بارك الله فيكم

اختي ابتسم جزااج الله كل خير وجعله في ميزان حسنااااتج يااااااارب وربي يشافيج انتي وكل مريض اللهم ااااامين

اللهمْ أرزقنيَ من خيّريَ الدنيّا والاخرهَ .. مِثل ما أطلبْ وخيّراً مما أطلبْ اللهم آآآآآآآآآآآآآمين

الله يجازي صاحبة الموضوع كل خير بصراحه حمستونا من جد لقيام الليل ..
انا بقولكم قصتي مع قيام الليل قبل القصه بخبركم بأشياء بسيطه عني انا متزوجه لي ثلاث سنوات
والدورة مو منتظمة المهم بذلت الاسباب بالروحه للمستشفيات ومواعيد وفحوصات في النهايه جاءت اللحظات الأخيرة لمعاناتي
المهم في موعدي الاخير كانت استشاريه اللي اطلعت على فحوصاتي وانا اطالعها وهي تقلب الاوراق بين اديها وتغير شكلها كانت هنديه ما تعرف العربي وكان معاها وحده ترجم ..قالت للأسف انتي مستحيل تحملين وانسي الانجاب لأن حالتك ميؤس منها والله يا بنات غصتني العبره وجلست ابلع دموعي واردد في نفسي ربي اجرني في مصيبتي واخلفني خير منها المهم قالت لا تحزني امر الله فوق كل شي بس علاج لا تتعبي روحك طلعت من عندها وربي اشعر بهم الدنيا كابس على روحي وزوجي مستبشر ويسأل هاه بشري وش قالت وانا ابكي بصمت ولا رديت عليه لين وصلنا البيت وشاف وجهي والبكا قال ايش صار وقلتله بصراحه قام يقوي عزيمتي وقال بنتعالج وربي ما راح يخلينا الرزق عند الله ماهو عندهم .. لا تبكين ..توكلي على الله واحسني الظن فيه .. وبصراحه زوجي يموت بالاطفال حتى انه يحط تمشيه عشان يطلع اخوه معانا عشان يلعب مع اولاده ..وكان يخفي شغفه للأطفال قدامي بس انا اشوفه بعيونه لما نطلع مع اخوه ..وقدر الله وسافر زوجي بعمل ..وظليت بالبيت وحدي ليلتها شعرت بحزن وضعف وهم قمت وصليت وصرت ابكي وادعيه انه يشفيني ويعطيني الذريه ..بعدها نمت وحلمت بحرمه كأنها تمرخ ظهري وما اشوف الا يدها ولما انتهت شفت كان بويضه كبر الكفين تنزل في رحمي لونها ابيض .بعدها قالت الحرمه انتي جاهزه الحين ..وصحيت من الحلم ماني مصدقه ..حاولت ادق على شيخ يفسره ولا رد ..عاد الحين لي 3 اسابيع من هذا الحلم ..واتمنى تدعول احمل الله يسعدكم ..

الحمد لله الذي هدانا لهذا وماكنا لنهتدي لولا ان هدانا الله

الحمد لله بعد التزامي بقيام الليل والدعاء وتحري اوقات الاجابه والذكر والقرآن

والله الذي لا إله إلا هو أني أشعر براحة شديدة لأبعد ماتتصورون
والله يوم أقوم الليل كأني ملكت الدنيا بما فيها وأشعر بالرضا والسعادة
وضميري مرتاح عالاخر
وشعوووووووووور بقرب الفرج
وان شاء الله يكتب الله لي ولكل البنات الزوج الصالح والوظيفة