحرمني منها


واسفه اني طولت عليكم :)