بصراحه اشكر الاخت اللي حطت برنامج فلاش الاستغفار حملته روعه وعساه في ميزان حسناتج اختي وشوووكرن مره
أخرى :)

ماشاء الله
الله يديم نعمه عليك

اللهم أعنا على شكرك وذكرك وحسن عبادتك

رب إني لما أنزلت إليّ من خير فقير ..

فعلا نحن فقراء لرحمة الله ولجوده ولكرمه ولرزقه ولرضاه

فمهما اتانا من خير ،، سنظل فقراء لخالقنا الرحيم الودود ..

مااعرف كيف يقتبسون المواضيع من منتديات ثانية وهذا اقتباس من منتدى ثاني للاخت


± وجدان ±

بنات السلام عليكم ورحمة الله وبركاته
شحالكن عساكم مرتاحين
طبعا انا بقولكم تجربتي
واتمنى الحين الحين الحين كلكم تسوون اللي سويته
صدقوني بييكم الفرج
بس بشرط
تكونين واثقة انه الله مستحيل يردج
مسسستحيل

اول شي دايما كنت اقرا تجارب البنات فالاستغفار واستغفر يومين عقب اقطع وها عيبنا
بس عقب قلت لا زم اسويلي برنامج امشي عليه واترك الكسل

ماعليكم

اول شي بديت من 16- 7 ، شفتوا وقت قريب

1. اقول ( استغفر الله واتوب اليه ) 1000 مرة وساعات اكثر ، يعني خصصي ربع ساعه مب خسرانة شي عندج 24 ساعه فاليوم ( كنت استغفر بنية الحصول على الوظيفة
2. الله يوفقها الاخت ( اخت المجاهدين من عالم حوا حطت هالدعاء وعقب كل صلاة اقوله ، لين ماحفظته قمت اقوله في سجودي



تبين الله يستجيب لج دعائج ؟ ادعيه وانتي فالسجووود ، ادري بتقولين الدعاء طويل وماروم
انزين انا يوم كنت اقوله في سجودي اطول والله اتألم ، احس راسي ثجيل استغفر الله بس تدرون شو كنت اتذكر ؟ اتذكر يوم الرسول صلى الله عليه وسلم بيدعي الله يوم القيامة انه يشفع للامة وبيكون اطول سجود ( سمعته في محاضرة طارق السويدان ) ادعي طولي في سجودج كله لله
اللهم لا يبلغ مدحك قول قائل
ولا يجــــــــزي بآلائك أحــــد

لك الحمد لا نحصي ثناء عليك
أنت كما أثنيــــــت على نفسك

وجهــــــــــــــك أكرم الوجوه ( 3 مرات فأكثـــر )
واسمــــــــــك أعظم الاسماء ( 3 مرات فأكثــــر )
وعطيتــــــــك أحسن العطايا ( 3 مرات فأكثر )

أنت الــــــرب وسواك العبد
أنت الخالق وسواك مخلوق
أنت الرازق وسواك مرزوق
أنت الغنـــــــــي سواك فقير
أنت القـــادر وسواك عاجز .

لا معبود بحق سواك
ولاااااااا إله الا أنت
وعبيدك سوانا كثير ..

أسألك أن تصلي على محمد وعلى آل محمد وأن تبارك على محمد وعلى آل محمد كما صليت وباركت على ابراهيم وعلى ال ابراهيم انك حميد مجيد وأسألك أن ........................ ( سلي الله من خيري الدنيا والآخرة \\\ او ان ترزقني وظيفة عاجلاغير آجل ) وحتى لو تبين ريل ادعي هالدعاء مفعوووله خطييييير عن تجربة منييي شخصياااااا

اقوله عقب كل فرض مب فرض هي وفرض لا ههه

3. كل يوم اقول لااله الا الله وحده لا شريك له له الملك وله الحمد وهو على كل شي قدير ( على حسب كم تقدرين 10 او 20 مرة اللي تبينه

=========
4. اخر شي اللي هو قبل مايدقولي عشان المقابلة
قبلها بيوم قبل اذان الفجر قلت الدعاء اللي فوق وقلت يا ودود ياودود يا ذا العرش المجيد يافعال لما تريد اسالك بنور وجهك الذي ملأ اركان عرشك واسألك برحمنك التي وسعت كل شي واسالك بقدرتك التي قدرت بها على جميع خلقك ان ترزقني وظيفة عاجلا غير آجل
ماشي رقدت ونشيت جا ن يدقولي ويخبروني فلانه يالله تعالي باجر عندج مقابلة وجان اطير من الفرحة
بس بس بس بنات بس والله
ما يبت شي يديد من عندي
كله من الله
اللهم لك الحمد والشكر ماتدرون كل يوم كنت اصيح فالليل لاني مب متوظفة

والمشكلة ماحد كان يدقلي عشان الوظيفة ههه
بس عقب اسبوع من عقب ماطبقت هالشي الحمدلله كل شي تيسر

طبعا انا ماتركت الاستغفار

حتى لو شو صار مابتركه

وادعولي اتوفق بوظيفتي اليديدة
واسال الله العظيم رب العرش العظيم ان يرزق كل واحدة منا سؤلها اللهم امين اللهم امين
( اعتذر لاني طولت عليكم بس بصراحة حبيت تستفيدون من تجربتي )

تعديل : بنات بقولكم شي نسيت اخبركم بس لاتضحكون ، والله العظيم كنت اصلي وادعي اقول يارب مايخلص هالشهر الا وانا متوظفة وانا كنت على يقين مليون بالمية انه الله مستحيل يردني ، وانا على فكرة كنت كاتبة الدعاء في ورقة صغيرة كنت اقوله عقب كل صلاة لين ماحفظته عقب قمت اقوله فالسجود او اي وقت عادي

طبعي شيوخي ماشاء الله تبارك الله الله يسهل امورك