شاركينا تجربتك.. كم يبلغ الفرق في العمر بين أطفالك؟؟ وماهو الأفضل؟

الموضوع عجبنيييييييييييييي مره الله يعافيك اختي انا عندي بنتين الفرق بينهم سنه وثلاث شهور وحده3 سنين و3 شهور والثانيه سنتين تربيتهم متعبه كأنهم توم طبعا خاصة ان ماعندي شغاله ولاودي اجيب الله يصبرني ويغنيني عنهم.. الفتره هذي لها ايجابيات وسلبيات:
السلبيات:
متعبين عند النوم لو صاحت ذي تقوم ذي
متعبين في الاكل توسيخ وكبكبه طول اليوم
عند الحمام الله يعزكم متعبين احس اني ساكنه بالحمام
بادين يتهاوشون مع بعض والكبيره توها باديه تغار من اختها
العناد من شخص متعب.. فمابالك لو كان من شخصين
احس الكبيره ماتاخذ حقها في الدلع
واكبر مشكله انهم مايخلوني اقعد مع ابوهم شوي ولو دقايق غير الازعاج وغير الطلعات للسوق والتمشيات .. خليني ساكته احسن ..الحمدلله رب العالمين بس يهبلون ودي اكلهم على كثر الي يسوونه فينا.
الايجابيات اقل بكثير من السلبيات :
يلعبون مع بعض خاصة لعبه الحريم
الغيره اخف بكثير من لو كان الفارق بينهم كبير
واهم ايجابيه انهم اذا كبرو يكونون اقرب لبعض زي الصديقا ت متفاهمين اكثر.

اتمنى اكون قدرت اعطي وصف صحيح لحالتي ..مشكوره اختي مره ثانيه على موضوعك .

موضوع مُهم أختي الفاضله للأمهات الجدد
بالنسبه لتتالي الولادات وتقارب السن بين الأطفال منهن من يراه مُتعب وغايه في التعب والإرهاق ومنهن من يراه أنسب للأطفال من ناحية محبتهم لبعض وتعودهم على بعض لعدم نشوء الغيره بينهم بعكس إذا تباعدت الأعمار وفهم كل طفل أن مكانه سيؤخذ من طرف أخ أو أخت عن قريب والله أعلم فتنوع الأفكار والعقليات في مفهوم واحد لايُغير أن تعبهم كبير سواء تتالت الأعمار أو تباعدت ..
أما بالنسبه لي أنا لدي خمسة ولله الحمد وأقل مدة كانت بين بعض أبنائي هي سنه وأربع شهور وأكثر مده وهي 5 سنوات و9 شهور والحمدلله
ومن ناحية التعب فأسأل وجهه الكريم أن يرحمنا ويغفر لنا ويحفظهم لي بإذنه تعالى سبحانه
والثلاثه الكبار مع قرب أعمارهم من بعض إلا أني لم أتعب منهم بقدر الإثنين الصغار
فالأطفال يختلفون منهم من تكون تربيته سهله وهو هادئ بطبعه ومنهم أسأل الله له الهدايه والثبات مُتعب لأمه ولنفسه في التربيه .
والله المستعان .
:
دمتي بخير

أنا عندي بنت واحدة والآن حامل بالثاني ولما أولد إن شاء الله يكون عمر بنتي سنتين وتسع شهور ولو إنه كان نفسي لما أولد تكون كملت الثلاث سنين لكن الحمدلله مافيه فرق كبير..
المهم إنها تكون كبيرة وفاهمة شوي وعلى الأقل يخف تعبي منها ويكون التعب لواحد وأنا أشوف الفرق هذا أحسن شيء حتى الأم ترتاح بين الحمل والحمل الثاني وترى تعب الأم مايبان الآن بس لما تكبر في السن بتحس بقلة الصحة والتعب العام لأنها إستنزفت عافيتها وشبابها في الحمل والولادة والتربية..
اما إللي يقولوا لازم يكونوا متتابعين حتى يحبوا بعض ويكون وا قريبين من بعض فأنا أضرب مثل بزوجي وأخوه إللي أكبر منه الفرق بينهم تقريبا ثلاث سنين بس والله كأنهم توأم ما شاء الله تبارك الله يخرجوا مع بعض , يجلسوا مع بعض .دائما مع بعض حتى التعامل بينهم غير تعاملهم مع أخوهم الكبير هو في وادي وهم في وادي مع إنه موكبيرمرة ..
الخلاصة إن الفرق نسبي..

بسم الله الرحمن الرحيم

والله موضوع مهم ومفيد
انا عندي بنت 3 سنين ونص وولد 8 شهور والفرق بينهم 3 سنين تقريبا
بالنسبة لي الفرق جدا ممتاز لانه في عمرها تفهم ما شاء الله اي شيء اقوله
وما تحتاجني في كل شيء زي اخوها اشياء كثيرة هي تسويها بنفسها
ووالله تساعدني كثير في اخوها صحيح اول ما جاء كانت غيرانة لكن بعدين اتغيرت
وصارت مرة تحبه واذا كنت مشغولة تقعد تلعبه واذا بكي تحاول تسكته
وا ن شاء الله ناوية يكون الفرق بينهم كلهم نفس الشيء طبعا كل شيء بارادة ربنا
هو في كل الحالات في تعب لكن اذا الفرق 3 سنين واكثر التعب اقل

السلام عليكم ورحمة الله وبركاته

انا عندي البنت الكبيره بينها وبين اخوها اللي اصغر منها 3 سنوات

بس من ولدت بالولد حملت على طول بعد الاربعين باخوه

بالبدايه كانت وايد متعبة بس من كبرو حسيتهم أكثر من اخوان

يعني ابد ما يصبرون عن بعض كل واحد فيهم يعتمد على اخوه

اما البنت فهيه فى حالها لانها اكبر منهم وهيه قريبه مني اكثر منهم

اما عن التعب تراه ابدا ما ينتهى وهمومهم كل يوم تزيد الله يحفظهم

بس من ينامون في الليل انسى كل التعب اللى سببوه لى